ဖြေရှင်းဆောင်ရွက်ပေးမှုများ
(၁၁.၆.၂၀၂၄)ရက်နေ့တွင် စလင်းမြို့နေ xxxxxx ပါ (၃)ဦးသည် စလင်းမြို့မှမကွေးမြို့သို့သွားရန်အတွက် xxxxxx ဂိတ်၊ ဂိတ်မှူးတာဝန်ခံ xxxxxx ထံမှ ကားလက်မှတ်ဝယ်ယူခဲ့ကြောင်း၊ စလင်း-မကွေး ပုံမှန်ယာဉ်စီးခနှုန်းထားမှာ (၁)ဦးလျှင် ကျပ်(၈၀၀၀)သာ ကျသင့်ရမည်ဖြစ်သော်လည်း ကျပ်(၁၅၀၀၀)နှုန်းဖြင့် လူ(၃)ဦးစာ စုစုပေါင်းငွေကျပ်(၄၅၀၀၀)ပေးချေခဲ့ရ၍ ယာဉ်စီးခအဆမတန်ပေးချေခဲ့ရမှုအပေါ် စိတ်ကျေနပ်မှုမရှိပါသဖြင့် (၁၃.၆.၂၀၂၄)ရက်နေ့တွင် စားသုံးသူရေးရာဦးစီးဌာနသို့ xxxxxx မှ တိုင်ကြားလာပါသည်။
ရှမ်းပြည်နယ်မှ တိုင်ကြားသူတစ်ဦးသည် XXX တရုတ်-မြန်မာ ကုန်စည်ပို့ဆောင်ရေးမှတစ်ဆင့် တရုတ်ပြည်ရှိ ကုန်သည်ထံ သို့ ငွေပေးချေ၍ ဝယ်ယူထားသောပစ္စည်းများ မရောက်လာဘဲ ပျောက်ဆုံးသွားခြင်းအပေါ်ပစ္စည်းတန်ဖိုး အပြည့်ပေးလျော်ရန် ငြင်းဆိုနေသောကြောင့် တိုင်ကြားခြင်း။
မန္တလေးတိုင်းဒေသကြီးနေ တိုင်ကြားသူတစ်ဦးသည် မန္တလေးမြို့ရှိ GYM တစ်ခုသို့ သွားရောက်ခဲ့ရာ တာဝန်ချထားသည့် လုံခြုံရေးဝန်ထမ်းမှ ကားရပ်နားရန် ပြသသည့်နေရာတွင် တိုင်ကြားသူ၏ ကားကိုရပ်နားခဲ့ပြီး အပြင်သို့ ခေတ္တသွားပြီး ပြန်လာချိန်တွင် ကားရှေ့ပိုင်း ပျက်စီးနေပါသဖြင့် ပြောကြားရာ လုံခြုံရေးကုမ္ပဏီမှ တာဝန်ယူမှုမရှိပါသဖြင့် တိုင်ကြားခြင်း။
မကွေးမြို့ XXXXXX ရပ်၊ XXXXXX လမ်းတွင်နေထိုင်သော ဦး XXXXXX သည် (၁၁.၅.၂၀၂၄)ရက်နေ့တွင် XXXXXX မြို့မှ XXXXXX မြို့သို့ XXXXXX ယာဉ်လိုင်းဖြင့် Redmi 13 C ကျပ်(၄၃၉၀၀ဝိ/-) တန်ဘိုးရှိ ပါဆယ်ထုပ်အား တန်ဆာခပေး၍ ပေးပို့ခဲ့ကြောင်း၊ ပါဆယ်ထုပ်ရောက်ရှိချိန်၌ သွားရောက်ထုတ် ယူရာတွင် အခြားတစ်ဦးမှ ထုတ်ယူသွားပြီးဖြစ်ကြောင်း ပြောကြားလာသည့်အတွက် ပါဆယ်ထုပ် ပျောက်ဆုံးမှုအပေါ် တာဝန်ယူမှုမရှိသဖြင့် မကွေးတိုင်းဒေသကြီး စားသုံးသူရေးရာဦးစီးဌာနသို့ လာရောက်တိုင်ကြား လာပါသည်။
မကွေးတိုင်းဒေသကြီး၊ XXXXXX မြို့နေ ဦးXXXXXX သည် အွန်လိုင်းမှတစ်ဆင့် ပဲခူးမြို့၊ ရွှေမောဓောဘုရားအနီးရှိ XXXXXX အမည်ဖြင့် မီနီအိုးဝေ ရောင်းဝယ်ရေးဆိုင်မှ သုံးဘီးတစ်စီးအားမှာယူခဲ့ရာ စရံငွေ(၃)သိန်းကျပ်အား Wave Money ဖြင့် (၁၅.၁.၂၀၂၄)ရက်နေ့တွင် ငွေလွှဲပေးပို့ခဲ့ကြောင်း၊ ငွေလွှဲပြီး (၁)နာရီအကြာတွင် ဖုန်းနံပါတ် XXXXXX ဖြင့် XXXXXX မှဟုဆိုကာ ဦး XXXXXX မှ XXXXXX မြို့သို့ ပို့ဆောင်ပေးရမည့် သုံးဘီးအား ကားပေါ်သို့ တင်ပေးပြီးဖြစ်ကြောင်း၊ တန်ဆာခပေးချေ ထားသည့် ချလံအား ပေးပို့လာကာ ကျန
