ပြည်တွင်းကုန်သွယ်မှုသတင်း

          ဆိပ်ဖြူမြို့ ကြက်သွန်နီ အရောင်းအဝယ်ဖြစ်လျက်ရှိသော ကုန်စည်ဒိုင်သို့ ဇူလိုင်လ ဒုတိယပတ်အတွင်း ကြက်သွန်နီပင်စိုက်အသစ်များ ဆိပ်ဖြူမြို့နယ်ဒေသတွင်း နေရာအနှံ့အပြားမှ နေ့စဉ်ဝင်ရောက်ပြီး တစ်ရက်လျှင်ပျမ်းမျှ ကြက်သွန်နီ ကုန်ချိန်ပိဿာ (၂)သောင်းခန့် (၂)ပတ်အတွင်း စုစုပေါင်းပိဿာ (၃)သိန်းခန့် ကုန်စည်ဒိုင်သို့ ဝင်ရောက်လျက်ရှိပြီး  မြို့ပေါ်ရှိ ကြက်သွန်ကုန်သည် သိုလှောင်ရုံများတွင် ကြက်သွန်နီပိဿာပျမ်းမျှ (၂)ပတ်အတွင်း ကုန်ချိန် (၄)သိန်းခန့် ဝင်ရောက် အရောင်းအဝယ်ဖြစ်ကြောင်း၊ ဇူလိုင်လ(၁)ရက်မှ(၁၄)ရက်ထိ (၂)ပတ်အတွင်း ကုန်စည်ဒိုင်နှင့် သိုလှောင်ရုံများ အရောင်းအဝယ်ဖြစ်မှု စုစုပေါင်းမှာ ကြက်သွန်နီ ပိဿာ(၇)သိန်းခန့်ရှိကြောင်း မြို့ပေါ်ရှိ ကုန်စည်ဒိုင်အသင်းဝင်  ကုန်သည်ပွဲစား(၁)ဦးထံမှ သိရှိရသည်။

            ဈေးနှုန်းဈေးကွက်အနေဖြင့် ဇူလိုင်လဒုတိယပတ်အတွင်း ကြက်သွန်နီ(၁)ပိဿာ ထိပ်စ အမြင့်ဆုံးဈေးနှုန်းမှာ(၁၄၀၀)ကျပ်မှ (၁၃၀၀)ကျပ်ထိ ဈေးနှုန်းဖြစ်ခဲ့ပြီး အနိမ့်စအမြင့်ဆုံးဈေးနှုန်းမှာ (၁၀၀၀)ကျပ်မှ (၈၀၀)ကျပ်ထိ ဈေးနှုန်းများဖြင့် အရောင်းအဝယ်ဖြစ်ခဲ့ကြောင်း၊ သီးနှံအရည် အသွေးများ မတူညီခြင်းကြောင့် ဈေးနှုန်းများကွာခြားကြောင်း၊ ယခင်အပတ် ကြက်သွန်နီ အမြင့်ဆုံး ဈေးနှုန်းမှာ (၁၅၂၅)ကျပ် ဈေးနှုန်းဖြင့် အရောင်းအဝယ်ဖြစ်ခဲ့ပြီး ယခုအပတ် အမြင့်ဆုံးဈေးမှာ (၁၄၀၀)ကျပ် ဈေးနှုန်းဖြင့် အရောင်းအဝယ်ဖြစ်၍ ယခင်အပတ်ထက် (၁၂၅)ကျပ်ခန့် ဈေးနှုန်း ကျဆင်းသွားကြောင်း၊ အနိမ့်စအမြင့်ဆုံးဈေးနှုန်းမှာ ယခင်အပတ်က (၁၁၀၀)ကျပ်၊ ယခုအပတ် (၁၀၀၀)ကျပ် ဈေးနှုန်းဖြစ်၍ (၁၀၀)ကျပ်ခန့် ကျဆင်းခဲ့ကြောင်း၊ ကြက်သွန်နီ ဈေးနှုန်းများ ယခင်အပတ်ထက် ဈေးအနည်းငယ် ကျဆင်းသွားရခြင်းမှာ ပြည်တွင်းဖြန့်ဖြူးမှုသာရှိပြီး ပြည်ပ ဝယ်လက်နည်းကြောင်း၊ ကြက်သွန်နီစိုက် တောင်သူကုန်သည်များမှလည်း ‌ဈေးငြိမ်နေ၍ ထုတ်ကုန်များကို ထိန်း၍ ရောင်းချနေကြောင်း၊ ယခင်အပတ်ထက် ကုန်စည်စီးဆင်းမှု နည်းသွားကြောင်း ကုန်စည်ဒိုင်အသင်းဝင် ကုန်သည်ပွဲစားတစ်ဦးထံမှတစ်ဆင့် သိရှိရသည်။

         ဆိပ်ဖြူမြို့တွင် ကြက်သွန်နီအသစ်(၁)ပိဿာလျှင် လက်လီဈေးနှုန်းအနေဖြင့် ထိပ်စ(ရှယ်) ကျပ်(၁၆၀၀)၊ လတ်(ကြီး) ကျပ်(၁၅၀၀/၁၄၀၀)၊ လတ်(သေး) ကျပ်(၁၂၀၀/၁၁၀၀) ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း၊ ကုန်စည်စီးဆင်းမှုအနေဖြင့် ဇူလိုင်လဒုတိယပတ်အတွင်း ဆိပ်ဖြူမြို့မှ ရန်ကုန် ဘုရင့်နောင်ပွဲရုံသို့(၃၀)စီး၊ ပြည်မြို့(၁၅)စီး၊ ဧရာဝတီတိုင်းဒေသကြီး ပုသိမ်မြို့ (၁၈)စီး၊ မော်လမြိုင်မြို့(၄)စီး၊ မြဝတီမြို့(၈)စီး စုစုပေါင်း(၇၅)စီးခန့် (၆/၁၂)ဘီး မော်တော်ယာဉ်များဖြင့် ကြက်သွန်နီပျမ်းမျှပိဿာ(၇)သိန်း၊ တန်ချိန်(၄)သောင်းခန့် ကုန်စည်စီးဆင်းခဲ့ကြောင်း သိရှိရပါ သည်။

DOCA(မကွေး)

           ကယားပြည်နယ်တွင် ကုန်စည်စီးဆင်းမှုမှာ ပုံမှန်လည်ပတ်လျက်ရှိပြီး ဇူလိုင်လအတွင်း အိမ်ဆောက်ပစ္စည်းအချို့နှင့် ဘိလပ်မြေများ ပြည်နယ်တွင်းသို့ဇူလိုင်လအတွင်း ဘိလပ်မြေဝင်ရောက်မှုမှာ ကားစီးရေအတွက်(၁၀)စီး၊အိတ်ရေ(၇၀၈၀)အိတ်တင်သွင်းလာ လျှက်ရှိကြောင်းမြို့ဦး ဂိတ်စာရင်းအရသိရှိရပါတယ်။ယခုဇူလိုင်လတွင် ဈေးကွက်အတွင်းဖြစ်ပေါ်နေသော ဘိလပ်မြေဈေးနှုန်းများမှာ အာပါချီဘိလပ်မြေတစ်အိတ်လျှင် (၇၄၀၀) ကျပ်၊ ကမ္ဘောဇဘိလပ်မြေ တစ်အိတ် လျှင်(၇၄၀၀)ကျပ်၊ နဂါးဘိလပ်မြေ တစ်အိတ်လျှင် ( ၇၃၀၀ )ကျပ်တို့ဖြင့် အရောင်းအဝယ်ဖြစ်လျှက်ရှိပြီး ယခင်ဇွန်လတွင် အာပါချီဘိလပ်မြေ တစ်အိတ်လျှင်(၇၈၀၀)ကျပ်၊ ကမ္ဘောဇဘိလပ် မြေတစ်အိတ်လျှင်(၇၅၀၀)ကျပ်၊နဂါးဘိလပ်မြေတစ်အိတ်လျှင်(၈၀၀၀)ကျပ်ဖြင့် အရောင်းအဝယ် ဖြစ်ခဲ့ပြီး ၊ ယခင် ဇွန်လ နှင့် ယခုလ ဇူလိုင်လ နှိုင်းယှဉ်ကြည့်လျှင် (အာပါချီ) တစ်အိတ်ကျပ် (၄၀၀)ခန့်၊ (ကမ္ဘောဇ)တစ်အိတ်လျှင်ကျပ်(၁၀၀)ခန့်၊ (နဂါး)တစ်အိတ်လျှင် ကျပ်(၇၀၀)ခန့် ဈေးနှုန်းကျဆင်းလျက်ရှိကြောင်း အိမ်ဆောက်ပစ္စည်းအရောင်းဆိုင်မှ သိရှိရပါတယ်။

DOCA(ကယား)

           ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပြည်ခရိုင်၊ ပန်းတောင်း မြို့နယ်တာဝန်ခံနှင့် ဝန်ထမ်းများသည် (၈.၇.၂၀၂၂)နေ့ နေလယ် (၁၄:၀၀)အချိန်တွင် ဥသျှစ်ပင်မြို့ရှိ လမင်း ပဲနှမ်းပွဲရုံသို့ သွားရောက်၍ ပဲဈေးနှုန်းဈေးကွက် အခြေအနေအား တွေ့ဆုံဆွေးနွေးခဲ့ပါသည်။

          ဥသျှစ်ပင်မြို့ရှိ လမင်းပဲနှမ်းပွဲရုံပိုင်ရှင် ဦးကျော်သူစိုးနှင့်တွေ့ဆုံ၍ မေးမြန်းရာတွင် ပန်းတောင်းဒေသ အနီးတဝိုက်ရှိ ပဲနှမ်းများအား ဝယ်ယူ၍ ပြည်မြို့ရှိ ပွဲရုံများသို့ တင်ပို့ရောင်း ချကြောင်း၊ ယခုအချိန်တွင် ဈေးကွက်၌ ပဲလက်ကျန်နည်းပါးလာသောကြောင့် အရောင်းအဝယ်အေး နေကြောင်း သိရှိရပါသည်။ လမင်းပဲနှမ်းပွဲရုံရှိ ဈေးများမှာ မတ်ပဲတစ်တင်းလျှင် ၅၃၅၀၀ကျပ်၊ ပဲတီစိမ်းတစ်တင်းလျှင် ၅၀၀၀၀ကျပ်၊ ပဲတီစိမ်း(ဝါးခယ်မ)မျိုးတစ်တင်းလျှင် ၄၃၀၀၀ကျပ်၊ မြေပဲဆန် တစ်ပိဿာလျှင် ၄၅၀၀၀ကျပ်၊ ပဲကြီးတစ်တင်းလျှင် ၆၈၀၀၀-၇၀၀၀၀ ကျပ်နှင့် ဆီကြိတ် နှမ်းနီတစ်တင်းလျှင် ၅၅၀၀၀ကျပ်ဈေးဖြင့်ရောင်းချလျှက်ရှိကြောင်း သိရှိရပါသည်။

DOCA(ပဲခူး)

          ပဲခူးတိုင်းဒေသကြီး၊ သာယာဝတီခရိုင် ၊ နတ်တလင်း မြို့နယ်တွင် စားအုန်းဆီများအား သက်သာ သော ဈေးနှုန်းဖြင့် ရောင်းချပေးခြင်းကို နတ်တလင်းမြို့ ရွာမရပ်ကွက် တာပွန်လမ်းရှိ အောင်ချမ်းသာ ဆီစက်တွင် ၄.၇.၂၀၂၂ ရက်နေ့ နေ့လည်ပိုင်း က စတင်ရောင်းချပေးခဲ့ကြောင်း သိရှိရပါသည်။

          နတ်တလင်းမြို့ရှိ ဒေသခံ ပြည်သူများအား သက်သာ‌သော ဈေးနှုန်းဖြင့် စားသုံးဆီများ ဝယ်ယူ စားသုံးနိုင်စေရန် တစ်ပိဿာလျှင် ၆၃၀၀/ကျပ် နှုန်းဖြင့် တစ်ဦးလျှင် တစ်ပိဿာနှုန်းဖြင့် ရောင်းချပေးခဲ့ပြီး  ဖောက်သည် ဆီဆိုင်များကိုလည်း လက်လီ/လက်ကား ရောင်းချပေးမည်ဖြစ်ကြောင်း ၊ စားအုန်းဆီများအား First Top Co; Ltd ငုဝါလမ်း ဘုရင့်နောင်ပွဲရုံမှ တင်သွင်း ရောင်းချမည်ဖြစ်ကြောင်း အောင်ချမ်းသာ ဆီစက်ပိုင်ရှင် ဦးအောင်ကျော်ဇော၏ ပြောကြားချက်အရ သိရှိရပါသည်။

          ဈေးကွက်အတွင်း စားသုံးဆီဈေးနှုန်းတည်ငြိမ်ရေးအတွက် သက်သာသော ဈေးနှုန်းဖြစ်စေရေး အတွက် ဆီလုပ်ငန်းရှင်များမှ ရောင်းချပေးခြင်းဖြစ်ကြောင်း ဇူလိုင်လဆန်းပိုင်းတွင် ဈေးကွက်အတွင်း စားအုန်းဆီ တစ်ပိဿာဈေးနှုန်း ၇၆၀၀/၇၈၀၀/၈၀၀၀ ခန့်၊ နှမ်းဆီတစ်ပိဿာ ၉၅၀၀ ကျပ်၊ ပဲဆီ တစ်ပိဿာလျှင် ၁၀၀၀၀/ကျပ်ခန့် ရှိသဖြင့် ပြည်သူများ စားသုံးဆီကို သက်သာသောဈေးနှုန်းဖြင့် ဝယ်ယူစားသုံးနိုင်ရေးအတွက် စီစဉ်ဆောင်ရွက်ခြင်းဖြစ်ကြောင်းနှင့် အဆိုပါရောင်းချပေးမှုအား စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းများမှ ကွင်းဆင်းပြီး ကြီးကြပ်ဆောင်ရွက် ပေးလျှက်ရှိပါကြောင်း သိရှိရပါသည်။

DOCA(ပဲခူး)

           ယခုတစ်ပတ်တွင် ညောင်လေးပင်မြို့နယ်၏    ဓာတ်မြေသြဇာနှင့် ပိုးသတ်ဆေး စျေးနှုန်းများ အနေဖြင့်  15 : 15 : 15 ( TE) MC 50 kg တစ်အိတ်လျှင် ၉၀၀၀၀ကျပ် ၊  9:9:9 MC 50 kg တစ်အိတ်လျှင် ၇၅၀၀၀ ကျပ် ၊ 16 : 16 : 16 MC 50 kg တစ်အိတ်လျှင် ၁၀၀၀၀၀ကျပ် ၊ ပုလဲသာ ( ‌ရွှေနဂါး) ဓာတ်မြေသြဇာ 50kg  တစ်အိတ်လျှင် ၇၅၀၀၀ ကျပ်၊ မြင်းပျံ ပုလဲ (သြဘာ) 50kg  တစ်အိတ်လျှင် ၈၇၅၀၀ကျပ် ၊ ကောမတ်သြဘာ 50 kg တစ်အိတ်လျှင် ၈၇၅၀၀ကျပ် ၊ ပိုတက်ဓာတ်မြေသြဇာ ( GBS  ပိုတက်)   50kg တစ်အိတ်လျှင် ၉၅၀၀၀ ကျပ်၊ ခရုပိုးသတ်ဆေး (သြဘာ)  200g တစ်ထုပ်လျှင် ၁၁၀၀၀ကျပ်၊ စပါးဖျန်းပိုးသတ်ဆေး (သြဘာ)  200g တစ်ထုပ်လျှင် ၁၁၀၀၀ကျပ် ၊ အန်းကား (သြဘာ) 500 CC တစ်ဗူးလျှင် ၁၆၀၀၀ ကျပ်ဖြင့် အရောင်းအဝယ်ဖြစ်လျက်ရှိပါသည်။

          ယခင်အပတ်က ညောင်လေးပင်မြို့နယ်၏    ဓာတ်မြေသြဇာနှင့် ပိုးသတ်ဆေး စျေးနှုန်းများ အနေဖြင့်  15 : 15 : 15 ( TE) MC 50 kg တစ်အိတ်လျှင် ၉၅၀၀၀ကျပ် ၊  9:9:9 MC 50 kg တစ်အိတ်လျှင် ၇၅၀၀၀ ကျပ် ၊ 16 : 16 : 16 MC 50 kg တစ်အိတ်လျှင် ၉၇၀၀၀ကျပ် ၊ ပုလဲသာ ( ‌ရွှေနဂါး) ဓာတ်မြေသြဇာ 50kg  တစ်အိတ်လျှင် ၇၇၀၀၀ ကျပ်၊ မြင်းပျံ ပုလဲ (သြဘာ) 50kg  တစ်အိတ်လျှင် ၉၅၀၀၀ကျပ် ၊ ကောမတ်သြဘာ 50 kg တစ်အိတ်လျှင် ၉၅၀၀၀ကျပ် ၊ ပိုတက်ဓာတ်မြေသြဇာ ( GBS  ပိုတက်)   50kg တစ်အိတ်လျှင် ၉၀၀၀၀ ကျပ်၊ ခရုပိုးသတ်ဆေး (သြဘာ)  200g တစ်ထုပ်လျှင် ၁၂၀၀၀ကျပ်၊ စပါးဖျန်းပိုးသတ်ဆေး (သြဘာ)  200g တစ်ထုပ်လျှင် ၁၀၀၀၀ကျပ် ၊ အန်းကား (သြဘာ) 500 CC တစ်ဗူးလျှင် ၁၅၀၀၀ ကျပ်ဖြစ်၍  ယခုအပတ်ဈေးနှုန်းနှင့် နှိုင်းယှဉ်ပါက  ဈေးနှုန်းများ အတက်အကျရှိသည်ကို တွေ့ရှိရပါသည်။

DOCA(ပဲခူး)