ပြည်ပကုန်သွယ်မှုသတင်းများ

ဗီယက်နမ် နိုင်ငံသည် Electric Vehicle (EV) ကားအစိတ်အပိုင်းများထုတ်လုပ်ရာတွင် အာဆီယံ ဒေသတွင်း ထင်ရှားသောထုတ်လုပ်သူတစ်ဦးအဖြစ် ရပ်တည်နေနိုင်ပြီ ဖြစ်ပါတယ်။ မော်တော်ကား ထုတ်လုပ်မှု အကြီးဆုံးကုမ္ပဏီဖြစ်သည့် Vingroup အပါအဝင်၊ ဗီယက်နမ်မှ EV ကားအစိတ်အပိုင်း ထုတ်လုပ်သူများသည် EV Battery၊ Motor Parts၊ Charging Systems စသည့်အဓိကပစ္စည်းများကို ထုတ်လုပ်၍ ထိုင်း၊ မလေးရှားနှင့် စင်္ကာပူ တို့သို့ တင်ပို့လျက်ရှိကြောင်း သိရှိရပါတယ်။ ဗီယက်နမ် နိုင်ငံသည် ထုတ်လုပ်မှုနှင့်တင်ပို့မှုကို တစ်စိတ်တစ်ပိုင်းစီလုပ်ဆောင်ခြင်းမရှိဘဲ၊ supply chain တစ်ခ ုတည်းဖြင့် စနစ်တကျစီမံခြင်း ကြောင့် ထုတ်ကုန်တင်ပို့ချိန်ကို ၂၅ ရာခိုင်နှုန်းအထိ လျှော့ချနိုင်ခဲ့ သည့်အပြင် ထုတ်လုပ်မှုကြာမြင့်ချိန်များကိုလည်း သိသိသာသာ မြှင့်တင်လာနိုင်ခြင်းကြောင့် ASEAN နှင့် အပြည်ပြည်ဆိုင်ရာဈေးကွက်များ က လက်ခံအသုံးပြုကြခြင်း ဖြစ်ကြောင်း နိုင်ငံတကာ သတင်းများ အရ သိရှိရပါသည်။ DOCA(ဧရာဝတီ)

ဗီယက်နမ်နိုင်ငံသည် ဘီယာစက်မှုလုပ်ငန်းသည် အာဆီယံဈေးကွက်တွင် တိုးတက်မှုမြင့်မားစွာ ချဲ့ထွင် နေကြောင်း သိရှိရပါတယ်။ Sabeco၊ Hanoi Beer ကဲ့သို့သော ဗီယက်နမ်အခြေစိုက် ဘီယာ ကုမ္ပဏီများသည် ထိုင်း၊ ဖိလစ်ပိုင်၊ စင်္ကာပူ စသည့် အာဆီယံနိုင်ငံများသို့ ထုတ်ကုန် သယ်ယူပို့ဆောင်မှုကို တိုးမြှင့်ဆောင်ရွက်နေသောကြောင့် အဆိုပါ အမှတ်တံဆိပ်အသစ်များကလည်း ဈေးကွက်များတွင် စတင် သုံးစွဲမှုများဆောင်ရွက်နေပြီ ဖြစ်ကြောင်း နိုင်ငံတကာသတင်းများအရ သိရှိရပါတယ်။ DOCA(ဧရာဝတီ)

မြန်မာနိုင်ငံသည် သဘာဝနှင့် ပတ်ဝန်းကျင်ထိန်းသိမ်းမှုကို ဦးစားပေးကာ ရေနံအစားထိုးဖြစ်သော Biodiesel နှင့် Bioethanol ထုတ်လုပ်မှုစနစ်များကို အရှိန်မြှင့်တင်ဆောင်ရွက်နေကြောင်းသိရှိရပါတယ်။ မြန်မာ နိုင်ငံအတွင်းရှိ စက်ရုံများ၊ နည်းပညာနှင့် အရင်းအမြစ်များကို တိုးချဲ့ပြီး အာဆီယံ နှင့် တောင်အာရှ အနောက်ပိုင်းနိုင်ငံများသို့ ထုတ်ကုန်များ တင်ပို့ရန် အဆင်သင့်ပြင်ဆင်မှုများကိုလည်း ကျယ်ကျယ် ပြန့်ပြန့် ဆောင်ရွက်နေပြီ ဖြစ်ပါတယ်။ အဆိုပါပြင်ဆင်မှုများသည် မြန်မာနိုင်ငံအတွက် သဘာဝစွမ်းအင် (Green Energy) ကဏ္ဍ တိုးတက်ဖွံ့ဖြိုးရေး၏ အခြေခံတည်ဆောက်မှုဖြစ်ပြီး၊ ကမ္ဘာ့စီးပွားရေးအရ သဘာဝဓာတ် ငွေ့ထုတ်လွှတ်မှု လျော့နည်းစေရန်နှင့် ရေရှည်စွမ်းအင်လုံခြုံမှု တည်ဆောက်ရန်ရည်ရွယ်ထားကြောင်း သိရှိရပါတယ်။ အဆိုပါကဏ္ဍ တိုးတက်မှုကြောင့် နိုင်ငံ၏စီးပွားရေးအခြေအနေ ကောင်းမွန်လာကာ အလုပ်အကိုင် အခွင့်အလမ်းများ ပြည့်စုံလာမည်ဟု မျှော်လင့်နေကြောင်း သတင်းရရှိပါတယ်။ DOCA(ဧရာဝတီ)

မလေးရှားနိုင်ငံ သည် သဘာဝအရင်းအမြစ်ထုတ်ကုန်များဖြန့်ချိမှုအား အာဆီယံနှင့် အရှေ့တောင် အာရှဈေးကွက်အသစ်များသို့ တိုးချဲ့နေပြီ ဖြစ်ပါတယ်။ အထူးသဖြင့် Palm Oil, Timber, Herbal-based supplements စသည့် ထုတ်ကုန်များကို ဒေသတွင်းနိုင်ငံများနှင့် တခြားအရှေ့အာရှနိုင်ငံများသို့ တင်ပို့မှု များပြားလာနေသကဲ့သို့ အထူးသဖြင့် မလေးရှားကုမ္ပဏီအများစုသည် တရုတ်၊ ဗီယက်နမ် နှင့် မြန်မာ နိုင်ငံတို့တွင် ရင်းနှီးမြှုပ်နှံမှုများပြုလုပ်ကာ စီးပွားရေးလုပ်ငန်းအဖွဲ့ချုပ်များ တိုးချဲ့လျက်ရှိနေပြီ ဖြစ်ပါ ကြောင်း သတင်းရရှိပါသည်။ DOCA(ဧရာဝတီ)

ကမ္ဘောဒီးယားနိုင်ငံ နှင့် တရုတ်နိုင်ငံတို့သည် လယ်ယာထွက်ကုန်များ၊ အထည်အလိပ်နှင့် စက်မှု ကုန်ပစ္စည်းများအပါအဝင် အဓိကထုတ်ကုန်အမျိုးအစားများတွင် ကုန်သွယ်ရေးပူးပေါင်းမှု အဆင့်မြင့် လာ သည်ကို တွေ့ရှိရပါတယ်။ အထူးသဖြင့် Belt and Road Initiative (BRI) အောက်တွင် တာဝန်ယူ ဆောင်ရွက်နေသော အဆောက်အအုံ စီမံကိန်းများ၊ ကုန်တင်လမ်းကြောင်းများ တိုးချဲ့မှုနှင့် နည်းပညာအကူအညီများက ကုန်သွယ်မှုစီးဆင်းမှုကို ပိုမိုထိထိရောက်ရောက်ဖြစ်စေနိုင်ခဲ့ပါတယ်။ ၂၀၂၄ ခုနှစ်အတွင်း၌ တရုတ်နိုင်ငံသည် ကမ္ဘောဒီးယားမှ ငရုတ်သီး၊ မက်မွန်သီး၊ ဆန် စသည့် လယ်ယာ ထွက်ကုန်များကို တင်သွင်းမှုမြှင့်တင်လာခဲ့ပြီး၊ ကမ္ဘောဒီးယားဘက်မှလည်း တရုတ်သို့ အထည်အလိပ်နှင့် စက်မှုကုန်များ တင်ပို့မှုများ တိုးလာခြင်းကို တွေ့နိုင်ပါတယ်။ လက်ရှိတွင် China-Cambodia Free Trade Agreement (CCFTA) နှင့် Regional Comprehensive Economic Partnership (RCEP) တို့အောက်တွင် အခွန်သက်သာခွင့်များရရှိနေသဖြင့် လုပ်ငန်းရှင်များအတွက် တိုးတက်မှုအခွင့်အလမ်းများ ဖွင့်လှစ်နေနိုင်ပြီ ဖြစ်ပါတယ်။ အနာဂတ်တွင် တရုတ်နှင့် ကမ္ဘောဒီးယားအကြား ကုန်သွယ်ရေးဆက်ဆံရေးသည် ပိုမိုခိုင်မာ လာပြီး ဒေသတွင်း စီးပွားရေးပူးပေါင်းမှုများအတွက် မျှော်မှန်းချက်ကောင်းများရှိနေပြီ ဖြစ်ကြောင်း နိုင်ငံ တကာသတင်းများအရ သိရှိရပါသည်။ DOCA(ဧရာဝတီ)