ပြည်တွင်းကုန်သွယ်မှုသတင်း

              မန္တလေးစျေးကွက်အတွင်း နတ်တော်လဆန်းပိုင်းတွင် ကိုက်လံဟင်းရွက်ကုန်စိမ်းများ ဝင်ရောက်မှုများလျက်ရှိပြီး၊အရောင်းသွက်လျက်ကြောင်း သိရှိရပါသည်။ ၂၀၂၅ ခုနှစ် နိုဝင်ဘာ လတတိယပတ်အတွင်း ကိုက်လံဟင်းရွက်စျေးအနေဖြင့် လက္ကားစျေး (၁၀စီးပါ) တစ်စည်း လျှင် ၅၅၀၀ကျပ်နှင့် ၆၅၀၀ကျပ်၊ လက်လီစျေးတစ်စည်းလျှင် ၇၀၀ကျပ် နှင့် ၉၀၀ကျပ်အသီးသီးဖြင့် ရောင်းချလျက်ရှိကြောင်း သိရှိရပါသည်။ မန္တလေးမြို့၊သီရိမာလာစျေးအတွင်း နေ့စဉ်ကုန်စိမ်းသီးနှံ ဝင်ရောက်မှုမှာ ကုန်စည်အမျိုးအစားအလိုက် Canter ၁၂ဘီးနှင့် ၆ ဘီး) ယာဉ်(၄၀)စီး နှင့်(၆၀)စီး အကြား ဝင်ရောက်လျက်ရှိကြောင်း သိရှိရပါသည်။

DOCA(မန္တလေး)

    ကျွဲကောသီးလေးများသည် ရှောက်၊ သံပုရာ၊ လိမ္မော်တို့နှင့်အတူ ရှောက်မျိုးနွယ်ထဲတွင် ပါဝင်ပါသည်။  ကျွဲကောသီးလေးများကို မိုးရာသီတွင်ပေါများစွာတွေ့ရှိရမှာဖြစ်ပါသည်။ ကျွဲကောသီး တွင် အာဟာရ ဓါတ်များစွာ ပါဝင်ပြီး အရည်ရွှမ်းတဲ့ အသီးတစ်မျိုး ဖြစ်တဲ့အပြင် ပိုတက်ဆီယမ်ဓါတ် ပါဝင်သောကြောင့် သွေးဖိအားကိုပုံမှန်ဖြစ်စေ၍ သွေးတိုးသမားများ စားသင့်သော အသီးတစ်မျိုး ဖြစ်ပါသည်။  အမျှင်ဓါတ်တွေကြွယ်ဝစွာပါဝင်၍ အစာချေစနစ်ကို ကောင်းမွန်စေခြင်းကြောင့် ဝမ်းချုပ် စေခြင်းကိုလည်းကာကွယ်ပေးပါသည်။ 

    ကျွဲကောသီးရဲ့အရသာလေးသည်ချိုချဉ်လေးရှိသောကြောင့် ထမင်းစားပြီး အအီပြေစား၍ သင့်သော အသီးတစ်မျိုးထဲတွင် ပါဝင်ပါသည်။ကျွဲကောသီး အလုံးပေါ်မူတည်၍ တစ်လုံးလျှင် ၃၀၀၀ကျပ်မှ ၄၀၀၀ကျပ် အထိရောင်းချပြီး ၃လုံးအထက်ဝယ်ယူပါကဈေးနှုန်းသက်သာပါကြောင်း ထားဝယ်မြို့ရှိ အသီးဆိုင်များ၏ပြောကြားချက်အရသိရှိရပါသည်။

DOCA(တနင်္သာရီ)

                 ပြည်တွင်းစားဆီကြိတ်ခွဲမှုနှင့်ပြည်ပသို့တင်ပို့သည့်နှမ်းအား မန္တလေးတိုင်းဒေသကြီးအတွင်း ၂၀၂၅-၂၀၂၆ ခုနှစ်တွင် စိုက်ပျိုးမှု ၉၂၃၁၅၃ ဧက၊ရိတ်သိမ်းမှု ၈၉၈၀၅၂ ဧက၊ အထွက် နှုန်း ၅.၁၉ တင်းနှင့် အထွက်စုစုပေါင်း ၄၆၆၁၉၈၈ တင်းဖြစ်ကြောင်း သိရပါသည်။  မန္တလေးပွဲစား၊ ကုန်သည် စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်နိုဝင်ဘာလတတိယပတ်အတွင်း နှမ်းအမျိုး အစားအလိုက်ပေါက်စျေးများမှာ ၃တင်းဝင်အိတ် (၄၅ပိဿာပါ) တစ်အိတ်လျှင် နှမ်းဖြူ (ဂျပန်) ၂၈၀၀၀၀ကျပ်နှင့် ၂၈၅၀၀၀ကျပ်၊နှမ်းဖြူ(ဗမာ)၂၄၀၀၀၀ကျပ်နှင့် ၂၅၀၀၀၀ကျပ်၊နှမ်းညို ၂၇၀၀၀၀ ကျပ်နှင့် ၂၇၅၀၀၀ကျပ်၊ တစ်ပိဿာစျေးမှာ နှမ်းဖြူ (ဂျပန်) ၆၂၂၂ကျပ်နှင့် ၆၃၃၃ ကျပ်၊ နှမ်းဖြူ(ဗမာ)၅၃၃၃ကျပ်နှင့် ၅၅၅၆ကျပ်၊ နှမ်းညို ၆၀၀၀ကျပ်နှင့် ၆၁၁၁ကျပ် စျေးတို့ဖြစ်ပေါ် လျက် ရှိ ကြောင်းသိရပါသည်။ ယခင် နှစ်ကာလတူ ပေါက်စျေးမှာ တစ်ပိဿာလျှင် နှမ်းဖြူ(ဂျပန်) ၈၈၈၉ကျပ်နှင့် ၉၃၃၃ကျပ်၊ နှမ်းဖြူ (ဗမာ) ၇၇၇၈ ကျပ်နှင့် ၈၄၄၄ ကျပ်၊နှမ်းညို ၆၇၇၈ကျပ်နှင့် ၆၈၈၉ ကျပ်၊နှမ်းနီ ၇၃၃၃ ကျပ်နှင့်၇၄၄၄ ကျပ်တို့ ဖြစ်ပေါ်ခဲ့ပြီး၊ ယခုနှစ် နှင့်ယခင်နှစ်ကာလတူ စျေးနှိုင်းယှဉ်ပါက မန္တလေးစျေးကွက်တွင်နှမ်းစျေးမှာ အနည်းငယ်ကျဆင်းသွားကြောင်း သိရှိရပါသည်။

DOCA(မန္တလေး)

                   မန္တလေးပဲမျိုးစုံစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်း ဒေသကြီးနှင့်ရှမ်းပြည်နယ်တို့မှ ထွက်သည့်ပဲကြားသီးနှံများ ဝင်ရောက်လျက်ရှိကြောင်း သိရပါ သည်။ ပဲကြားမှာ ပြည်တွင်းစားသုံးမှုများသည့်ပဲတစ်မျိုးဖြစ်ပါသည်။ မန္တလေး တိုင်းဒေသကြီးတွင် ပဲမျိုးစုံစိုက်ပျိုးမှုများပြားပြီး၊ ၂၀၂၄-၂၀၂၅ ခုနှစ်ပဲကြားသီးနှံအပါအဝင် ပဲမျိုးစုံ စိုက်ပျိုးမှု(၁၀၁၉၄၇၇) ဧကဖြစ်ကြောင်း သိရပါသည်။ မန္တလေးပွဲစား၊ကုန်သည်၊ စက်ပိုင်များ မဟာကထိန်တော်အသင်းတွင် ၂၀၂၅ခုနှစ်နိုဝင်ဘာလတတိယပတ်အတွင်းဖြစ်ပေါ်လျက်ရှိသော ပဲကြားပေါက်စျေးမှာ ၃တင်းဝင် တစ် အိတ်လျှင် ၄၃၀၀၀၀ကျပ်၊တစ်ပိဿာပေါက်စျေးမှာ ၇၆၄၄ကျပ်တို့ဖြစ်ကြောင်း သိရှိရပါသည်။ ယခင် အောက်တိုဘာလကာလတူ ပဲကြားသီးနှံပေါက်စျေးမှာ ၃တင်းဝင်တစ်အိတ် လျှင် ၂၇၅၀၀၀ ကျပ်နှင့် ၂၇၈၀၀၀ကျပ်၊ တစ်ပိဿာစျေးမှာ ၄၈၈၉ကျပ်နှင့် ၄၉၄၂ကျပ်၊ ယခင်လနှင့်ယခုလ စျေးနှုန်းနှိုင်းယှဉ်ပါက မန္တလေးပဲကြားစျေးမှာ ပိုမိုရရှိကြောင်း တွေ့ရှိရပါသည်။

DOCA(မန္တလေး)

                  မန္တလေးပဲမျိုးစုံစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်း ဒေသကြီးနှင့်ရှမ်းပြည်နယ်တို့မှထွက်သည့်ပဲစင်းငုံသီးနှံများ ဝင်ရောက်လျက်ရှိကြောင်းသိရပါသည်။ ပဲစင်းငုံမှာ ပြည်တွင်းစားသုံးမှုနည်းပြီး ပြည်ပသို့တင်ပို့ရောင်းချသည့် ပဲတစ်မျိုးဖြစ်ပါသည်။ မန္တလေး တိုင်းဒေသကြီးတွင် ပဲမျိုးစုံစိုက်ပျိုးမှုများပြားပြီး၊၃၁.၁.၂၀၂၅ ရက်နေ့အထိ ၂၀၂၄-၂၀၂၅ ခုနှစ် ပဲစင်းငုံ သီးနှံ စိုက်ပျိုးမှု(၃၈၀၀၇၇)ဧက၊ ရိတ်သိမ်း(၃၁၁၀၀၇)ဧက၊ အထွက်နှုန်း (၉.၃၃)တင်း နှင့်အထွက် (၂၉၀၁၃၃၃)တင်းဖြစ်ကြောင်း သိရပါတယ်။ မန္တလေးပွဲစား၊ကုန်သည်၊ စက်ပိုင်များမဟာကထိန်တော် အသင်းတွင် ၂၀၂၅ ခုနှစ်နိုဝင်ဘာလတတိယပတ်အတွင်း ဖြစ်ပေါ်လျက်ရှိသောပေါက်စျေးမှာ ၃တင်း ဝင် တစ်အိတ်လျှင်ပဲစင်းငုံ(နီ) ၂၄၃၀၀၀ကျပ်၊ပဲစင်းငုံ(ဖြူ)၂၂၀၀၀၀ကျပ်နှင့်၂၂၅၀၀၀ကျပ်၊ တစ်ပိဿာ ပေါက်စျေးမှာ ပဲစင်းငုံ (နီ)၄၀၅၀ကျပ်၊ ပဲစင်းငုံ(ဖြူ)၃၆၆၇ကျပ်နှင့် ၃၇၅၀ကျပ်တို့ဖြစ်ကြောင်း သိရှိရ ပါသည်။ ယခင်နှစ်ကာလတူပေါက်စျေး မှာ ၃တင်းဝင်တစ်အိတ်လျှင် ပဲစင်းငုံ(နီ)၄၆၀၀၀၀ကျပ်၊ တစ် ပိဿာစျေးမှာပဲစင်းငုံ(နီ)၇၆၆၇ကျပ်ပြီး၊ ယခင်နှစ်စျေးနှင့်ယခုနှစ်နှိုင်းယှဉ်ပါက ပဲစင်းငုံသီးနှံပေါက် စျေးမှာ လျော့နည်းသွားကြောင်း တွေ့ရှိရပါသည်။

DOCA(မန္တလေး)