ရှမ်းပြည်နယ်၊ စားသုံးသူရေးရာဦးစီးဌာန၊ ကလောခရိုင်၊ ကလောမြို့နယ်အတွင်းရှိ ဟိုတယ်နှင့်ခရီးသွားလာရေးဝန်ဆောင်မှုလုပ်ငန်းတစ်ခုအား ရန်ကုန်မြို့နေ တိုင်ကြားသူတစ်ဦးသည် ကလော၊အင်းလေး၊ တောင်ကြီး၊ ပင်းတယ ခရီးစဉ်အတွက် (၈၅၀၀၀၀ိ/-) ကျပ်ဖြင့် သဘောတူပြီး (၁၇.၃.၂၀၂၆) ရက်နေ့တွင် စရံငွေ (၄၀၀၀၀၀ိ/-) ကျပ် ပေးချေခဲ့ပြီး (၃၀.၃.၂၀၂၆ )ရက်နေ့တွင် ဆီဈေးတက်သောကြောင့်ဆိုကာ (၁၃၅၀၀၀၀ိ/-)ထိ ဈေးတက်ခဲ့သောကြောင့် စရံငွေပြန်လည်ပေးအပ်ရန် တောင်းဆိုခဲ့ရာ စီးပွားရေးလုပ်ငန်းရှင်ဘက်မှ စရံငွေပြန်လည်ပေးအပ်ရန် ငြင်းဆိုသည့် အတွက် (၂၃.၄.၂၀၂၆) ရက်နေ့တွင် စားသုံးသူရေးရာဦးစီးဌာန Complaint Website Box မှတစ်ဆင့် ဆက်သွယ်တိုင်ကြားလာပါသည်။
တိုင်ကြားလာမှုအပေါ် ကလောခရိုင်ဦးစီးမှူးရုံး(အောင်ပန်းမြို့) မှ (၂၄.၄.၂၀၂၆) ရက်နေ့တွင် စီးပွားရေးလုပ်ငန်းရှင်အား ကလောခရိုင်ဦးစီးမှူးရုံးသို့ ခေါ်ယူတွေ့ဆုံခဲ့ရာ စီးပွားရေးလုပ်ငန်းရှင်ဘက် မှ နှစ်ဦးသဘောတူထားသည့် မော်တော်ယာဉ်ဖြင့် ခရီးသွားဝန်ဆောင်မှုလုပ်ငန်းမှ ဈေးနှုန်းမြင့်တက် ရခြင်းမှာ စက်သုံးဆီဈေးနှုန်းရုတ်တရက် မြင့်တက်ခြင်းကြောင့် ဖြစ်ပါကြောင်း၊စားသုံးသူဘက်မှ ခရီးစဉ် ဖျက်သိမ်းမှုကြောင့် ၎င်းကာလတွင် အခြားငှားရမ်းသူမရှိတော့သဖြင့် နစ်နာခဲ့ရကြောင်း၊ ၎င်း နစ်နာမှုအပေါ် စားသုံးသူဘက်မှ သက်ညှာသော သဘောဖြင့် ကြိုတင်ပေးချေငွေ (၄၀၀၀၀၀ိ/-) ကျပ် မှ (၂၅၀၀၀၀ိ/-) ကျပ် ပြန်လည်ပေးအပ်ပါမည်အကြောင်း ပြောကြားခဲ့ပြီး ၊ တိုင်ကြားသူ(စားသုံးသူ) ဘက်မှလည်း နားလည်ကျေနပ်ပါကြောင်းနှင့် ကြိုတင်ပေးချေငွေ (၄၀၀၀၀၀ိ/-) ကျပ်မှ (၂၅၀၀၀၀ိ/-) ကျပ် ပြန်လည်ပေးအပ်မည်ကို လက်ခံသဘောတူခဲ့ပါသည်။
တိုင်ကြားသူ(စားသုံးသူ)နှင့် မော်တော်ယာဉ်ခရီးသွားလာရေးဝန်ဆောင်မှုလုပ်ငန်း (စီးပွားရေး လုပ်ငန်းရှင်) အကြား ခရီးသွားဝန်ဆောင်မှုလုပ်ငန်းအတွက် ကြိုတင်ပေးချေငွေ ပြန်လည်ရယူလိုခြင်း အငြင်းပွားမှုအား စားသုံးသူရေးရာဦးစီးဌာန၊ ကလောခရိုင်ဦးစီးမှူးရုံးအနေဖြင့် (၂၄.၄.၂၀၂၆) ရက်နေ့ တွင် ဖြေရှင်းဆောင်ရွက်ပြီးစီးခဲ့ပြီး ၊ စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင် ရွက်ရေးစင်တာ (CICC) မှ အမှုအားပိတ်သိမ်းခဲ့ကြောင်း သတင်းရရှိပါသည်။
DOCA(ရှမ်း)