ပြည်ပကုန်သွယ်မှုသတင်းများ

      ဒေသတွင်းနှင့်ကမ္ဘာ့ကုန်သွယ်ရေးတွင် ကမ္ဘောဒီးယား၏ အခန်းကဏ္ဍကို အားကောင်း လာစေရန်အတွက် ဥရောပနှင့် အမေရိကန်မှကုန်ထုတ်လုပ်သူများကို ဆွဲဆောင်ရန်အတွက် အမေရိကန်ကုမ္ပဏီတစ်ခုသည် မဲခေါင်မြစ်တစ်လျှောက်တွင် အထူးစီးပွားရေးဇုန် (SEZ) ဖွံ့ဖြိုး တိုးတက်ရန် ဒေါ်လာ ၂၉၇.၆ သန်း ရင်းနှီးမြှုပ်နှံမှုပြုလုပ်ရန် ပြင်ဆင်နေ စက်မှု၊ သိပ္ပံ၊ နည်းပညာနှင့် နိုင်ငံခြားရေး ဝန်ကြီးဌာန(MISTI) မှ ၁၂-၈-၂၀၂၅ ရက်နေ့တွင် အစီရင်ခံစာ ထုတ်ပြန်ထားသည်။ MISTI အတွင်းရေးမှူး Heng Sokkung သည် ဤရင်းနှီးမြှုပ်နှံမှုစီမံကိန်း၏ အမည် သို့မဟုတ် တည်နေရာအတိအကျကို ထုတ်ဖော်ပြောဆိုခြင်းမရှိသေးသော်လည်း ကုမ္ပဏီသည် နိုင်ငံတော်တွင် လေ့လာရေးလုပ်ငန်းများ ဆောင်ရွက်ခဲ့ကြောင်း ပြောကြားခဲ့သည်။

      Sokkung ၏ ပြောကြားချက်အရ အဆိုပါစီမံကိန်းသည် ကမ္ဘောဒီးယားနိုင်ငံ၏ စက်မှုအခြေခံကို အားကောင်းလာစေရန်နှင့် နိုင်ငံအား တန်ဖိုးမြင့်သော ကမ္ဘာ့ထောက်ပံ့ရေးကွင်းဆက်များအဖြစ် ပေါင်းစည်းရန်၊ ၎င်း၏ယှဉ်ပြိုင်နိုင်စွမ်းကို မြှင့်တင်ရန်နှင့် ပိုမိုအဆင့်မြင့်သော ကုန်ထုတ်လုပ်မှုနှင့် ကုန်သွယ်မှု အခွင့်အလမ်းများတွင် ပါဝင်နိုင်စေရန် ရည်ရွယ်ထားသည်။ ဒုတိယအဆင့်တွင် အထူးစီးပွားရေးဇုန်သည် အကြီးစားစက်မှုလုပ်ငန်းနှင့် နည်းပညာအခြေခံကဏ္ဍများသို့ ချဲ့ထွင် မည်ဖြစ်ပြီး ကမ္ဘောဒီးယားသည် ၎င်း၏စက်မှုလုပ်ငန်းအခြေခံကို ကွဲပြားစေကာ ကမ္ဘာ့ဈေးကွက် အတွက် အဆင့်မြင့်ကုန်ထုတ်လုပ်မှုနှင့် တန်ဖိုးမြင့်ထုတ်လုပ်မှုများတွင် ယှဉ်ပြိုင်နိုင်စွမ်းကို မြှင့်တင်ပေးမည်ဖြစ်ကြောင်း Heng Sokkung က ဆက်လက်ပြောကြားခဲ့သည်။

Source: Khmer Times                

DOCA (ရန်ကုန်)

    ကမ္ဘောဒီးယားနိုင်ငံသည် ၂၀၂၅ ခုနှစ်တွင် သီဟိုဠ်စေ့အကြမ်းထုတ်လုပ်သည့် ကမ္ဘာ့ဒုတိယအကြီးဆုံးနိုင်ငံဖြစ်ပြီး နှစ်စဉ်ပျမ်းမျှတန်ချိန် ၈၀၀,၀၀၀ ခန့် ထွက်ရှိကြောင်း ကမ္ဘောဒီးယားနိုင်ငံ၊ သီဟိုဠ်စေ့အသင်း (CAC) က ၄-၈-၂၀၂၅ ရက်နေ့တွင် ထုတ်ပြန်ခဲ့သည်။ နှစ်စဉ် စိုက်ပျိုးဧရိယာများ တိုးချဲ့လာမှုကြောင့် လာမည့်ငါးနှစ်အတွင်း ထုတ်လုပ်မှု တန်ချိန် ၁ သန်းကျော် မျှော်မှန်းထားကြောင်း CAC ၏ ဒုတိယဥက္ကဋ္ဌ Suy Kokthean က Khmer Times သို့ ပြောကြားခဲ့သည်။ အသင်းအဖွဲ့သည် ၎င်းတို့နှင့် နေ့စဉ်နီးပါး ပုံမှန် ဆွေးနွေးနေသောကြောင့် ရင်းနှီးမြှုပ်နှံသူ အများအပြားသည် ကမ္ဘောဒီးယား၏ သီဟိုဠ်စေ့ကဏ္ဍကို စိတ်ဝင်စားမှု ပြသ နေကြောင်း ၎င်းက ဆက်လက်ပြောသည်။ CAC သည် ရင်းနှီးမြှုပ်နှံသူများကိုဆွဲဆောင်ရန်နှင့် ရင်းနှီးမြှုပ်နှံမှုလုပ်ငန်းစဉ်များကို လွယ်ကူ ချောမွေ့စေရန် အဓိကထားလုပ်ဆောင်လျက်ရှိပြီး အခွန်ကင်းလွတ်မှုနှင့်ပတ်သက်သည့် ကိစ္စရပ်များကို အစိုးရမှကိုင်တွယ်ဆောင်ရွက်နေကြောင်း Suy Kokthean က ဆက်လက်ပြောကြားခဲ့သည်။ CAC သည် ၂၀၂၅ ခုနှစ်အတွက် ပြုပြင်ပြီး သီဟိုဠ်စေ့တင်ပို့မှုပမာဏကို ခန့်မှန်းနိုင်ခြင်းမရှိသေးကြောင်း၊ ယခုအချိန်အထိ တရားဝင် အချက်အလက် ကောက်ယူခြင်း မရှိသေးခြင်းကြောင့် ဖြစ်ကြောင်း Kokthean က ဆက်လက် ပြောကြားခဲ့သည်။ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန (MoC) မှ ထုတ်ပြန်သည့် အစီရင်ခံစာအရ ကမ္ဘောဒီးယားနိုင်ငံသည် ယခုနှစ် ဇန်နဝါရီလမှ ဇွန်လအထိ ပြည်ပဈေးကွက်သို့ အမေရိကန် ဒေါ်လာ ၇၅၃.၂၁ သန်းဖိုး တင်ပို့ခဲ့ပြီး ယခင်နှစ် အလားတူကာလနှင့် နှိုင်းယှဉ်ပါက ကန်ဒေါ်လာ ၂၇၂.၄၅ သန်း သို့မဟုတ် ၅၆.၆၇ ရာခိုင်နှုန်း တိုးလာကြောင်း သိရသည်။

Source: Khmer Times    

DOCA (ရန်ကုန်)

  ထိုင်းနိုင်ငံတွင် နိုင်ငံခြားသားခရီးသွားဝင်ရောက်မှုသည် ဇန်နဝါရီလ ၁ရက်နေ့မှ သြဂုတ်လ ၃ရက်နေ့အတွင်း ယခင်နှစ် အလားတူကာလထက် ၆.၅၆ ရာခိုင်နှုန်းကျဆင်းခဲ့ကြောင်း ခရီးသွားနှင့် အားကစားဝန်ကြီးဌာနက ၅.၈.၂၀၂၅ ရက်နေ့တွင် ထုတ်ပြန်ခဲ့ပါသည်။

   ဇန်နဝါရီ၁ရက် မှ သြဂုတ်၃ရက်အတွင်း နိုင်ငံခြားသား ခရီးသွားဝင်ရောက်မှုမှာ ၁၉.၅၇ မီလီယံရှိကြောင်း ဝန်ကြီးဌာနက ထုတ်ပြန်ခဲ့ပြီး တရုတ်နိုင်ငံသည် ခရီးသွား ၂.၇၃ မီလီယံဖြင့် အကြီးဆုံး ဈေးကွက်အရင်းအမြစ် ဖြစ်ပါသည်။

    ပြီးခဲ့သည့် သီတင်းပတ်က ဘဏ္ဍာရေးဝန်ကြီးဌာနသည် ခရီးသွားဝင်ရောက်မှု ခန့်မှန်းချက်ကို ၃၆.၅ မီလီယံမှ ၃၄.၅ မီလီယံသို့ လျှော့ချခဲ့ပါသည်။ကိုဗစ်-၁၉ ရောဂါမဖြစ်ပွားမီ ကာလက ခရီးသွား ဧည့်သည် ၄၀ မီလီယံ ဝင်ရောက်ခဲ့ပါသည်။

    ထိုင်းနိုင်ငံ၏ နိုင်ငံခြားသားခရီးသွား ဝင်ရောက်မှုမှာ ဇန်နဝါရီလ ၁ရက်နေ့မှ ဇွန်လ ၂၉ ရက်နေ့ အတွင်း ယခင်နှစ် အလားတူကာလထက် ၄.၅၆ ရာခိုင်နှုန်း ကျဆင်းခဲ့ပါသည်။

     ထိုင်းခရီးသွားလုပ်ငန်းအာဏာပိုင်အဖွဲ့(TAT) က အရှေ့အလယ်ပိုင်းနှင့် အာဖရိက ဈေးကွက်ရှိ ခရီးသွား ၁ မီလီယံ လျာထားခြင်းသည် ပထဝီနိုင်ငံရေးအခြေအနေများကြောင့် စိန်ခေါ်မှုများ ရှိနေ ကြောင်း ထုတ်ပြန်ထားပါသည်။

Source: Xinhua      

DOCA (ရန်ကုန်)

     မလေးရှားနိုင်ငံသည် ၎င်း၏ semiconductor၊ အာကာသနှင့် ဒေတာစင်တာ ကဏ္ဍများအတွက် အမေရိကန်နိုင်ငံမှ ပစ္စည်းကိရိယာများကို လာမည့် ၅ နှစ်အတွင်း ဒေါ်လာ ၁၅၀ ဘီလီယံခန့် ဝယ်ယူသွားမည်ဖြစ်ကြောင်းနှင့် အဆိုပါလုပ်ဆောင်မှု‌ Washington မှ အခွန်ကောက်ခံမှုကို ဖြတ်တောက်ရန်အတွက် ကုန်သွယ်ရေး အစိတ်အပိုင်းတစ်ခုဖြစ်ကြောင်း ကုန်သွယ်ရေးဝန်ကြီးက သြဂုတ်လ ၄ ရက်နေ့တွင် ပြောကြားခဲ့ပါသည်။ အမေရိကန်နိုင်ငံသည် ယခင်အပတ်တွင် မ‌လေးရှားနိုင်ငံမှ အခွန် ၂၅ ရာခိုင်နှုန်းကောက်ခံရာမှ အခွန် ၁၉ ရာခိုင်နှုန်းခန့်လျော့၍ ကောက်ခံသွားမည်ဖြစ်ကြောင်း ကြေညာခဲ့ပါသည်။ နိုင်ငံပိုင်စွမ်းအင်စက်ရုံ Petroliam Nasional Berhad က ဒေါ်လာ ၃.၄ ဘီလီယံ တန်ကြေးရှိသော သဘာဝဓာတ်ငွေ့ရည်များ ဝယ်ယူမည်ဖြစ်ကြောင်းနှင့် လာမည့် ၅ နှစ်အတွင်း နှစ်နိုင်ငံကြားကုန်သွယ်ရေးမတည်ငြိမ်မှုကို ကိုင်တွယ်ရန်အတွက် အမေရိကန်နိုင်ငံတွင် ဒေါ်လာ ၇၀ ဘီလီယံခန့် ရင်းနှီးမြှုပ်နှံမည်ဖြစ်ကြောင်း ဝန်ကြီး Tengku Zafrul Aziz လွှတ်တော်သို့ ပြောကြားခဲ့ပါသည်။ အမေရိကန်နိုင်ငံသည် ၂၀၂၄ ခုနှစ်တွင် မလေးရှားနိုင်ငံနှင့် ကုန်သွယ်ရေးလျော့ချမှု ဒေါ်လာ ၂၄.၈ ဘီလီယံခန့်ရှိခဲ့ကြောင်း အစိုးရ၏ သတင်း အချက်အလက်များအရ သိရပါသည်။ Tengku Zafrul က မလေးရှားနိုင်ငံနှင့် အမေရိကန်နိုင်ငံတို့သည် ကတိကဝတ်များ အကျုံးဝင်သည့် ပူးတွဲကြေညာချက်တစ်ခုကို အဆုံးသတ်နေကြောင်းနှင့် Donald Trump ၏ အစိုးရအဖွဲ့အစည်းများက အမေရိကန်နိုင်ငံမှ အခွန်ကောက်ခံမှု အပေါ် ရက်သတ္တပတ်ကြာ ညှိနှိုင်းမှုများ ပြုလုပ်နေကြောင်း ပြောကြား ခဲ့ပါသည်။ မလေးရှားနိုင်ငံမှ လိုက်လျောချက်တွင် အမေရိကန်နိုင်ငံမှ တင်သွင်းကုန်များအပေါ် အခွန်ကောက်ခံမှု ၉၈.၄ ရာခိုင်နှုန်း ဖြေလျော့ခြင်း၊ အကောက်ခွန်မဲ့လမ်းကြောင်း အချို့ဖျက်သိမ်းခြင်းနှင့် အမေရိကန်နိုင်ငံ လူမှုကွန်ယက်ပလက်ဖောင်းများအတွက် လိုအပ်ချက်များ ဖယ်ရှားခြင်းတို့ ပါဝင်ကြောင်း သိရပါသည်။ Tengku Zafrul က မလေးရှားနိုင်ငံမှ အမေရိကန်နိုင်ငံသို့ တင်ပို့သော ဆေးဝါးဆိုင်ရာထုတ်ကုန် များနှင့် semiconductor များ အပေါ် အခွန်ဖြေလျော့မှုများ ကျန်ရှိနေကြောင်းနှင့် အစိုးရအနေဖြင့် စားအုန်းဆီ၊ ရာဘာ၊ ကိုကိုးကဲ့သို့ ကုန်ပစ္စည်းများအတွက် ဖြတ်တောက်မှုများကို ရှာဖွေနေ‌ ကြောင်း ပြောကြားခဲ့ပါသည်။

Source: The Daily Star     

DOCA (ရန်ကုန်)

       United Commercial Bank PLC (UCB) သည် အကောင့်ပေါင်း ၃၀၀၀၀၀၀ ကျော်ခန့် ဖွင့်လှစ်နိုင်ခဲ့ပြီး အာမခံငွေပေါင်း tk ၇၇၈၃ ကုဋေခန့်ရရှိကာ ၎င်းဘဏ်မှ ခေါင်းဆောင်များ၏ ဦးဆောင်မှုကောင်းမွန်မှုနှင့် ဝန်ထမ်းများ၏ ကြိုးပမ်းအားထုတ်မှုများကို သက်သေပြနိုင်ခဲ့ကြောင်း သိရပါသည်။ အဆိုပါ အောင်မြင်မှုများသည် ဒါကာမြို့ရှိ Kurmitola Golf Club တွင် ကျင်းပ ပြုလုပ်ခဲ့သော ၎င်း၏ ၄၂ ကြိမ်‌မြောက်အထွေထွေအစည်းအဝေးပွဲ (AGM) တွင် ဖြန့်ဝေတင်ပြခဲ့ ကြောင်း သိရပါသည်။ UCB ၏ ဥက္ကဌ Sharif Zahir က အဆိုပါအစည်းအဝေးတွင် သဘာပတိ အဖြစ် ဆောင်ရွက်ခဲ့ကြောင်း သိရပါသည်။ ယခုနှစ် AGM သည် ဘင်္ဂလားဒေ့ဘဏ်၏ ကြီးကြပ်မှု ဖြင့် ဖွဲ့စည်းထားသော ဘုတ်အဖွဲ့အောက်တွင် ပထမဆုံးခေါ်ယူကျင်းပသည့် UCB ၏ ခြေလှမ်း အသစ်ကို ကိုယ်စားပြုသည့် ပထမဆုံးမှတ်တိုင်တစ်ခုဖြစ်ကြောင်း သိရပါသည်။ ရှယ်ယာဝင် များ၏ ခွင့်ပြုချက်ဖြင့် အဆိုပါဘဏ်၏ တရားဝင်မတည်ငွေကို tk ၂၅၀၀ မှ tk ၅၀၀၀ သို့ တိုးမြင့်ရန် အဆိုပြုချက်ကို အစည်းအဝေးက ထောက်ခံလိုက်ကြောင်းသိရပါသည်။ ထို့အပြင် အဆိုပါအစည်းအဝေးမှ အရင်းအနှီးများတိုးမြင့်ရေးနှင့် နည်းဗျူဟာ‌မြောက် ရင်းနှီးမြှုပ်နှံသူများ အတွက် အစရှယ် ယာအသစ်များထုတ်ဝေပေးရေးနှင့် ဘဏ်၏ အနာဂတ်တိုးတက်မှုနှင့် ဘဏ္ဍာရေးတည်ငြိမ်ရေးတို့အတွက် အားဖြည့်ရန် အဓိက ရည်ရွယ်သည့် အစုရှယ်ယာများ ထုတ်ပေးရေးကိုလည်း အတည်ပြုခဲ့ ကြောင်း သိရပါသည်။ အစည်းအဝေးအဆုံးတွင် UCB မှ ဘဏ္ဍာရေးဆိုင်ရာ အရာရှိ Faruq Ahmad က ရှယ်ယာကိုင်ဆောင်ထားသူများ၊ ကြီးကြပ်ရေးမှုးများအား ၎င်းတို့၏ တက်ကြွစွာ ပါဝင်ပေးမှု များ၊ ယုံကြည်မှုနှင့် အစဥ်အမြဲအားပေးမှုအတွက် ကျေးဇူးတင်ကြောင်း ဖော်ပြခဲ့ပါသည်။

Source: The Daily Star     

DOCA (ရန်ကုန်)