ပြည်ပကုန်သွယ်မှုသတင်းများ

စလိုဗက်ကီးယား၏ အကြီးဆုံး သဘာဝဓာတ်ငွေ့ တင်သွင်းသူ SPP က ဟန်ဂေရီနိုင်ငံသို့ TurkStream ပိုက်လိုင်းမှတစ်ဆင့် ရုရှားဓာတ်ငွေ့ကို ဖေဖော်ဝါရီ ၁ ရက်မှ စတင်တင်သွင်းကြောင်း ကြာသပတေးနေ့တွင် ကြေညာခဲ့သည်။ SPP သည် ရုရှား၏ သဘာဝဓာတ်ငွေ့ ဖြန့်ဖြူးရေး ကုမ္ပဏီ Gazprom နှင့် တရားဝင်စာချုပ်ကို ဆက်လက်ထိန်းသိမ်းထားပြီး ၎င်း၏ဖြတ်သန်းခသည် အခြားသောပေးသွင်းသူများထက် သိသိသာသာသက်သာနေကြောင်း SPP ဘုတ်အဖွဲ့ ဥက္ကဋ္ဌ Vojtech Ferencz ၏ ပြောကြားချက်ကိုကိုးကား၍ SPP သတင်းဌာနကဆိုသည်။ ယူကရိန်း သမ္မတ Volodymyr Zelensky မှ ရုရှားဓာတ်ငွေ့များကို ယူကရိန်းပိုင်နက်မှ Slovakia သို့ ဖြတ်သန်းခွင့်ပြုသည့် စာချုပ်ကို သက်တမ်းတိုးခြင်းမပြုရန် ဆုံးဖြတ်ပြီးနောက် ဇန်န၀ါရီ ၁ ရက်က စလိုဗက်ကီးယားသို့ရုရှားဓာတ်ငွေ့စီးဆင်းမှုကို ရပ်ဆိုင်းခဲ့သည်။Ferencz ၏အဆိုအရ ဥရောပသို့ ရုရှားဓာတ်ငွေ့သယ်ယူပို့ဆောင်ရေးနောက်ဆုံးကျန်ရှိသောပိုက်လိုင်းဖြစ်သည့် TurkStream မှ တစ်ဆင့် Slovakia သို့ ဓာတ်ငွေ့ထောက်ပံ့မှုသည် ဧပြီလမှစတင်၍ ထုထည်နှစ်ဆတိုးလာမည် ဖြစ်သည်။ Slovakia နိုင်ငံသည် ရုရှားဓာတ်ငွေ့အပေါ် မှီခိုနေရဆဲဖြစ်သောကြောင့် ပိုက်လိုင်း၏ စွမ်းဆောင်ရည်သည် နိုင်ငံ၏သုံးစွဲမှုလိုအပ်ချက်ကို အပြည့်အဝဖြည့်ဆည်းရန် မလုံလောက်သေး ကြောင်း SPP ကုန်သွယ်ရေးဌာန အကြီးအကဲ Michal Lalik က ပြောကြားခဲ့သည်။

DOCA(ရန်ကုန်)

ဗီယက်နမ်သည် ဇန်နဝါရီလအတွင်း ခန့်မှန်းခြေ အမေရိကန်ဒေါ်လာ ၅.၀၈ ဘီလီယံ တန်ဖိုးရှိ စိုက်ပျိုးရေး၊ သစ်တော၊ ရေထွက်ပစ္စည်း တင်ပို့မှုမှာ ၂၀၂၄ ခုနှစ် အလားတူကာလနှင့် နှိုင်းယှဉ်ပါက ၄.၉ ရာခိုင်နှုန်း ကျဆင်းခဲ့ကြောင်း စိုက်ပျိုးရေးနှင့် ကျေးလက်ဒေသဖွံ့ဖြိုး တိုးတက်ရေးဝန်ကြီးဌာန ၏ ထုတ်ပြန်ချက်ကို ကိုးကား၍ ဖေဖော်ဝါရီလ ၈ ရက်နေ့က ပြောကြား ခဲ့သည်။

လယ်ယာထွက်ကုန်များ၏ ၀င်ငွေသည် တစ်နှစ်ထက်တစ်နှစ် ၆.၂ ရာခိုင်နှုန်း ကျဆင်းသွား ပြီး သစ်တောထွက်ကုန် ၄.၈ ရာခိုင်နှုန်းမှ ၁.၅ ဘီလီယံဒေါ်လာ နှင့် မွေးမြူရေးလုပ်ငန်းထွက်ကုန် ၉.၃ ရာခိုင်နှုန်းမှ ၃၉ သန်းအထိကျဆင်းခဲ့သည်။ ငါးဖမ်း လုပ်ငန်း မှ ၀င်ငွေသည် တစ်နှစ်ထက် တစ်နှစ် ၀.၃ ရာခိုင်နှုန်း အနည်းငယ် တိုးလာကြောင်း ဒေါ်လာ သန်း ၇၅၀ ရရှိခဲ့ကြောင်း အစီရင်ခံ တင်ပြခဲ့သည်။

ဗီယက်နမ်နိုင်ငံ၏ စိုက်ပျိုးရေး၊ သစ်တော၊ ရေထွက်ကုန်သွင်းကုန် ၀င်ငွေမှာအမေရိကန် ဒေါ်လာ ၃.၉ ဘီလီယံရှိပြီး တစ်နှစ်ထက်တစ်နှစ် ၁၁.၉ ရာခိုင်နှုန်း တိုးလာသည်ဟု ဝန်ကြီးဌာန၏ ထုတ်ပြန်ချက်အရ သိရသည်။

DOCA(ရန်ကုန်)

          ဇန်နဝါရီလတွင် ဗီယက်နမ်၏ စိုက်ပျိုးမွေးမြူရေး-သစ်တော-‌ရေထွက်ကုန် တင်ပို့မှုတန်ဖိုးမှာ ခန့်မှန်း အမေရိကန်ဒေါ်လာ ၅.၀၈ ဘီလီယံ ရှိခဲ့ပြီး ၂၀၂၄ ခုနှစ် ဇန်နဝါရီလနှင့်နှိုင်းယှဉ်ပါက ၄.၉ ရာခိုင်နှုန်းကျဆင်းခဲ့ကြောင်း စိုက်ပျိုးမွေးမြူရေးနှင့် ကျေးလက်ဒေသဖွံ့ဖြိုးတိုးတက်ရေး ဝန်ကြီးဌာန (MARD) အဆိုအရ သိရပါသည်။ ထိုစုစုပေါင်းတန်ဖိုးပမာဏထဲတွင် စိုက်ပျိုးရေး ထုတ်ကုန်တင်ပို့မှုမှတစ်ဆင့် ဝင်ငွေ အမေရိကန်ဒေါ်လာ ၂.၆၄ ဘီလီယံ( ၂၀၂၄ ခုနှစ် ဇန်နဝါရီလ နှင့်နှိုင်းယှဉ်ပါက ၆.၂ ရာခိုင်နှုန်းကျဆင်း)၊ မွေးမြူရေးထုတ်ကုန်တင်ပို့မှုမှတစ်ဆင့် ဝင်ငွေ အမေ ရိကန်ဒေါ်လာ ၃၉ သန်း( ၂၀၂၄ ခုနှစ်ဇန်နဝါရီလနှင့် နှိုင်းယှဉ်ပါက ၉.၃ ရာခိုင်နှုန်းကျဆင်း)၊ ရေ ထွက်ကုန်တင်ပို့မှုမှတစ်ဆင့် ဝင်ငွေ အမေရိကန်ဒေါ်လာ သန်း ၇၅၀(၂၀၂၄ ခုနှစ်ဇန်နဝါရီလနှင့် နှိုင်းယှဉ်ပါက ၀.၃ ရာခိုင်နှုန်းမြင့်တက်) နှင့် သစ်တောထွက်ကုန်တင်ပို့မှုမှတစ်ဆင့် ဝင်ငွေ အမေ ရိကန်ဒေါ်လာ ၁.၅ ဘီလီယံနီးပါး (၂၀၂၄ ခုနှစ်ဇန်နဝါရီလနှင့် နှိုင်းယှဉ်ပါက ၄.၈ ရာခိုင်နှုန်း ကျဆင်း) ရရှိခဲ့ကြောင်း သိရပါသည်။ များစွာသော အဓိကစိုက်ပျိုးမွေးမြူရေးထုတ်ကုန်များ တင်ပို့မှုမှာ ၂၀၂၄ ခုနှစ် ဇန်နဝါရီလနှင့် နှိုင်းယှဉ်ပါက တန်ဖိုးတွင် ကျဆင်းခဲ့ကြောင်း သိရပါသည်။ သစ်သီးနှင့် ဟင်းသီးဟင်းရွက်တင်ပို့မှုမှာ ခန့်မှန်းအမေရိကန်ဒေါ်လာ သန်း ၄၀၀ တန်ဖိုးရှိပြီး ၁၈.၁ ရာခိုင်နှုန်း ကျဆင်းခဲ့ကြောင်း သိရပါသည်။ တင်ပို့မှုအားလုံးနီးပါးကျဆင်းခဲ့သော်လည်း အချို့ကုန်ပစ္စည်းများ တင်ပို့မှုတန်ဖိုးမှာ စံချိန်တင် ကြီးထွားခဲ့ကြောင်း သိရပါသည်။ ကော်ဖီတင်ပို့ မှုမှာ ခန့်မှန်းတန်ချိန် ၁၄၀၀၀၀ ရှိပြီး ဝင်ငွေ အမေရိကန်ဒေါ်လာ ၇၆၃ သန်း ရရှိခဲ့ကာ ၂၀၂၄ ခုနှစ် ဇန်နဝါရီလနှင့်နှိုင်းယှဉ်ပါက ပမာဏတွင် ၄၁.၁ ရာခိုင်နှုန်းကျဆင်းခဲ့သော်လည်း တန်ဖိုးတွင် ၅ ရာခိုင်နှုန်းမြင့်တက်ခဲ့ကြောင်း သိရပါသည်။ ဇန်နဝါရီလတွင် ဗီယက်နမ်ကော်ဖီတင်ပို့သည့် ပျမ်းမျှ ဈေးနှုန်းမှာ တစ်တန်ကို အမေရိကန်ဒေါ်လာ ၅၄၅၀ ရှိပြီး ၂၀၂၄ ခုနှစ် ဇန်နဝါရီလကထက် ၇၈.၅ ရာခိုင်နှုန်းမြင့်တက်ခဲ့ကြောင်း သိရပါသည်။ ရာဘာတင်ပို့မှုမှာ တန်ချိန် ၁၈၀၀၀၀ ရှိပြီး ဝင်ငွေ အမေရိကန်ဒေါ်လာ ၃၄၁ သန်းရရှိခဲ့ကာ ပမာဏတွင် ၁၄.၅ ရာခိုင်နှုန်းကျဆင်းခဲ့သော်လည်း တန်ဖိုးတွင် ၁၄.၆ ရာခိုင်နှုန်း မြင့်တက်ခဲ့ကြောင်း သိရပါသည်။ အာရှတိုက်သည် ဗီယက်နမ်၏ စိုက်ပျိုးမွေးမြူရေး-သစ်တော-ရေထွက်ကုန်တင်ပို့ရာ အကြီးမားဆုံးဈေးကွက်အဖြစ် ရပ်တည်နေ ပြီး စုစုပေါင်းတင်ပို့မှု၏ ၄၇.၉ ရာခိုင်နှုန်းရှိကာ ၎င်းတို့၏နောက်တွင် အမေရိက( ၂၃.၈ ရာခိုင်နှုန်း)၊ ဥရောပ( ၁၁.၄ ရာခိုင်နှုန်း)၊ အာဖရိက(၁.၈ ရာခိုင်နှုန်း)နှင့် Oceania(၁.၅ ရာခိုင်နှုန်း) တို့ ရပ်တည်နေကြောင်း သိရပါသည်။ ဇန်နဝါရီလတွင် အမေရိက၊ အာရှနှင့် ဥရောပသို့တင်ပို့မှု မှာ ကျဆင်းခဲ့ကြောင်း သိရပါသည်။ ‌ဇန်နဝါရီလတွင် အမေရိကဒေသသို့တင်ပို့မှုမှာ အမေရိကန် ဒေါ်လာ ၁.၂၁ ဘီလီယံ တန်ဖိုးရှိပြီး အာရှသို့တင်ပို့မှု (အမေရိကန်‌ဒေါ်လာ ၂.၄၃ ဘီလီယံ)နှင့် ဥ‌ရောပသို့တင်ပို့မှု( အမေရိကန်ဒေါ်လာ ၅၇၇ သန်း) ရှိခဲ့ကြောင်း သိရပါသည်။ MARD ၏ အဆိုအရ ဇန်နဝါရီလတွင် ဗီယက်နမ်သည် ပြုပြင်ထုတ်လုပ်တင်ပို့ရန်အတွက် အမေရိကန် ဒေါ်လာ ၃.၉ ဘီလီယံ တန်ဖိုးရှိသော စိုက်ပျိုးမွေးမြူရေး-သစ်တော-ရေထွက်ကုန်များ တင်သွင်း ခဲ့ပြီး ၂၀၂၄ ခုနှစ် ဇန်နဝါရီလထက် ၁၁.၉ ရာခိုင်နှုန်းမြင့်တက်ခဲ့ကြောင်း သိရပါသည်။

DOCA(ရန်ကုန်)

          အဓိကဈေးကွက်များမှဝယ်လိုအားမတည်ငြိမ်မှုနှင့် ကမ္ဘာလုံးဆိုင်ရာထုတ်လုပ်မှု ကျဆင်းမှုတို့ကြောင့် ၂၀၂၅ ခုနှစ်သည် ဗီယက်နမ်ငရုတ်ကောင်းတင်ပို့သူများအတွက် အခွင့်အလမ်းများနှင့် စိတ်ခေါ်မှုများ နှစ်ခုလုံးကို ဖန်တီးလျှက်ရှိကြောင်း သိရပါသည်။ ဗီယက်နမ်နိုင်ငံ ငရုတ်ကောင်း နှင့် ဟင်းခတ်အမွှေးအကြိုင်အသင်း ဥက္ကဌဖြစ်သူ Hoang Thi Lien ၏အဆိုအရ ကမ္ဘာ့ ငရုတ်ကောင်းထွက်ရှိမှုသည် လေးနှစ်ဆက်ကျဆင်းရန် မျှော်မှန်းရကြောင်း သိရပါသည်။ ထိုသို့ ကျဆင်းမှုသည် စိုက်ပျိုးရေးသမားများက ငရုတ်ကောင်းအစား အကျိုးအမြတ်ပိုမိုရရှိသည့် ဒူးရင်း၊ ကော်ဖီနှင့် စားအုန်းပင် အစရှိသည်တို့ကို ပြောင်းလဲစိုက်ပျိုးသောကြောင့် ဖြစ်ကြောင်း သိရပါသည်။ ထို့ပြင် ရာသီဥတုပြောင်းလဲခြင်းနှင့် ပြင်းထန်သောရာသီဥတုတို့က စိုက်ခင်းများကို အနှုတ်လက္ခဏာဆောင်စွာ သက်ရောက်ခဲ့ပြီး ထုတ်လုပ်မှုကုန်ကျစရိတ်များကို မြင့်တက်စေခဲ့ကြောင်း သိရပါသည်။ ဗီယက်နမ်ငရုတ်ကောင်း အဓိကတင်သွင်းသူဖြစ်သည့် တရုတ်နိုင်ငံသည် ဗီယက်နမ်ထံမှတင်သွင်းမှုကိုလျှော့ချကာ အင်ဒိုနီးရှားထံမှ အဓိကတင်သွင်း လျှက်ရှိကြောင်း သိရပါသည်။ ရလဒ်အနေဖြင့် ဗီယက်နမ်၏ တရုတ်သို့ငရုတ်ကောင်းတင်ပို့မှုမှာ ၂၀၂၄ ခုနှစ်တွင် ၈၂ ရာခိုင်နှုန်းကျဆင်းခဲ့ကြောင်း သိရပါသည်။ Lien က ထိုသို့ပြောင်းလဲမှုရှိသော် လည်း တရုတ်နိုင်ငံသည် ငရုတ်ကောင်းဝယ်လိုအားတည်ငြိမ်လျှက်ရှိပြီး ၂၀၂၅ ကောက်ရိတ်သိမ်း ရာသီတွင် ဗီယက်နမ်မှရောင်းချမှုကို ဆက်လက်မီခိုရမည်ဟု မျှော်လင့်ရကြောင်း ပြောကြားခဲ့ပါ သည်။ Lien ၏အဆိုအရ အမေရိကန်နှင့် ဥ‌ရောပ အစားအစာနှင့် ဟင်းခတ်အမွှေးအကြိုင်ပြုပြင် ထုတ်လုပ်သည့်လုပ်ငန်းများသည် ဗီယက်နမ်ငရုတ်ကောင်းတင်ပို့မှုအတွက် အဓိကမောင်းနှင်အား များဖြစ်ကြောင်း သိရပါသည်။ ကမ္ဘာလုံးဆိုင်ရာ‌ရောင်းလိုအားကျဆင်းလာမှုနှင့်အတူ ထိုဈေးကွက်များသည် ဗီယက်နမ်ထုတ်လုပ်သူများအတွက် သိသာထင်ရှားသောအခွင့်အလမ်းများကို ပေးစွမ်းနိုင်ရန်မျှော်လင့်ရကြောင်း သိရပါသည်။ Goham ကုမ္ပဏီ၏ ညွှန်ကြားရေးမှူးဖြစ်သူ Ho Tri Nhuan က ၂၀၂၅ ခုနှစ်သည် ဗီယက်နမ်ငရုတ်ကောင်းတင်ပို့မှုအတွက် ကောင်းမွန်သင့်လျှော် မှုရှိသော်လည်း ခန့်မှန်းရခက်ခဲနိုင်ကြောင်း ပြောကြားခဲ့ပါသည်။ ဝယ်လိုအားတည်ငြိမ်မှုရှိသော် လည်း ရောင်းလိုအားလျှော့ကျမှုက ဈေးနှုန်းမြင့်တက်ရန်ကူညီနိုင်သော်လည်း ဈေးအတက်အကျ မှာ အဓိကဈေးကွက်များ၏ဝယ်ယူသည့်ပုံစံအပေါ်မူတည်ကြောင်း သိရပါသည်။ တရုတ်နိုင်ငံ သည် မတ်လနှင့်ဧပြီလတွင်စတင်မည့် ဗီယက်နမ်၏အားအကောင်းဆုံး ကောက်ရိတ်သိမ်းချိန်တွင် ဝယ်ယူမှုမြင့်တက်နိုင်ပြီး အမေရိကန်ဝယ်ယူသူများကမူ ၂၀၂၄ ခုနှစ်မှကုန်လက်ကျန်များရှိနေ သေးသောကြောင့် မှာယူမှုနောက်ကျနိုင်ကြောင်း သိရပါသည်။ တစ်ချိန်တည်းမှာပင် Nam Yang Cooperative ၏ ဥက္ကဌဖြစ်သူ Nguyen Tan Cong ကကုန်ကျစရိတ်ဖြတ်တောက်ခြင်း၊ အပင်များ ပိုးကျမှုလျှော့ပါးစေခြင်းနှင့် ဂေဟစနစ်နှင့်လျှော်ညီသော စိုက်ပျိုးမှုအလေ့အကျင့်များနှင့် ပတ်သတ်၍ အသားပေးပြောကြားခဲ့ကြောင်း သိရပါသည်။ ဓာတုပစ္စည်းများအသုံးပြုမည့်အစား အော်ဂဲနစ်ဓာတ်မြေဩဇာများနှင့် ဇီဝဆိုင်ရာရောဂါပိုးထိမ်းချုပ်မှုကို ဦးစားပေးအသုံးပြုခြင်း အားဖြင့် စိုက်ပျိုးရေးသမားများသည် ထုတ်ကုန်အရည်အသွေးမြှင့်တင်နိုင်မည်ဖြစ်ပြီး ကမ္ဘာ့ ဈေးကွက်များတွင် ရေရှည်တည်ငြိမ်မှုကို ရရှိနိင်မည်ဟုသိရပါသည်။ ဗီယက်နမ်နိုင်ငံ အကောင်ခွန် အထွေထွေဦးစီးဌာန၏ အဆိုအရ ၂၀၂၄ ခုနှစ်တွင် ဗီယက်နမ်၏ ငရုတ်ကောင်း တင်ပို့မှုတန်ဖိုးသည် အမေရိကန်ဒေါ်လာ ၁.၄ ဘီလီယံနီးပါးထိရောက်ရှိခဲ့ပြီး ၂၀၂၃ ခုနှစ်ကထက် ၄၅ ရာခိုင်နှုန်းမြင့်တက်ခဲ့ကြောင်း သိရပါသည်။ အမေရိကန်သည် တန်ချိန် ၇၂၃၁၁ တန်ဖြင့် ဗီယက်နမ်ငရုတ်ကောင်းအဓိကတင်သွင်းသူဖြစ်ပြီး ၂၀၂၃ ခုနှစ်ကထက် ၃၃.၂ ရာခိုင်နှုန်း မြင့်တက်ခဲ့ကြောင်း သိရပါသည်။ အခြားအဓိကဈေးကွက်များတွင် အရှေ့အလယ်ပိုင်း၊ ဂျာမနီ၊ နယ်သာလန်၊ အိန္ဒိယနှင့် တရုတ်တို့ပါဝင်ကြောင်း သိရပါသည်။ တစ်ချိန်တည်းမှာပင် ဗီယက်နမ် နိုင်ငံသည် ၂၀၂၄ ခုနှစ်တွင် ပြုပြင်ထုတ်လုပ်တင်ပို့ရန်အတွက် အမေရိကန်ဒေါ်လာ ၁၇၆.၂ သန်း တန်ကြေးရှိသော ငရုတ်ကောင်းတန်ချိန် ၃၆၇၀၀ တန် တင်သွင်းခဲ့ကြောင်း သိရပါသည်။ အဓိက တင်သွင်းခဲ့သည့်နိုင်ငံများမှာ ဘရာဇီး၊ အင်ဒိုနီးရှားနှင့် ကမ္ဘောဒီးယားတို့ဖြစ်ကြောင်း သိရပါသည်။

DOCA(ရန်ကုန်)

          ၂၀၂၄ ခုနှစ်တွင် ဗီယက်နမ်နှင့်အိန္ဒိယအကြား အပြန်အလှန်ကုန်သွယ်မှုတန်ဖိုးသည် အမေ ရိကန်ဒေါ်လာ ၁၅ ဘီလီယံပတ်လည်ရောက်ရှိခဲ့ပြီး ၂၀၂၃ ခုနှစ်ကထက် ၄.၅ ရာခိုင်နှုန်းမြင့်တက် ခဲ့ကြောင်း ဗီယက်နမ်နိုင်ငံအကောက်ခွန်အထွေထွေဦးစီးဌာန၏ အဆိုအရ သိရပါသည်။ ထို ပမာဏထဲတွင် ဗီယက်နမ်မှ အိန္ဒိယသို့တင်ပို့မှုမှာ အမေရိကန်ဒေါ်လာ ၉.၀၆ ဘီလီယံ(၂၀၂၃ ခုနှစ် ကထက် ၇.၆ ရာခိုင်နှုန်းမြင့်တက်) ရှိခဲ့ပြီး ပြန်လည်တင်သွင်းမှုမှာ အမေရိကန်ဒေါ်လာ ၅.၈ ဘီလီယံ(၀.၆ ရာခိုင်နှုန်းကျဆင်း)ရှိခဲ့ကြောင်း သိရပါသည်။ အဓိကပို့ကုန်ကဏ္ဍများကြီးထွားမှု ကြောင့် ဗီယက်နမ်သည် အိန္ဒိယအပေါ် ကုန်သွယ်ရေးပိုငွေပြခဲ့ကြောင်း သိရပါသည်။ ဗီယက်နမ် ၏ အိန္ဒိယသို့ မိုဘိုင်းဖုန်းနှင့် အစိတ်အပိုင်းများတင်ပို့မှုမှာ အမေရိကန်ဒေါ်လာ ၁.၇ ဘီလီယံနီးပါး ရှိခဲ့ပြီး (၂၀၂၃ ခုနှစ်ကထက် ၄.၅ ရာခိုင်နှုန်း မြင့်တက်) စုစုပေါင်းတင်ပို့မှု၏ ၁၇.၅ ရာခိုင်နှုန်း ရှိခဲ့ကြောင်း သိရပါသည်။ ကွန်ပြူတာများ၊ အီလတ်ထရောနစ်ထုတ်ကုန်များနှင့် အစိတ်အပိုင်း များတင်ပို့မှုမှာ အမေရိကန်ဒေါ်လာ ၁.၅ ဘီလီယံ ရှိခဲ့ပြီး စုစုပေါင်းတင်ပို့မှု၏ ၁၅.၆ ရာခိုင်နှုန်း ရှိခဲ့ကြောင်း သိရပါသည်။ စက်ပစ္စည်းများ၊ အစိတ်အပိုင်းများနှင့် အပိုပစ္စည်းများတင်ပို့မှုမှ ဝင်ငွေ အမေရိကန်ဒေါ်လာ ၉၄၇ သန်းရရှိခဲ့ပြီး စုစုပေါင်းတင်ပို့မှု၏ ၉.၈ ရာခိုင်နှုန်းရှိခဲ့ကြောင်း သိရ ပါသည်။ လက်ဖက်၊ သစ်နှင့်သစ်ထုတ်ကုန်၊ ပင်လယ်စာ၊ ဝါး၊ ကြိမ်ပင်၊ ကော်ဇော၊ ရာဘာ ထုတ်ကုန်များ၊ မုန့်မျိုးစုံ၊ ချည်မျှင်များ၊ အဝတ်အထည်များနှင့် အထည်အလိပ်များ ပါဝင်သည့် များစွာသော အခြားပိုကုန်ကဏ္ဍများသည်လည်း အားကောင်းစွာကြီးထွားခဲ့ကြောင်း သိရပါသည်။ ဗီယက်နမ်၏ အိန္ဒိယသို့ တင်ပို့မှုများသည် ကွဲပြားခြားနားလျှက်ရှိပြီး နည်းပညာမြင့်ထုတ်ကုန်များ နှင့် စိုက်ပျိူးမွေးမြူရေးကုန်ပစ္စည်းများသည် အဓိကထားသည့် ဧရိယာများဖြစ်ကြောင်း သိရ ပါသည်။ အခြားတစ်ဖက်တွင်မူ ဗီယက်နမ်၏ အိန္ဒိယထံမှတင်သွင်းမှုမှာ ၎င်းတို့စုစုပေါင်းတင်သွင်း မှုတန်ဖိုး၏ ၁.၅၅ ရာခိုင်နှုန်းသာရှိကြောင်း သိရပါသည်။ ထို့ကြောင့် ဗီယက်နမ်သည် ကုန်သွယ်ရေးပိုငွေ အမေရိကန်ဒေါ်လာ ၃.၂ ဘီလီယံ ရရှိပြီး ၂၀၂၃ ခုနှစ်ကထက် ၂၂.၂ ရာခိုင်နှုန်း မြင့်တက်ခဲ့ကြောင်း သိရပါသည်။

DOCA(ရန်ကုန်)