ပြည်တွင်းကုန်သွယ်မှုသတင်း

          အောင်ပန်းဒေသမှ မုံရွာမြို့အတွင်းသို့ ဂျင်းကားများ ပုံမှန်နေ့စဉ် အဝင်ရှိပြီး ယခုတစ်ပတ်အနေဖြင့် ချင်း၁ပိဿာလျှင် ၁၀၀ကျပ်ခန့် ဈေးတက်ပါသည်။ ချင်းကို စားဖိုဆောင်နှင့် ဂျင်းပေါင်းပြုလုပ်သူများ အများဆုံး အသုံးပြုပါသည်။ ယခုတစ်ပတ် ချင်းဈေးအနေဖြင့် (ပွဲရုံ၊ ဈေး၁ပိဿာလျှင် ၉၀၀-၁၀၀၀ကျပ်ဈေးဖြစ်ပြီး လက်လီအနေဖြင့် ၁၂၀၀-၁၄၀၀ ကျပ်ဈေးတို့ဖြင့် ရောင်းဝယ်လျှက်ရှိနေပါသည်။ ဂျင်းပေါက်၁ပိဿာလျှင် ၁၀၀ဝိကျပ်နှင့် ဂျင်းချဉ်၁ပိဿာလျှင် ၁၆၀၀ ကျပ်ဈေးဖြစ်ကြောင်း သိရှိရပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကလေးခရိုင်၊ မင်းကင်းမြို့နယ်သည် လယ်ယာစိုက်ပျိုးရေးဖြင့် အဓိကအသက်မွေးဝမ်းကျောင်းပြုကြပြီး စိုက်ပျိုးရန် မြေဆီ၊ မြေနှစ်ကောင်းမွန်ခြင်းနှင့် အခြားဒေသ များထက် ရာသီဥတုပုံမှန်ပြီး မိုးကောင်းသောကြောင့် စပါး၊ ပဲမျိုးစုံ၊ နေကြာ၊ နှမ်း အစရှိသည့် သီးနှံများကို စိုက်ပျိုးကြသည်။

          စိုက်ပျိုးမြေကောင်းမွန်ပြီး နုန်းတင်မြေနုခင်းများလည်း ရှိသောကြောင့် ဆီထွက်သီးနှံဖြစ် သော မြေပဲကိုလည်း အဓိကသီးနှံအဖြစ် စိုက်ပျိုးကြသည်။ ရေ၊ မြေ၊ ရာသီဥတု ကွာခြားမှုတို့ကြောင့် မင်းကင်းမြို့နယ်မှ ထွက်ရှိသောမြေပဲမှာ အခြားဒေသများ၏ မြေပဲများထက် အရည်အသွေးကောင်း ပြီး ဆီထွက်နှုန်းကောင်းကြောင်း သိရသည်။ မင်းကင်းမြို့နယ်မှ ထွက်ရှိသော မြေပဲဆီသည်လည်း ပဲစိုက်တောင်သူများက မိမိတို့၏ ရပ်ကွက်၊ ကျေးရွာများတွင်သာရှိသော ဆီကြိတ်ခွဲစက်များနှင့် ဆုံများတွင်သာ ကြိတ်ခွဲကြသောကြောင့် မည်သည့်အရောအနှောမှ မပါဝင်ပဲ ပဲဆီသန့်သန့်ကိုသာ ရရှိကြောင်းလည်းသိရသည်။

          ဆောင်းမြေပဲကို တန်ဆောင်မုန်းလတွင် စတင်စိုက်ပျိုးကြပြီး တပေါင်းလသည် ပဲသိမ်းချိန် ဖြစ်သည်။ မိုးများသည့်ဒေသဖြစ်သဖြင့် မိုးမြေပဲစိုက်ပျိုးမှု နည်းကြောင်းလည်းသိရသည်။ မိုးမြေပဲ စိုက်ပျိုးရာတွင် ပေါင်းထူခြင်း၊ ပဲနေလှန်းရန်မလွယ်ကူခြင်း၊ ပဲဆံမအောင်ခြင်း စသည့်အခက်အခဲ များကြောင့် စိုက်ပျိုးမှုနည်းခြင်းဖြစ်ကြောင်းလည်း ထပ်မံသိရှိရသည်။

          ယခုနှစ် ဆောင်းမြေပဲစိုက်ပျိုးရာတွင် ယခင်နှစ်များထက် ရာသီဥတု သင့်တင့်မျှတသော ကြောင့် ပဲစိုက်တောင်သူတိုင်း ပဲအထွက်နှုန်းကောင်းကြကြောင်း သိရသည်။ တစ်ဧကလျှင် ပဲဆံ နှစ်တင်းခွဲ စိုက်ပျိုးရပြီး အထွက်နှုန်းမှာ နုန်းတင်မြေနုခင်းဖြစ်လျှင် ပဲဆံ တင်းနှစ်ဆယ် ထွက်ရှိပြီး ၊ မြေနုခင်းမဟုတ်သည့် အခြားအခင်းများတွင် ပဲဆံ ဆယ့်ငါးတင်းခန့် ထွက်ရှိကြောင်းလဲ သိရှိရသည်။ မင်းကင်းမြို့နယ်မှ စိုက်ပျိုးထွက်ရှိသော ပဲမျိုးစုံတို့ကို ကလေးဝ၊ ကလေးမြို့၊ မုံရွာ စသည့်မြို့များရှိ ပွဲရုံများသို့တင်ပို့ ရောင်းချကြောင်းသိရသည်။

          ယခုနှစ်တွင် မြေပဲ အနီလုံးဆံ ၁ ပိဿာလျှင် ၃၃၀၀/၃၃၇၅၊ အနီဆီဆံ ၁ ပိဿာလျှင် ၃၂၀၀ နှင့် အနီရွေးဆံ ၁ ပိဿာလျှင် ၃၂၅၀ အစရှိသည့်ဈေးများနှင့် ယခင်နှစ်ထက်ဈေးအနည်းငယ် ပိုရသော်လည်း ကိုဗစ်-၁၉ ကပ်ရောဂါနှင့် အခြားသောအကြောင်းအမျိုးမျိုးတို့ကြောင့် အမြို့မြို့ အနယ်နယ်တိုင်း၏ စက်သုံးဆီဈေးနှုန်းများမှာ မြင့်တက်နေပြီး သယ်ယူပို့ဆောင်ခများလဲ မြင့်တက် လာသောကြောင့် မင်းကင်းမြို့နယ်မှ မုံရွာမြို့ရှိပွဲရုံများသို့ စပါး၊ ပဲစသည်တို့ကို တင်ပို့ရောင်းချရာတွင် ကုန်တင်ကားများ၏ သယ်ယူပို့ဆောင်ခဈေးမြင့်တက်မှုတို့ကြောင့် တောင်သူများ အခက်တွေ့ ရကြောင်းကိုလဲ တောင်သူတစ်ဦး၏ ပြောကြားချက်အရ  သိရှိရသည်။

DOCA(စစ်ကိုင်း)

              ယင်းမာပင်ခရိုင်သည် ယာမြေဧကကျယ်ဝန်းပြီး နှစ်စဉ်ပဲမျိုးစုံသီးနှံများကို အဓိကထား စိုက်ပျိုးထွက်ရှိသည့် ဒေသတစ်ခုဖြစ်ပါသည်။ နှစ်စဉ် ပဲမျိုးစုံစိုက်ဧက(၃) သိန်းကျော်ရှိသည့်အနက် ကုလားပဲသီးနှံမှာ စိုက်ဧက (၁.၃) သိန်းကျော်ရှိသည့်အတွက် စိုက်ဧကအများဆုံးဖြစ်ပြီး ပဲမျိုးစုံ စုစုပေါင်း (၄၃%) ကျော်ရှိကြောင်း သက်ဆိုင်ရာဌာနများ၏ စာရင်းဇယားများအရ သိရှိရပါသည်။

              ယင်းမာပင်ခရိုင်တွင် မြို့နယ် (၄) မြို့နယ်ရှိသည့်အနက် ပုလဲမြို့နယ်သည် ယာမြေဧရိယာ အကျယ်အဝန်းဆုံးဖြစ်သည့်အလျှောက် ကုလားပဲစိုက်ဧကများလည်း အများဆုံးဖြစ်ကြောင်း သိရှိရပါသည်။ ဆားလင်းကြီးမြို့နယ်သည် ယာမြေများနှင့် ကိုင်း/ကျွန်းမြေများရှိသည့်အတွက် ဒုတိယစိုက်ဧကအများဆုံး မြို့နယ်ဖြစ်သည်။ အဓိကစိုက်ပျိုးသည့်မျိုးများမှာ ကုဖြူလုံးကြီး(V2)၊ ရွှေနီလုံးကြီး (929) နှင့် ကုလားပဲဝါ(ထိုင်ဝမ်)မျိုးများကို အဓိကစိုက်ပျိုးကြကြောင်း လေ့လာ သိရှိရပါသည်။ ဖေဖော်ဝါရီလဆန်းပိုင်းမှစ၍ ကုန်းစိုက်မြေများစတင်ထွက်ပေါ်ခဲ့ပြီး ချင်းတွင်းမြစ်ရေ ၊ ရေဝင်ဒေသများနှင့် ရိုးပြတ်(သီးထပ်)စိုက်ခင်းများအနေဖြင့် မတ်လအတွင်း  အပြီးရိတ်သိမ်းထွက် ရှိတော့မည်ဖြစ်ကြောင်း တောင်သူရပ်ဝန်းမှ သိရှိရပါသည်။

              ယခုနှစ်ဒေသတွင်း၌ နောက်မိုး(မိုးနှောင်း)ရွာသွန်းခဲ့ခြင်းမရှိသည့်အတွက် ကုလားပဲစိုက် ခင်းများ ရေပေးသွင်းခဲ့ရခြင်းများရှိကြောင်း၊ သွင်းအားစုများဈေးနှုန်းအဆမတန်မြှင့် တက်ခဲ့သည့် အတွက် ယခင်နှစ်ကထက် ကုန်ကျစရိတ်ပိုမိုမြင့်မားခဲ့ကြောင်း၊ ယခုနှစ်အထွက်နှုန်း ပိုမိုထွက်ရှိခဲ့ သလို  ဈေးနှုန်းလည်း မြင့်တက်ခဲ့သည့်အတွက် ထိုက်သင့်သည့် အကျိုးအမြတ်ရရှိခဲ့ကြောင်း၊ ဒေသခံ တောင်သူများထံမှ သိရှိရပါသည်။ယခုနှစ်  ကုလားပဲတစ်ဧကကုန်ကျစရိတ်မှာ (၂.၅) သိန်းခန့် ကုန် ကျခဲ့ပြီး တစ်ဧက(၁၇)တင်းခန့် ထွက်ရှိခဲ့ကြောင်း၊ တစ်တင်း(၄၀၀၀၀)ကျပ်ဖြင့် ရောင်းချခဲ့ရသည့်  အတွက် တစ်ဧက(၄)သိန်းကျော်ခန့် အကျိုးအမြတ်ရရှိခဲ့ကြောင်း၊ ကုလားပဲစိုက်တောင်သူ ဦးထွန်းဝေ၏ ပြောကြားချက်အရ သိရှိရပါသည်။

              လက်ရှိဒေသတွင်းမှ ထွက်ရှိသည့် ကုလားပဲများကို မုံရွာဈေးကွက်သို့ အဓိက တိုက်ရိုက်တင်ပို့ရောင်းချကြောင်း၊ အချို့တောင်သူများမှာ မိမိတို့တင်ပို့သည့် ကုန်စည်ဒိုင်ပေါက် ဈေးဖြင့် လက်ငင်းငွေချေ ရောင်းချပြီး အချို့မှာ မိမိတို့ ယုံကြည်စိတ်ချရသည့် ပွဲရုံတွင် တက်ဈေး မျှော်လင့်ပြီး ရာသီကုန်ထိ အပ်နှံသိုလှောင်ထားကြောင်း သိရှိရပါသည်။

              ယခုအပတ်တွင် မုံရွာကုန်စည်ဒိုင်ပေါက်ဈေး၌ ကုလားပဲသီးနှံနယ်အဝင်များလျက်ရှိပြီး တစ်ရက်အိတ်ရေ(၅၀၀) မှ(၁၀၀၀)ကြားအရောင်းအဝယ်ဖြစ်လျက်ရှိကြောင်း၊ ယခုနှစ် ကုလားပဲသီးနှံ မှာ အခြား Export ပဲများနည်းတူ ဈေးမြင့်တက်လျက်ရှိကြောင်း၊ ယခုမတ်လ စတုတ္ထပတ်တွင် ကုလားပဲဖြူလုံးကြီးတစ်တင်း ကျပ်(၄၃၀၀၀)၊ 929 တစ်တင်း(၄၁၃၀၀)နှင့် ထိုင်ဝမ်တစ်တင်း (၄၁၈၀၀) ပေါက်ဈေးအသီးသီးဖြစ်ပေါ်လျက်ရှိပြီး ယခင်နှစ်ကာလတူ ဈေးနှုန်းများနှင့် နှိုင်းယှဉ်ပါက တစ်တင်း ကျပ်(၁၀၀၀၀)ကျော်ခန့် အသီးသီးဈေးမြင့်တက်ခဲ့ကြောင်း၊ Export ဝယ်လက်မရှိသော် လည်း ပြည်တွင်းသုံးစွဲမှုများပြီး ဈေးကွက်ဝယ်လိုအားရှိနေသည့်အတွက် အရောင်းအဝယ်ဖြစ်လျက် ရှိကြောင်း ဒေသတွင်းပဲခွဲစက်၊ ကြာဇံစက်၊ပဲကြော်လုပ်ငန်းများနှင့် ရန်ကုန်၊ မန္တလေး၊ ပခုက္ကူမြို့ကြီး များမှ ပုံမှန်ဝယ်ယူလျက်ရှိကြောင်း ကုန်သည်များထံမှ လေ့လာသိရှိရပါသည်။

              ယခုနှစ်တွင်ကုလားပဲစိုက်တောင်သူများအနေဖြင့်သွင်းအားစုဈေးနှုန်းများ အဆမတန်မြင့် တက်ခဲ့သည့်အတွက်  တစ်ဧကစိုက်ပျိုးထုတ်လုပ်မှု ကုန်ကျစရိတ်များ ယခင်နှစ်ကထက် ပိုမိုကုန်ကျ ခဲ့သော်လည်း တစ်ဧကအထွက်နှုန်း တိုးတက်ရရှိခဲ့ကြောင်း၊ သီးနှံပေါ်ချိန် ဈေးကောင်းရရှိခဲ့သည့်အ တွက် ကုလားပဲစိုက်တောင်သူများ အကျိုးအမြတ်ပိုမိုရရှိခဲ့ကြောင်း၊ ယခုနှစ် ကုလားပဲဈေးကောင်း သည့်အတွက် လာမည့်နှစ်တွင်လည်း ကုလားပဲစိုက်ဧကများ တိုးတက်မြင့်မားဖွယ်ရှိပါကြောင်း ရေးသားတင်ပြလိုက်ရပါသည်။

DOCA(စစ်ကိုင်း)

        စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ရွှေဘိုခရိုင်၊ ကလေးခရိုင်၊ ကသာခရိုင်များတွင် မတ်လ စတုတ္တပတ်တွင် စပါး/ဆန်ဈေး အနည်းငယ်မြင့်တက်နေပါသည်။ စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ယခင်အပတ်က ရန်ကုန်သို့အိတ်ရေ ၃၀၀၀၀၊ မန္တလေးသို့အိတ်ရေ ၄၀၄၀၀၊ မကွေးသို့အိတ်ရေ ၁၀၀၀၊ နေပြည်တော်သို့ အိတ်ရေ ၁၀၀၀၀၊ ရှမ်း(တောင်) သို့ အိတ်ရေ ၆၅၀၀၊ ရှမ်း(မြောက်)သို့ အိတ်ရေ ၆၅၀၀၊  စုစုပေါင်းအိတ်ရေ (၉၄၄၀၀)အိတ်၊ တန်အားဖြင့် (၄၇၂၀)စီးထွက်ခဲ့ပြီး၊ ယခုအပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီး ထွက်မှုမှာ ရန်ကုန်သို့ အိတ်ရေ ၂၈၅၀၀၊ မန္တလေးသို့ အိတ်ရေ ၄၁၀၀၀၊ မကွေးသို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၀၀၀၀၊ ရှမ်း(တောင်)သို့ အိတ်ရေ ၇၀၀၀၊ ရှမ်း(မြောက်)သို့ အိတ်ရေ ၇၀၀၀၊ စုစုပေါင်းအိတ်ရေ (၉၄၅၀၀)အိတ်၊ တန်အားဖြင့်(၄၇၂၅)စီးထွက်ခဲ့သည့်အတွက် ယခင်အပတ်နှင့် နှိုင်းယှဉ်လျှင် ယခုအပတ် တွင် အိတ်ရေ (၁၀၀)၊ တန်အားဖြင့် (၅) ပိုမိုစီးထွက်ခဲ့ပါသည်။

         စစ်ကိုင်းတိုင်းဒေသကြီးအတွင်း မတ်လ (စတုတ္တ)ပတ်တွင် ဖြစ်ပေါ်နေသော အခြေခံစားကုန် ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) တင်း၁၀၀လျှင် ကျပ်(၁၅၀၀၀၀၀)၊ ပေါ်ဆန်း (ဆန်)၂၄ပြည်ပါ တစ်အိတ်လျှင်ကျပ်  ၅၃၀၀၀၊ ဧရာမင်း(စပါး)တင်း ၁၀၀လျှင် ၁၀၀၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ် ကျပ် ၄၃၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀လျှင် ကျပ် ၁၅၀၀၀၀၀၊ ပေါ်ဆန်း(ဆန်) တစ်အိတ်လျှင်ကျပ် ၅၄၀၀၀၊  ဧရာမင်း (စပါး) တင်း၁၀၀ လျှင် ၉၅၀၀၀၀၊ ဧရာမင်း (ဆန်)၂၄ ပြည်ပါ တစ်အိတ်  ၄၂၀၀၀ ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

           ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၈၅၀၀၀၀၊ ဧည့်မထ(ဆန်)‌ ၂၄ပြည်ပါ တစ်အိတ်မှာ ကျပ် ၂၇၀၀၀၊ ငစိန်(စပါး) တင်း ၁၀၀ လျှင် ၈၀၀၀၀၀ ၊ ငစိန်(ဆန်)၂၄ပြည် ပါတစ်အိတ်မှာ ၂၆၅၀၀၊ ဧရာမင်း (စပါး)တင်း ၁၀၀ လျှင် ကျပ် ၁၀၀၀၀၀၀၊ ဧရာမင်း(ဆန်)၂၄ပြည်ပါ တစ်အိတ်မှာကျပ် ၃၆၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

         ကသာခရိုင်၊ ကောလင်းမြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၇၀၀၀၀၀၊ မှော်ဘီ(၂) ဆန် ၂၄ပြည် တစ်အိတ် လျှင် ကျပ် ၃၀၀၀၀၊ ဆင်းဧကရီ(၃)(စပါး) တင်း၁၀၀ လျှင် ကျပ် ၅၈၀၀၀၀၊ ဆင်းဧကရီ-၃ဆန် ၂၄ပြည် တစ်အိတ်မှာ ကျပ် ၂၅၀၀၀၊ ဧရာမင်း (စပါး) တင်း ၁၀၀ လျှင် ကျပ် ၈၀၀၀၀၀၊ ဧရာမင်းဆန် ၂၄ ပြည် ဆန် တစ်အိတ်လျှင် ကျပ် ၃၅၀၀၀ ဖြင့် အရောင်းအဝယ်ဖြစ်နေကြောင်း သိရ ပါသည်။

         မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၉၅၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၄၇၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။   

DOCA(စစ်ကိုင်း)                                             

                  စစ်ကိုင်းတိုင်းဒေသကြီး၊ မုံရွာမြို့နယ်၊ ပုရစ်ကုန်းကျေးရွာတွင် အိမ်တွင်းမှုစားသောက်ကုန် မိသားစုတစ်နိုင်တစ်ပိုင် ကြက်သွန်ခြောက်မုန့်လုပ်ငန်းများဖြင့် ပုံမှန်ဝင်ငွေရနေကြောင်း သိရသည်။

                 ကြက်သွန်နီအား တန်ဖိုးမြှင့်ထုတ်ကုန်တစ်ခုအနေဖြင့် ထုတ်လုပ်ခြင်းဖြစ်ရာ ကြက်သွန် ခြောက်မုန့်လုပ်ငန်းထုတ်လုပ်မှုအား လေ့လာရာတွင် ကုန်ကြမ်းကြက်သွန်ကို မုံရွာမြို့တွင်း ပွဲရုံများမှ တစ်ပိဿာလျှင် ၈၀၀ ကျပ်ဖြင့်ဝယ်ယူရကြောင်း၊ လုပ်သား(၅)ယောက်နှုန်းဖြင့် လုပ်ကိုင်လျှင် ကြက်သွန်နီ ပိဿာချိန် ၂၀ ခန့် ကုန်ကြမ်းအသုံးပြုရကြောင်း၊ ကုန်ချောဖြစ်လာစေရန် ကြက်သွန်နီအား ဦးစွာအခွံသင်၍ ရေနွေးဖြင့်ပြုတ်ရကြောင်း၊ ရရှိလာသောပြုတ်ဖတ်များကို အနှစ်တိုက်ကာ ကော်မှုန့်၊ အိမ်သုံးဆား၊ ဟင်းခတ်မှုန့်တို့ဖြင့် သမအောင်ရောမွှေ၍ ရေနွေးငွေ့ပေးပေါင်းခံရကြောင်း၊ ပေါင်းခံပြီးမုန့်သားများကို နေလှန်း၍ ခပ်ဖန့်ဖန့်အနေအထားတွင် အအေးခံ၍ တစ်ညသိပ်နှပ်ထားပြီး ဘေးသားများကို ပယ်ထုတ်၍ မိမိကြိုက်နှစ်သက်ရာပုံစံ(လေးထောင့်/အဝိုင်း)ကိုက်ဖြတ်၍ အသင့်ထုတ်ပိုးရကြောင်းသိရသည်။ ဈေးကွက်ဈေးနှုန်းအနေဖြင့် အသင့်စားကြက်သွန်ခြောက်မုန့် တစ်ပိဿာလျှင် လက်လီဈေး ၂၆၀၀ ကျပ်နှင့် လက္ကားဈေး ၂၅၀၀ နှုန်းဖြင့် ရွှေဘို၊ မော်လိုက်၊ ခန္တီး၊ ဖောင်းပြင် ဒေသများသို့ ဖြန့်ဖြူးရောင်းချကာ ပုံမှန်ဝင်ငွေရနေကြောင်း သိရသည်။

       အရသာရှိပြီး အသင့်စားသုံးနိုင်သော ကြက်သွန်ခြောက်မုန့်များကို အလှူပွဲ၊ မင်္ဂလာပွဲများတွင် မုန့်ပဲသရေစာအဖြစ် ဧည့်ခံကျွေးမွေးကြပြီး ကြက်သွန်ကြော်မုန့်လုပ်ငန်းရှင်များကလည်း အသင့်စား ကြက်သွန်ကြော်မုန့်များအဖြစ် ပြန်လည်ရောင်းချရန် ဝယ်ယူမှုရှိကြောင်း သိရသည်။

DOCA(စစ်ကိုင်း)