ပြည်ပကုန်သွယ်မှုသတင်းများ

မြန်မာနိုင်ငံ၏ ၂၀၂၅-၂၆ ဘဏ္ဍာရေးနှစ်အတွက် စီးပွားရေးတိုးတက်မှုကို အဓိက ထိခိုက်နိုင်သော မော်တော်ယာဉ်နှင့် ဆက်စပ်တဲ့ စက်မှုလုပ်ငန်း၊ ဝန်ဆောင်မှုနှင့် စီးပွားရေး ကဏ္ဍများသည် ခန့်မှန်း ချက်အရ GDP မှာ -2.5% ခန့် ကျဆင်းနိုင်သော်လည်း၊ အဆိုပါကဏ္ဍများတွင် ပြန်လည်တိုးတက် နိုင်ရေး အတွက် နည်းပညာအသစ်များကို ဦးတည်ကျင့်သုံးခြင်း၊ အီလက်ထရွန်နစ်ယာဉ်နှင့် စမတ်ယာဉ်များကို ပိုမိုဖော်ဆောင်ခြင်း၊ ပြည်ပရင်းနှီးမြှုပ်နှံမှုများ တိုးမြှင့်ရန် ကြိုးပမ်းခြင်း၊ ပြည်တွင်း စက်မှုလုပ်ငန်းများ ဖွံ့ဖြိုးတိုးတက်အောင်ဆောင်ရွက်ခြင်း၊ သဘာဝနှင့် ပတ်ဝန်းကျင်ကို ထိန်းသိမ်း သက်သာမှု ရှိသော ယာဉ် များအား ပိုမိုဖြန့်ချိခြင်း နှင့် နည်းပညာသင်တန်းများဖွင့်လှစ်ခြင်းဖြင့် လူ့စွမ်းအား တိုးတက်စေခြင်း စသည့် လမ်းကြောင်းသစ်များ ဖြင့် အခွင့်အလမ်းသစ်များ ဖော်ဆောင်နေပြီ ဖြစ်ကြောင်း သိရှိရပါတယ်။ ဤကဲ့သို့ ပြုပြင်မွမ်းမံမှုများကြောင့် မော်တော်ယာဉ်နှင့် ဆက်စပ်တဲ့ ကဏ္ဍများတွင် အလုပ်အကိုင်အခွင့်အလမ်းများ တိုးပွားလာပြီး နည်းပညာအသစ်များ အပြင်းအထန်ဖြန့်ချိမှုဖြင့် မြန်မာနိုင်ငံ စီးပွားရေးကို ပြန်လည် တက်ကြွစေမှာ ဖြစ်ကြောင်း သတင်းရရှိပါသည်။ DOCA(ဧရာဝတီ)

အမေရိကန်အစိုးရသည် ၂၀၂၅ ခုနှစ် ဧပြီလမှစ၍ မြန်မာနိုင်ငံမှ ထုတ်ကုန်များအပါအဝင် နိုင်ငံတော်အတော်များမှ ထုတ်ကုန်များအပေါ် သတ်မှတ်သည့် အပြန်အလှန်အခွန်သတ်မှတ်ချက် (reciprocal tariff) အသစ်များ ပြဋ္ဌာန်းခဲ့ပါတယ်။ အဆိုပါအခွန်သစ်သတ်မှတ်ချက်များကို Executive Order 14257 အရ သတ်မှတ်ပြဌာန်းခြင်း ဖြစ်ပြီး မြန်မာ့ထုတ်ကုန်များအပေါ် ၄၄% ထိ အခွန်တိုးမြင့် ပြဌာန်း လိုက်ကြောင်း သိရှိရပါတယ်။ အဆိုပါ အခွန်တိုးချဲ့မှုသည် ဈေးကွက်အားလုံးဝပိတ်ပင်ခြင်းမျိုး မဟုတ်ဘဲ ဈေးကွက်အတွင်းသို့ စနစ်တကျဝင်ရောက်နိုင်ရန်အတွက် သတ်မှတ်ရခြင်း ဖြစ်သည့်အတွက် ၂၀၂၅ ခုနှစ် ဧပြီလ ၉ ရက်နေ့မှစတင်၍ ဇူလိုင်လ ၉ ရက်အထိ စုစုပေါင်း ရက်(၉၀) အတွင်း ထုတ်ကုန်အမျိုးအစားတချို့အတွက် အချိန်ပိုင်း “pause period” ထားရှိပေးထားကြောင်း သိရှိရပါတယ်။ ယင်းကဲ့သို့ “pause period” ထားရှိပေးထားသည့်အတွက် လုပ်ငန်းများအနေဖြင့် ဈေးကွက်သစ်အား ဝင်ရောက်နိုင်ရန်အတွက် ပြင်ဆင် ခွင့် နှင့် ပြင်ဆင်ချိန် ရရှိနေပါသေးသည်။ မြန်မာ့ကုန်စည်ထုတ်လုပ်ရေး လုပ်ငန်းများအနေဖြင့်လည်း အမေရိကန်ဈေးကွက်အတွင်းသို့ ထိုးဖောက် ဝင်ရောက်နိုင်ရန်အတွက် ထုတ်ကုန်အရည်အသွေးမြှင့်တင်ခြင်း၊ အသိအမှတ်ပြုအထောက် အထားများရယူခြင်းနှင့် မျှတသောစျေးနှုန်းဖြင့် တင်ပို့နိုင်ရေးတို့ကို စီမံကိန်းပြုလုပ်နိုင်မည့် အချိန်အခွင့် အလမ်းဖြစ်ကြောင်း စီးပွားရေးသုံးသပ်သူများကရှုမြင်နေကြပါတယ်။ ကုန်သွယ်ရေးနယ်ပယ်၌ အတွေ့ အကြုံပြည့်သူတစ်ဦးက “အခွန်တိုးလာခြင်းသည် စိတ်ပင်ပန်းစရာပေမယ့်၊ ဈေးကွက်ပိတ်ခြင်း မဟုတ် သောကြောင့်၊ မိမိထုတ်ကုန်ကို ဈေးကွက်သင့်လျော်အောင်ပြင်ဆင်၍ ဝင်ရောက်နိုင်ခြင်းသည် အခြား နည်းဖြင့် မရနိုင်သော အခွင့်အလမ်းတစ်ခုဖြစ်လာနိုင်တယ်” ဟုသုံးသပ်ဝေဖန်ထားပါသေးတယ်။ DOCA(ဧရာဝတီ)

၂၀၂၅ ခုနှစ် ဇွန်လအတွင်း၌ မြန်မာနှင့် အိန္ဒိယတို့အကြား နယ်စပ်ဒေသများတွင် မူးယစ်ဆေးဝါးများ (အထူးသဖြင့် amphetamines) တားဆီးရေးအတွက် လုံခြုံရေးအဖွဲ့အစည်းများ၏ ပူးပေါင်း ဆောင်ရွက်မှု နှင့် စောင့်ကြည့်ရေးလုပ်ငန်းများ တိုးမြှင့်ခဲ့ပါတယ်။ အဆိုပါလုပ်ဆောင်မှုများသည် နယ်စပ်ဒေသအတွင်း လုံခြုံရေးတိုးတက်လာစေရန်အတွက် အရေးကြီးကောင်းမွန်သောအဆင့်ဖြစ်ပြီး၊ နိုင်ငံတကာ အဖွဲ့များနှင့် ပူးပေါင်းကာ မူးယစ်ဆေးဝါးလမ်းကြောင်းများကို ထိထိရောက်ရောက် တားဆီးနိုင်ခြင်းဖြစ်ပါတယ်။ အဆိုပါတားဆီးခြင်းသည် တစ်နိုင်ငံလုံးအတွက် စီးပွားရေးတိုးတက်မှုနှင့် လူမှုအေးချမ်းရေးအတွက် အခြေခံအထောက်အကူ ဖြစ်လာ နိုင် ကြောင်း နိုင်ငံတကာ သတင်းများအရ သိရှိရပါသည်။ DOCA(ဧရာဝတီ)