ပြည်ပကုန်သွယ်မှုသတင်းများ

  အမေရိကန်က၎င်းတို့၏ ဆီမီးကွန်ဒတ်တာများတင်သွင်းမှုအပေါ် အကောက်ခွန်များ ချမှတ်ရန်အစီအစဉ်ကြောင့် စွန့်စားရမှုများရှိနိုင်သော်လည်း ယခုနှစ်တွင် ဖိလစ်ပိုင်၏ အီလတ် ထရောနစ်တင်ပို့မှုမှာ အနည်းငယ်ကြီးထွားနိုင်ကြောင်း ဆီမီးကွန်ဒတ်တာနှင့် အီလတ်ထရောနစ် လုပ်ငန်းအသင်း (SEPI) ၏ အဆိုအရ သိရပါသည်။ SEPI ၏ ဥက္ကဌဖြစ်သူ Dan Lachica က အသင်းသည် ယခုနှစ်တွင် အီလတ်ထရောနစ်တင်ပို့မှု အနည်းငယ်ကြီးထွားနိုင်သည်ဟု ဆက်လက် မျှော်လင့်ကြောင်းနှင့် ၁ မှ ၂ ရာခိုင်နှုန်းမြင့်တက်ခြင်းသည် ဖြစ်နိုင်ချေရှိကြောင်း ပြောကြားခဲ့ပါသည်။  လွန်ခဲ့သည့်နှစ်တွင် ဖိလစ်ပိုင်သည် အီလတ်ထရောနစ်ထုတ်ကုန် အမေရိကန်ဒေါ်လာ ၄၂.၇ ဘီလီယံပတ်လည်တန်ဖိုး တင်ပို့ခဲ့ကြောင်း သိရပါသည်။ Lachica က ၎င်း၏အကောင်းမြင်သုံးသပ်မှုသည် နိုင်ငံ၏နောက်ဆုံးတင်ပို့မှုစွမ်း‌ဆောင်ရည်အပေါ်အခြေခံ ကြောင်း ပြောကြားခဲ့ပါသည်။ ဖိလစ်ပိုင်စာရင်းအင်းအာဏာပိုင်အဖွဲ့၏ အချက်အလက်များအရ ယခုနှစ်၏ ပထမ ၇ လတာကာလတွင် အီလတ်ထရောနစ်ထုတ်ကုန် အမေရိကန်ဒေါ်လာ ၂၅.၆၁ ဘီလီယံတန်ဖိုးတင်ပို့ခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၇.၂ ရာခိုင်နှုန်းမြင့်တက် ခဲ့ကြောင်း သိရပါသည်။ အမေရိကန်သမ္မတဒေါ်နယ်ထရမ့်၏မူဝါဒများနှင့် ပထဝီနိုင်ငံရေးမ သေချာမှုများရှိနေသော်လည်း ယခုနှစ်အတွက် အနည်းငယ်ကြီးထွားရန်ခန့်မှန်းချက်မှာ သင့်တင့် ကြောင်းပြောကြားခဲ့ပါသည်။ အစောပိုင်းက ထရမ်သည့် အမေရိကန်တွင်ကုန်ထုတ်လုပ်ခြင်း၌ ရင်းနှီးမြှုပ်နှံခြင်းမပြုလုပ်သည့် ကုမ္ပဏီများထံမှ ဆီမီးကွန်ဒတ်တာတင်သွင်းမှုများအပေါ် အကောက်ခွန်များချမှတ်မည်ဟု ပြောကြားခဲ့ပါသည်။ ရင်းနှီးမြှုပ်နှံမှုနှင့်စီးပွားရေးရာဥက္ကဌ၏ လက်ထောက်ဖြစ်သူ Federick Go က အစိုးရသည် ဆီးမီးကွန်ဒတ်တာများအပေါ် အကောက်ခွန် ကောက်ခံခြင်းမှ ကင်းလွတ်ခွင့်ရရန်ကြိုးပမ်းနေကြောင်း ပြောကြားခဲ့ပါသည်။ Lachica က ယခုနှစ်တွင် ဆီမီးကွန်ဒတ်တာများအပေါ် အမေရိကန်အကောက်ခွန်များချမှတ်ရန် မမျှော်လင့် ကြောင်း၊ ဖိလစ်ပိုင်ရှိကုမ္ပဏီများသည်လည်း ချစ်ပ်များကို ဝယ်လိုအားအပေါ်အခြေခံ၍ ဆက်လက်ထုတ်လုပ်နေကြောင်း၊ အကောက်ခွန်များမှာချက်ချင်းမသက်ရောက်နိုင်ပဲ ၃ လမှ ၆လ ကြာမှသက်ရောက်နိုင်ကြောင်းနှင့် ထို့ကြောင့်ချိန်ညှိမှုပြုလုပ်ရန် အချိန်ရကြောင်း ပြောကြားခဲ့ပါ သည်။ Lachica ၏အဆိုအရ AI ပါဝင်သည့်နည်းပညာသစ်များသည် ကြီးထွားမှု၏မောင်းနှင်အား များဖြစ်ကြောင်း သိရပါသည်။

DOCA (ရန်ကုန်)

အုပ်ချုပ်မှုတိုးတက်ရန်၊ ထုတ်လုပ်မှုအရှိန်မြှင့်တင်ရန်နှင့် ဒေသဆိုင်ရာငါးဖမ်းစီးသည့် အသိုက်အဝန်းများ၏ လူမှုဖူလုံမှုမြှင့်တင်ရန် အင်ဒိုနီးရှားအစိုးရသည် အရှေ့ပိုင်းဒေသများတွင် ငါးဖမ်းလုပ်ငန်းဆိုင်ရာအခြေခံအဆောက်အအုံများ အားကောင်းရန် လုပ်ဆောင်နေကြောင်း သိရပါသည်။  ငါးလုပ်ငန်းစီးဌာန၏ ခေတ္တညွှန်ကြားရေးမှူးချုပ် Ridwan Mulyana က ရေကြောင်းရေးရာနှင့် ငါးလုပ်ငန်းဝန်ကြီးဌာနသည် Papua ၊ Maluka နှင့် East Nusa Tenggara တို့တွင် ငါးဖမ်းလုပ်ငန်းဆိုင်ရာအဆောက်အုံတည်ဆောက်ရန်နှင့် အုပ်ချုပ်မှုတိုးတက်ရန် ဆက်လက်လုပ်ဆောင်နေကြောင်းနှင့် များစွာသောပရိုဂရမ်များနှင့် ရန်ပုံငွေချထားမှုကနဦး ဆောင်ရွက်မှုများကို ဝန်ကြီးဌာနမှတိုက်ရိုက်ဆောင်ရွက်ခြင်းနှင့် ဗဟိုအစိုးရမှ ဒေသန္တရအစိုးရများ သို့ ဘဏ္ဍာရေးလွှဲပြောင်းခြင်းနှစ်ခုစလုံးနှင့် အကြီးစားအဆင့် ထိရောက်စွာဆောင်ရွက်သွားမည် ဟု ပြောကြားခဲ့ပါသည်။ တိုက်ရိုက် သို့မဟုတ် Special Allocation Fund (DAK) မှဖြန့်ဖြူးမည့် ထောက်ပံ့မှုသည် ထုတ်လုပ်မှုမြင့်တက်ရန်နှင့် အသေးစားငါးလုပ်ငန်းရှင်များ၏ လူမှုဘဝတိုးတက် ရန် ရည်ရွယ်ကြောင်း သိရပါသည်။ ထောက်ပံ့မှုတွင် ငါးဖမ်းဆိပ်ကမ်းအဆောက်အဦးများ ထူထောင်ခြင်း၊ တံငါရွာများတွင် ထုတ်လုပ်မှုပစ္စည်းများ ထောက်ပံ့ခြင်းနှင့် အသေးစားငါးဖမ်း သမားများအတွက် ရေယာဉ်နှင့် ငါးဖမ်းပစ္စည်းများပံ့ပိုးခြင်းတို့ပါဝင်ကြောင်း သိရပါသည်။၂၀၂၃ မှ ၂၀၂၄ ခုနှစ်ကြားတွင် ဝန်ကြီးဌာနသည် ရူပီး ၇၀.၉ ဘီလီယံ၊ ပြည်နယ်အဆင့် DAK က ရူပီး ၄၁၅ ဘီလီယံနှင့် ခရိုင်အဆင့် DAK က ရူပီး ၅၀၂.၂ ဘီလီယံကို အရှေ့ပိုင်းဒေသများသို့ ရန်ပုံငွေပံ့ပိုးပေး ခဲ့ကြောင်း သိရပါသည်။ ၂၀၂၃ ခုနှစ်တွင် ဝန်ကြီးဌာနသည် ၂၀၂၅ မှ ၂၀၂၇ ခုနှစ်ကြားတိုးချဲ့မည့် အစိုးရ၏ Red and White  တံငါရွာပရိုဂရမ်အတွက် မော်ဒယ်တစ်ခုဖြစ်လာမည့် ရှေ့ပြေးခေတ်မီ တံငါရွာကို Papua ပြည်နယ် Biak ကျွန်းတွင် တည်ထောင်ခဲ့ကြောင်း သိရပါသည်။ ၂၀၂၅ ခုနှစ် အတွက် စီစဉ်ထားသည့် နေရာ ၆၅ ခုအနက် များစွာသောရွေးချယ်ခံထားရသည့် တည်နေရာများ မှာ Maluka ၊ Nusa Tenggara နှင့် Papua ပြည်နယ်တို့တွင် တည်ရှိကြောင်း သိရပါသည်။ ရေကြောင်းနှင့် ငါးလုပ်ငန်းကဏ္ဍလည်ပတ်နေသည့် ကျေးရွာကော်ပိုရိတ် ၃၄၆၀၆ ခုအနက် ၅၀၇၇ ခုသည် ထိဒေသ ၃ ခုတွင် တည်ရှိကြောင်း သိရပါသည်။ ရေကြောင်းနှင့် ငါးလုပ်ငန်းကဏ္ဍတွင် ဖွံဖြိုးတိုးတက်ရေးကို အခွန်မဟုတ်သောနိုင်ငံတော်ဝင်ငွေ (PNBP) မှ ဆင်းသက်လာသည့် ဝင်ငွေဝေမျှမှုရန်ပုံငွေ (DBH) ကပံ့ပိုးပေး သွားမည်ဟု သိရပါသည်။ ရေကြောင်းရေးရာနှင့် ငါးလုပ်ငန်းဝန်ကြီး Sakti Wahyu Trenggono က စီမံထားသည့် ငါးဖမ်း မူဝါဒမှတစ်ဆင့် ငါးဖမ်းလုပ်ငန်းအတွက်အုပ်ချုပ်မှုအသွင်ကူးပြောင်ရေးသည် စဉ်ဆက်မပြတ် အစားအစာဖူလုံရေးနှင့် စီးပွားရေးနှင့်ဂေဟဗေဒ ဟန်ချက်ညီမှုအတွက် အဓိကကျသောမဟာ ဗျူဟာဖြစ်ကြောင်း ပြောကြားခဲ့ပါသည်။   DOCA (ရန်ကုန်)

  ဗီယက်နမ်ဆိုရှယ်လစ်သမ္မတနိုင်ငံ ဟိုချီမင်းမြို့တွင် ၂၀၂၅ ခုနှစ်၊ စက်တင်ဘာ ၄ ရက်မှ ၆ ရက်အထိ ကျင်းပခဲ့သည့် Vietnam International Sourcing Expo 2025 သို့ ကမ္ဘောဒီးယားနိုင်ငံ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အထွေထွေကုန်သွယ်မှု မြှင့်တင်ရေးညွှန်ကြားရေးမှူးချုပ် Kith Pheara က ကမ္ဘောဒီးယား ကုန်သွယ်မှုကိုယ်စားလှယ် အဖွဲ့အား ဦးဆောင်ပြီး တက်ရောက်ခဲ့သည်။ ၁၀-၉-၂၀၂၅ ရက်နေ့တွင် ထုတ်ပြန်ခဲ့သည့် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ ကြေညာချက်အရ ကိုယ်စားလှယ်အဖွဲ့တွင် အစားအသောက် ပြုပြင်ခြင်းလုပ်ငန်း၊ စီးပွားရေးဝန်ဆောင်မှုနှင့် ထောက်ပံ့ပို့ဆောင်ရေးတို့ကို ကိုယ်စားပြုသည့် ကမ္ဘောဒီးယား လုပ်ငန်းရှင် ၁၂ ဦး ပါဝင်ခဲ့သည်။ ခရီးစဉ်အတွင်း ကမ္ဘောဒီးယား ကုန်သွယ်ရေး ကိုယ်စားလှယ်အဖွဲ့သည် ၁၉ ကြိမ်မြောက် ဗီယက်နမ် အပြည်ပြည်ဆိုင်ရာ ကုန်စည်ပြပွဲ ဖွင့်ပွဲနှင့် ၁၉ ကြိမ်မြောက် နိုင်ငံတကာခရီးသွား ပြပွဲ အပါအဝင် အဓိက လုပ်ဆောင်ချက် အများအပြားတွင် တက်ကြွစွာ ပါဝင်ဆောင်ရွက်ခဲ့သည်။ ကိုယ်စားလှယ်အဖွဲ့ သည် Saigon Exhibition and Convention Center (SECC) ၌ ကူးသန်းရောင်းဝယ်ရေးနှင့် ခရီးသွားလုပ်ငန်းဆိုင်ရာ နိုင်ငံတကာ ဝန်ဆောင်မှုဆိုင်ရာ ကုန်စည်ပြပွဲများနှင့် ပြပွဲများကို သွားရောက်ကြည့်ရှုခဲ့ကြသည်။ Vietnam International Sourcing Expo 2025 တွင် ဗီယက်နမ်စီးပွားရေးလုပ်ငန်း ၄၀၀ ကျော်အပါအဝင် နိုင်ငံပေါင်း ၂၀ မှ ကုန်ပစ္စည်းများနှင့် ဝန်ဆောင်မှု ၁၂,၀၀၀ ကျော်ကို ပြသထားကြောင်း ဝန်ကြီးဌာနက ထုတ်ပြန်ထားသည်။ အဆိုပါအခမ်းအနားတွင် နိုင်ငံပေါင်း ၆၀ မှ ကိုယ်စားလှယ် ၄၅၀ ဦးကျော်ကို တက်ရောက်ခဲ့ပြီး ကမ္ဘာလုံးဆိုင်ရာထောက်ပံ့ရေးကွင်းဆက်များ ချိတ်ဆက်မှုများ အားကောင်းစေရန် အခွင့်အလမ်းများ ဖန်တီးပေးခြင်း၊ ကုန်သွယ်မှုကွန်ရက်များ ချဲ့ထွင်ခြင်းနှင့် ဒေသတွင်းနှင့် ကမ္ဘာလုံးဆိုင်ရာ အဆင့်နှစ်ရပ်စလုံးတွင် ပေါ်ထွက်နေသော ခရီးသွားနေရာများကို စူးစမ်းလေ့လာရန် အခွင့်အလမ်းများ ဖန်တီးပေးခဲ့ကြောင်း MoC မှ ထုတ်ပြန်ထားသည်။

DOCA(ရန်ကုန်)

  ရှန်ဟိုင်းပူးပေါင်းဆောင်ရွက်ရေးအဖွဲ့ (Shanghai Cooperation Organisation Plus) အစည်းအဝေးအတွင်း ပြုလုပ်ခဲ့သောကတိကဝတ်များကိုအခြေခံကာ နှစ်နိုင်ငံခေါင်းဆောင်များ ၏ မဟာဗျူဟာအမြင်နှင့်အညီ ကမ္ဘောဒီးယားတွင် ရင်းနှီးမြှုပ်နှံမှုများ တိုးမြှင့်ရန် တရုတ်နိုင်ငံ အခြေစိုက် ပို့ကုန်-သွင်းကုန်ဘဏ် (CEXIM) က ကတိပြုခဲ့သည်။ ကမ္ဘောဒီးယား ဖွံ့ဖြိုး တိုးတက်ရေးကောင်စီ (CDC) ၏ ဒုတိယဥက္ကဋ္ဌ (၁) Chanthol နှင့် CEXIM ဥက္ကဋ္ဌ Chen Huaiyu တို့ ၉-၉-၂၀၂၅ ရက်နေ့တွင် Fujian ပြည်နယ်ရှိ Belt and Road နိုင်ငံတကာရင်းနှီးမြှုပ်နှံမှု ပူးပေါင်းဆောင်ရွက်ရေး အိတ်ချိန်းတွင် ပြောကြားခဲ့ခြင်းဖြစ်သည်။ Chen သည် Belt and Road Initiative (BRI) အောက်တွင် ကမ္ဘောဒီးယား၏ မြင်သာထင်သာသော တိုးတက်မှုကို တင်ပြခြင်းအား ချီးကျုးခဲ့ပြီး Chanthol ၏ မှတ်ချက်သည် နိုင်ငံတော်၏စီးပွားရေးအပေါ် ရင်းနှီးမြှုပ်နှံသူများ၏ ယုံကြည်မှုကို ပိုမိုခိုင်မာစေကြောင်း ပြောကြားခဲ့သည်။ ကမ္ဘောဒီးယား၏ ထောက်ပံ့ပို့ဆောင်ရေးနှင့် ဒေသတွင်းဈေးကွက်များနှင့် ချိတ်ဆက်မှုအသွင်ပြောင်းရန် မျှော်လင့်ထားသည့် Funan Techo အပါအဝင် အထင်ကရစီမံကိန်းများကို ပံ့ပိုးရာတွင် CEXIM ၏အခန်းကဏ္ဍကို ဆက်လက် ပြောကြားခဲ့သည်။ Chanthol က ကမ္ဘောဒီးယားနိုင်ငံ၏ အခြေခံအဆောက်အအုံနှင့် ဖွံ့ဖြိုးတိုးတက်ရေး ရည်မှန်းချက်များကို ကာလရှည်ကြာ ပံ့ပိုးပေးခဲ့သော တရုတ်နိုင်ငံ၏ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ CEXIM၊ အမျိုးသား ဖွံ့ဖြိုးတိုးတက်ရေးနှင့် ပြုပြင် ပြောင်းလဲရေး ကော်မရှင်နှင့် တရုတ် နိုင်ငံတကာ ဖွံ့ဖြိုးတိုးတက်ရေး ပူးပေါင်းဆောင်ရွက်ရေး အေဂျင်စီတို့အား ကျေးဇူးတင်ရှိကြောင်း ပြောကြားခဲ့သည်။ တရုတ်ကုမ္ပဏီများသည် ကမ္ဘောဒီးယားနိုင်ငံအတွင်း ကုန်ထုတ်လုပ်မှု၊ အိမ်ခြံမြေ၊ အခြေခံအဆောက်အအုံနှင့် ဒစ်ဂျစ်တယ်ဝန်ဆောင်မှုများအထိ ကဏ္ဍများစွာတွင် ရင်းနှီးမြှုပ်နှံမှုစီးဆင်းမှုများကို လွှမ်းမိုးထားကြောင်း Heng က မှတ်ချက်ပြုခဲ့သည်။

DOCA(ရန်ကုန်)

   ကမ္ဘောဒီးယားနိုင်ငံ၏ အာမခံကဏ္ဍကို အားကောင်းစေမည့် လှုပ်ရှားမှုတွင် ကမ္ဘောဒီးယား အာမခံ စည်းမျဉ်းစည်းကမ်းထိန်းသိမ်းရေးအဖွဲ့ (IRC) နှင့် ဗြိတိန်နိုင်ငံမှ အာမခံလုပ်ငန်းအဖွဲ့ (CII) တို့သည် ဒေသဆိုင်ရာ စွမ်းရည်မြှင့်တင်ရေး၊ လေ့ကျင့်ရေးနှင့် ဖွံ့ဖြိုးတိုးတက်ရေးဆိုင်ရာ နားလည်မှုစာချွန်လွှာ (MoU) ကို ၁၀-၉-၂၀၂၅ ရက်နေ့က လက်မှတ်ရေးထိုးခဲ့ကြသည်။ အဆိုပါ နားလည်မှုစာချွန်လွှာကို IRC ညွှန်ကြားရေးမှူးချုပ် Bou Chanphiru နှင့် CII ၏ အမှုဆောင်ဒါရိုက်တာ Holly Porter တို့ လက်မှတ်ရေးထိုးခဲ့ကြသည်။ အဆိုပါ နားလည်မှု စာချွန်လွှာသည် ကမ္ဘောဒီးယားနိုင်ငံရှိ လူ့စွမ်းအားအရင်းအမြစ်နှင့် အာမခံကဏ္ဍကျွမ်းကျင်မှုများ ကို အားကောင်းလာစေရန်အတွက် ရည်ရွယ်ကြောင်း IRC  မှ ထုတ်ပြန်ထားသည်။ နားလည်မှု စာချွန်လွှာအရ CII မှ အာမခံလုပ်ငန်းကြီးကြပ်သူများနှင့် အာမခံလုပ်ငန်းဝန်ထမ်းများအား ပေးဆောင်မည့် အာမခံကဏ္ဍကျွမ်းကျင်မှု အားကောင်းလာစေရန် အဖွဲ့အစည်းနှစ်ရပ်မှ ပူးတွဲသုံးသပ်သွားမည် ဟု ဖော်ပြထာသည်။ IRC သည် လက်ရှိတွင် လေ့ကျင့်ရေးကျောင်း အဆောက်အအုံကို တည်ဆောက်နေပြီး နိုင်ငံတကာစံချိန်စံညွှန်းများနှင့်အညီ လေ့ကျင့်ရေး အစီအစဉ်များ စီစဉ်ဆောင်ရွက်ရန် CII Institute နှင့် ပူးပေါင်းဆောင်ရွက်သွားမည်ဖြစ်ကြောင်း IRC ညွှန်ကြားရေးမှူးချုပ် Bou Chanphiru ကပြောကြားခဲ့သည်။ အာမခံကဏ္ဍသည် ၂၀၂၅ ခုနှစ် ဒုတိယနှစ်ဝက်တွင် စုစုပေါင်း ပရီမီယံဒေါ်လာ ၈၄.၆၇ သန်းကို ထုတ်ပေးခဲ့ပြီး ယမန်နှစ် အလားတူကာလ ကန်ဒေါ်လာ ၈၁.၁၆ သန်းမှ ၄ ရာခိုင်နှုန်း တိုးလာကြောင်း IRC ၏ အစီရင်ခံစာတွင် ဖော်ပြထားသည်။ Chanphirou က IRC သည် ၂၀၂၇ ခုနှစ်တွင် ဖနွမ်းပင်မြို့၌ အာမခံအသက်မွေးဝမ်းကျောင်းသင်တန်းကျောင်း တရားဝင်ဖွင့်လှစ်နိုင်ရေးအတွက် ကြိုတင် ပြင်ဆင်မှုများ ပြုလုပ်ထားကြောင်းလည်း ဆက်လက်ပြောကြားခဲ့သည်။

DOCA(ရန်ကုန်)