ပြည်တွင်းကုန်သွယ်မှုသတင်း

        လားရှိုးမြို့ရှိဈေးကွက်များတွင် ဩဂုတ်လတတိယအပတ်မှစ၍ ဘိလပ်မြေဈေးနှုန်းများ သိသိသာသာတက်လာကြောင်းသိရှိရပါသည်။ မိုးတွင်းကာလဖြစ်သော်လည်း လားရှိုးမြို့ပေါ်နှင့် အနီးတစ်ဝိုက်မြို့နယ်များတွင် Construction လုပ်ငန်းများအနည်းနှင့် အများအလုပ်ဖြစ်လျှက် ရှိပါသည်။ သို့ရာတွင် ယခင်က Crown(၅.၂၅)တစ်အိတ်လျှင် (၇၀၀၀)ကျပ်ခန့်ရှိပြီး AAA (၄.၂၅) တစ်အိတ်လျှင်(၈၀၀၀)ကျပ်ခန့် ရှိကြောင်းသိရှိရပါသည်။ ယခုအချိန်တွင် Crown(၅.၂၅) တစ်အိတ်လျှင် (၁၁၀၀၀)ကျပ်နှင့် AAA (၄.၂၅)တစ်အိတ်လျှင် (၁၀၀၀၀)ကျပ်ထိမြင့်တက်လျှက် ရှိကြောင်းသိရပါသည်။ စက်ရုံမှဝယ်ယူဈေးမှာ Crown(၅.၂၅) တစ်အိတ်ကို ၇၅၅၀ကျပ် (ကားခ-၆၀၀ပါပြီး)ရှိပြီး လားရှိုးမြို့ရှိဆိုင်များအနေဖြင့် ဘိလပ်မြေ(စက်ရုံ) ဝယ်ဈေးပြောင်းလည်း မှုမရှိသော်လည်း သယ်ယူပို့ဆောင်ခနှုန်းထားများမြင့်တက်နေမှု့ကြောင့် ဘိလပ်မြေဈေးနှုန်းများ မြင့်တက်နေခြင်းဖြစ်ကြောင်း သိရှိရပါသည်။

DOCA(ရှမ်း)

       စစ်ကိုင်းတိုင်းဒေသကြီးအတွင်း ယခင်အပတ်တွင် ဓာတ်မြေသြဇာအမျိုးအစားများဖြစ်သည့် ယူရီးယား(ပန်းဖူး(တရုတ်))တစ်အိတ် (၉၇၀၀၀)ကျပ်၊ တီစူပါ၄၆% (သံကွင်း(တရုတ်))တစ်အိတ် (၈၅၀၀၀)ကျပ်၊ ကျွဲနက်၁၅း၁၅း၁၅ တစ်အိတ် (၁၅၀၀၀၀)ကျပ်၊ နိုက်ထိုဖောစကာ (သြဘာ) တစ်အိတ် (၁၅၅၀၀၀)၊ ပန်းဖူး(မြန်မာ့သြဘာ) တစ်အိတ် (၁၃၀၀၀၀)ကျပ်၊ MC(ကွန်ပေါင်း) တစ်အိတ် (၁၃၀၀၀၀)ကျပ်၊ ဇာမဏီ(ကွန်ပေါင်း) တစ်အိတ် (၆၅၀၀၀)ကျပ်ဖြင့်အရောင်း အဝယ်ရှိခဲ့ ပြီး၊ ပိုးသတ် ဆေးအမျိုးအစားများဖြစ်သည့် ဆိုင်ကလုံး (မြန်မာ့သြဘာ) တစ်ဗူး (၅၅၀၀)ကျပ် ၊ တင်းရှန့် (Aventine) တစ်ဗူး (၅၅၀၀)ကျပ် ၊ မိုရယ်မုန် (သြဘာ) တစ်ဗူး (၂၀၀၀၀)ကျပ်၊ အစီဖိတ်(သြဘာ) တစ်ဗူး (၁၈၀၀၀)၊ ရွှေတောနစ် (မြင်းကြား) တစ်ဗူး (၁၀၅၀၀) ကျပ်၊ ဖို့စတင်း (သြဘာ) တစ်ဗူး (၂၁၀၀၀) ကျပ်ဖြင့်အရောင်းအဝယ် ဖြစ်ခဲ့ကြောင်း သိရှိရသည်။

        ယခုအပတ်တွင် ဓာတ်မြေသြဇာအမျိုးအစားများဖြစ်သည့် ယူရီးယား(ပန်းဖူး(တရုတ်)) တစ်အိတ် (၁၀၁၀၀၀)ကျပ်၊ တီစူပါ၄၆% (သံကွင်း(တရုတ်))တစ်အိတ် (၉၀၀၀၀)ကျပ်၊ ကျွဲနက် ၁၅း၁၅း၁၅ တစ်အိတ် (၁၅၀၀၀၀)ကျပ်၊ နိုက်ထိုဖောစကာ (သြဘာ) တစ်အိတ်(၁၇၀၀၀၀)၊ ပန်းဖူး (မြန်မာ့သြဘာ) တစ်အိတ် (၁၇၀၀၀၀)ကျပ်၊ MC(ကွန်ပေါင်း) တစ်အိတ်(၁၃၀၀၀၀)ကျပ်၊ ဇာမဏီ( ကွန်ပေါင်း) တစ်အိတ် (၇၀၀၀၀)ကျပ် ဖြင့်အရောင်းအဝယ် ရှိခဲ့ပြီး၊ ပိုးသတ်ဆေး အမျိုးအစားများဖြစ်သည့် ဆိုင်ကလုံး (မြန်မာ့သြဘာ) တစ်ဗူး (၆၀၀၀)ကျပ် ၊ တင်းရှန့် (Aventine) တစ်ဗူး (၅၈၀၀)ကျပ်၊ မိုရယ်မုန် (သြဘာ) တစ်ဗူး (၂၂၅၀၀)ကျပ်၊ အစီဖိတ်(သြဘာ) တစ်ဗူး(၁၈၀၀၀)ကျပ်၊ ရွှေတောနစ် (မြင်းကြား) တစ်ဗူး (၁၂၀၀၀) ကျပ်၊ ဖို့စတင်း(သြဘာ) တစ်ဗူး (၂၁၀၀၀) ကျပ်ဖြင့် အရောင်းအဝယ်ဖြစ်ခဲ့ကြောင်း သိရှိရသည်။

DOCA(စစ်ကိုင်း)

ရက်စွဲ၊ ၅.၉.၂၀၂၂

     စစ်ကိုင်းတိုင်းဒေသကြီး၊ တမူးခရိုင်၊ တမူးမြို့၊ နယ်စပ် ကုန်သွယ်ရေးစခန်းမှ ( ၈/၂၀၂၂ ) လအတွင်း တမူးကုန်သွယ်ရေးစခန်းမှ သွင်းကုန်လုပ်ငန်းသုံးပစ္စည်းတန်ချိန်( ၃၄၉၅.၀၀၀ ) တန်၊ အမေရိကန်ဒေါ်လာ သန်း( ၀.၉၉၂ ) သန်း၊ ဆံပင်တန်ချိန် ( ၂.၀၀၀ ) တန်၊ အမေရိကန်ဒေါ်လာသန်း ( ၀.၀၀၉ ) ၊ ဓာတ်မြေသြဇာတန်ချိန် ( ၃၄၉၃ ) တန်၊ အမေရိကန်ဒေါ်လာသန်း ( ၀.၉၈၃ )သန်း၊ စုစုပေါင်းသွင်းကုန်တန်ချိန် ( ၃၄၉၅.၀၀၀ ) တန်၊ အမေရိကန် ဒေါ်လာသန်း ( ၀.၉၉၂ ) သန်း တင်သွင်းခဲ့ပြီး၊ ပို့ကုန် တမူးကုန်သွယ်ရေးစခန်းမှ  ကွမ်းသီးတန်ချိန် ( ၂၅.၆၀၀ ) သန်း၊ အမေရိကန်ဒေါ်လာသန်း ( ၀.၀၂၂ )သန်း၊ စီးကရက်အမျိုးမျိုး ( ၅၂.၈၀၀ ) တန်၊ အမေရိကန်ဒေါ်လာသန်း ( ၀.၁၁၅ ) သန်း၊ နန်းဖာလုံကုန်စုံ အမေရိကန်ဒေါ်လာသန်း ( ၀.၂၃၅ ) သန်း၊ စုစုပေါင်း ကုန်ပစ္စည်းတန်ချိန် ( ၇၈.၄၀၀ ) တန် နှင့် အမေရိကန်ဒေါ်လာသန်း ( ၀.၃၇၂ ) သန်း တင်ပို့နိုင်ခဲ့ပါကြောင်း၊ ပို့ကုန်၊ သွင်းကုန် နှိုင်းယှဉ်ပါက သွင်းကုန်အမေရိကန် ဒေါ်လာသန်း( ၀.၉၉၂ ) သန်းရှိပြီး၊ ပို့ကုန် အမေရိကန်ဒေါ်လာသန်း ( ၀.၃၇၂ ) သန်းရှိခဲ့ပါသည်။

DOCA(စစ်ကိုင်း)

    စားဖိုဆောင်သီးနှံတစ်ခုဖြစ်သည့် ကြက်သွန်ဖြူကို  ပြည်နယ်အတွင်း၌လည်း တပိုင်တနိုင် စိုက်ပျိုးလျက်ရှိကြပြီး၊  ယခင်နှစ်စိုက်ပျိုးချိန်တွင် ထွက်ရှိမှုနည်းပါ၍ ပြည်နယ်အတွင်း စားသုံးရန်အတွက် ကြက်သွန်(ဖြူ)ကို အောင်ပန်း၊ ကလောတို့မှ သယ်ယူကာ ရောင်းချလျက်ရှိကြောင်း ၊ လက်ရှိ ဈေးကွက်အတွင်းဖြစ်ပေါ်နေသော ဈေးနှုန်းများမှာ စက်တင်ဘာလပထမပတ်တွင် ကြက်သွန်(ဖြူ) ရှမ်းစ တစ်ပိဿာလျှင် ကျပ် (၅၀၀၀) ၊ ကြက်သွန်ဖြူ (ကြူကုတ်) တစ်ပိဿာလျှင် ကျပ် (၆၀၀၀)၊ ဩဂုတ်လ ပထမပတ်တွင် ရှမ်းစ တစ်ပိဿာလျှင် ကျပ် (၄၀၀၀) ၊ ဖြစ်၍ ကြက်သွန်ဖြူ (ကြူကုတ်) တစ်ပိဿာလျှင် ကျပ် (၄၅၀၀)၊ ဖြင့်ရောင်းချလျှက်ရှိကြောင်း၊  ယခု စက်တင်ဘာလ  ပထမပတ်နှင့်  ဩဂုတ်လ ပထမပတ် နှိုင်းယှဉ်မည်ဆိုလျှင် ရှမ်းစ တစ်ပိသာလျှင် ကျပ် (၁၀၀၀)ခန့်၊ (ကြူကုတ်) တစ်ပိဿာလျှင် (၁၅၀၀)ကျပ် ဈေးနှုန်း မြင့်တက်လျှက်ရှိကြောင်း လွိုင်ကော်မြို့ သီရိ မင်္ဂလာဈေးတွင် ရောင်းချနေသော ကုန်သည်များထံမှ သိရှိရပါတယ်။

DOCA(ကယား)

    မန္တလေးတိုင်းဒေသကြီး၊အောင်မြေသာဇံခရိုင်၊မတ္တရာမြို့နယ်သည် စီးပွားရေးဖွံ့ဖြိုးတိုးတက်မှုရှိသော မြို့နယ်တစ်ခုဖြစ်ပြီး ဒေသခံပြည်သူများမှာ စိုက်ပျိုးရေးလုပ်ငန်းကို အဓိကထားလုပ်ကိုင် ဆောင်ရွက်ကြပါသည်။ စပါးကို အများဆုံးစိုက်ပျိုးကြပြီး နွေစပါး ၊ မိုးစပါး နှစ်ရာသီ စလုံး စိုက်ပျိုးထွက်ရှိရာဒေသဖြစ်၍ တစ်နှစ်လျှင်နွေစပါးစိုက်ဧက လေးသောင်းကျော်၊ မိုးစပါးစိုက် ဧက လေးသောင်းကျော်၊ စုစုပေါင်း တစ်နှစ်ပျမ်းမျှစပါးစိုက်ဧက ကိုးသောင်းကျော် စိုက်ပျိုးထွက်ရှိပါ သည် ။ ယခုနှစ်တွင် နွေစပါး (၄၆၇၇၇)ဧက စိုက်ပျိုးခဲ့ပြီး (၁၅-၈-၂၀၂၂)ရက်နေ့အထိ နွေစပါး (၄၆၄၈၇)ဧက ရိတ်သိမ်းပြီးဖြစ်၍ အထွက်နှုန်း (၁၀၃.၀၃)တင်းဖြင့် အထွက်နှုန်းစုစုပေါင်း (၄၇၈၉၇၆၈)တင်းထွက်ရှိခဲ့ကြောင်း စိုက်ပျိုးရေးဌာနစာရင်းများအရသိရှိရပါသည် ။ နွေစပါးမျိုးကွဲ များအနေဖြင့် ရက်(၁၁၀)၊ရက်(၉၀)၊ရွှေသွယ်ရင်၊မနောသုခစပါးမျိုးများကို စိုက်ပျိုးခဲ့ကြပြီး အထွက် နှုန်းကောင်းပြီး ဈေးကောင်းရရှိ၍ တောင်သူများတွက်ချေကိုက်ပါသည် ။ ယခုအခါ နွေစပါးများ အောင်မြင်စွာရိတ်သိမ်းပြီးဖြစ်၍ မိုးစပါးများဆက်လက်စိုက်ပျိုးရန် မြေပြင်ခြင်း၊ ပျိုးထောင်ခြင်း ၊ စိုက်ပျိုးခြင်းများဆောင်ရွက်လျှက်ရှိပါသည်။ ယခုနှစ်တွင် မိုးစပါး (၅၅၁၆၇)ဧက လျာထားခဲ့ပြီး (၂၈၈၂၄)ဧက စိုက်ပျိုးထားနိုင်ခဲ့ကြောင်းသိရှိရပါသည်။

     ဆန်စပါးဈေးကွက်အနေဖြင့် ဧရာမင်း(မဂျမ်းတော)စပါး ဆန်ဈေးကွက်မှာ အမြင့်ဆုံးတွင် ရောက်ရှိနေပြီး မဂျမ်းတောစပါးဆန်အမျိုးအစားမှာ မိုးစပါးတစ်ရာသီသာလျှင်ထွက် ရှိ၍ တစ်နှစ်တွင်တစ်ကြိမ်သာထွက်ပေါ်သောစပါးမျိုးဖြစ်ပါသည်။ ယခုအခါ မဂျမ်းတောစပါး (အဟောင်း) ၄၆ ပေါင်ကိုက် တင်း(၁၀၀)လျှင် (၁၆၀၀၀၀ဝိ/-)ကျပ်၊ မဂျမ်းတောဆန် (၂၄)ပြည် တစ်အိတ်လျှင် (၅၅၀၀ဝိ/-)ကျပ်နှင့် မနောသုခစပါး(အဟောင်း) ၄၆ ပေါင်ကိုက် တင်း(၁၀၀)လျှင် (၁၂၀၀၀၀ဝိ/-)ကျပ် ၊ မနောသုခဆန် (၂၄)ပြည် တစ်အိတ်လျှင် (၄၇၀၀ဝိ/-)ကျပ်ဖြင့် လည်းကောင်း၊ နွေစပါး(အသစ်)ဈေးကွက်အနေဖြင့် ရက်(၁၁၀) ၊ ရက်(၉၀)စပါး ထွက်ပေါ်စ (၈၅၀၀၀ဝိ/-)ကျပ်မှ ယခု(၁၀၅၀၀၀ဝိ-)ကျပ်၊ ရက်(၁၁၀)၊ရက်(၉၀)ဆန် ထွက်ပေါ်စ (၃၁၀၀ဝိ/-) ကျပ်မှ (၃၅၀၀ဝိ/-)ကျပ် ဈေးနှုန်းများဖြင့်ရောင်းဝယ်လျှက်ရှိပါသည်။ နွေစပါးရာသီမှာ ဈေးကွက်ဝယ်လိုအားကောင်းသော ကြောင့်အရောင်းအဝယ်သွက်လျှက်ရှိပြီး မန္တလေးပွဲရုံ ၊ ကုန်သည်ဈေးကွက်သို့သာ အဓိကတင်ပို့ ရောင်းချလျှက်ရှိပါကြောင်း စက်ပိုင်၊ကုန်သည်ပွဲစားများထံမှသိရှိရပါသည်။

DOCA(မန္တလေး)