သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန ရန်ကုန်တိုင်းဒေသကြီး၊ ကွက်ကဲမှုအောက်ရှိ  အရှေ့ပိုင်းခရိုင်စားသုံးသူရေးရာဦးစီးဌာနအနေဖြင့်  ထုတ်ကုန်လုံခြုံစိတ်ချရမှုဆိုင်ရာ လုပ်ငန်းများအတွက် ကုန်စည်နှင့်ဝန်ဆောင်မှုများကို အွန်လိုင်း ( Online ) စနစ်မှတဆင့်  ဝန်ဆောင်မှု ပေးသည့်လုပ်ငန်းများနှင့်ပတ်သက်၍ အသိပညာပေးခြင်း၊ အွန်လိုင်းမှတဆင့် ဝယ်ယူရာ၌ အားသာချက်/အားနည်းချက်များ၊ လိမ်လည်မှုများနှင့်ပတ်သက်၍ မေးမြန်းဆွေးနွေးခြင်း၊   အွန်လိုင်း( Online ) မှတဆင့် ဈေးဝယ်ရာတွင်  စားသုံးသူများဘက်မှ သိသင့်သိထိုက်သည်များကို အသိပညာပေးခြင်းနှင့် သက်ဆိုင်ရာဌာနများနှင့် ပူးပေါင်းဆောင်ရွက်မှု လုပ်ငန်း များကို (၂၃.၈.၂၀၂၄ ) ရက်နေ့ နေ့လယ်(၁၁:၀၀) နာရီအချိန်တွင်  အမှတ်(၂၉၈) မြနန္ဒာလမ်း၊ (၁၃) ရပ်ကွက်၊ ရန်ကင်းမြို့နယ်ရှိ  ကျွမ်းကျင်မှုလေ့ကျင့်ရေးသင်တန်းကျောင်းမှ လူငယ်များကို စားသူံးသူရေးရာဦးစီးဌာနမှ ခရိုင်ဦးစီးမှူးဦးလှစိုးက ရှင်းလင်းဆွေးနွေး အသိပညာပေးခဲ့ကြောင်း သိရှိရပါသည်။

DOCA(ရန်ကုန်)

    ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်းရှိ စက်သုံးဆီအရောင်းဆိုင်များတွင် စက်သုံးဆီရောင်းချနေမှုအခြေအနေအား စားသုံးသူရေးရာဦးစီးဌာန၊ ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ ဩဂုတ်လ ၁၄ ရက်၊နေ့လယ်(၁၁:၀၀) နာရီ အချိန်တွင် ပဲခူး-ရန်ကုန်ကားလမ်းမကြီးဘေးဝဲ၊ ယာ စက်သုံးဆီအရောင်းဆိုင်များစက်သုံးဆီ ဖြန့်ဖြူးရောင်းချနေမှုအခြေအနေအား သွားရောက်ကွင်းဆင်းစစ်ဆေးခဲ့ကြောင်း သိရသည်။

       ထိုသို့ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်ကျော့ကေခိုင်မှ ပဲခူး-ရန်ကုန်ကားလမ်းမကြီးဘေးဝဲယာရှိ စက်သုံးဆီဆိုင်များတွင် အချိုးကျစနစ်ဖြင့် ရောင်းချခြင်းရှိ/မရှိ၊  မည်သည့်ဆီအမျိုးအစားကိုမဆို အပြည့်အဝ ဖြန့်ဖြူးရောင်းချပေးနိုင်ခြင်းရှိ/မရှိတို့အား သွားရောက်ကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)

    ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ ဆေးဆိုင်များတွင် ရောင်းချလျက်ရှိသော တိုင်းရင်းဆေးအမျိုးမျိုးတို့တွင် ကုန်အညွှန်းအမှတ်အသားဖော်ပြခြင်းဆိုင်ရာ ပြည့်စုံစွာ ဖော်ပြပါရှိခြင်းရှိ/မရှိကို ဩဂုတ်လ ၁၂ ရက်နေ့၊နံနက်(၁၀:၀၀) နာရီခွဲအချိန်တွင် ပူးပေါင်းအဖွဲ့ဖြင့် ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရသည်။

    ထိုသို့ ဈေးကွက်အတွင်း ကွင်းဆင်းစစ်ဆေးခဲ့ရာတွင်မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ၊ မြို့နယ်ကျန်းမာရေးဦးစီးဌာနမှ တာဝန်ရှိသူများ၊ စားသုံးသူရေးရာဦးစီးဌာနမှ မြို့နယ်တာဝန်ခံတို့ ပူးပေါင်းအဖွဲ့သည် ရန်ကုန်တောင်ပိုင်းခရိုင်၊ စားသုံးသူရေးရာဦးစီးမှူးရုံး၏ ညွှန်ကြားချက်အရ စားသုံးသူပြည်သူများ ဘေးအန္တရာယ်ကင်းရှင်းစေရေးနှင့် ထုတ်ကုန်များ လုံခြုံစိတ်ချရမှု ရှိစေရေးတို့အတွက် ကော့မှူးမြို့နယ် စည်ပင်သာယာမြို့မဈေးအတွင်း/အပြင်ရှိ ဆေးဆိုင်များတွင် ဖြန့်ဖြူးရောင်းချလျက်ရှိသော တိုင်းရင်းဆေးဝါးများတွင် မြန်မာနိုင်ငံ တိုင်းရင်းဆေးဝါးဦးစီးဌာနမှ ခွင့်ပြုချက်မှတ်ပုံတင်အမှတ်နှင့် စားသုံးသူရေးရာဦးစီးဌာနမှ သတ်မှတ်ထားသော ကုန်အညွှန်းအမှတ်အသားဖော်ပြခြင်းဆိုင်ရာ ကုန်စည်(င)ဆေးဝါးနှင့် ဖြည့်စွက်အစာများဖြစ်သော တိုင်းရင်းဆေးအမျိုးမျိုးတို့တွင် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဘေးထွက်ဆိုးကျိုး၊ ကြိုတင်သတိပေးချက်တို့အား ပြည့်စုံစွာ ဖော်ပြထားခြင်းရှိ/မရှိ ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)

     ရန်ကုန်တိုင်းဒေသကြီး၊ တွံတေးခရိုင် ကော့မှူးမြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူးရုံးခန်းမ၌ ဩဂုတ်လ ၂၀ ရက်နေ့၊နံနက် (၁၀:၀၀)နာရီခွဲအချိန်တွင် စားအုန်းဆီဖြန့်ဖြူးခြင်းလုပ်ငန်းများနှင့် ပတ်သက်၍ လုပ်ငန်းညှိနှိုင်းအစည်းအဝေး ကျင်းပခဲ့ကြောင်း သိရသည်။

     အဆိုပါ လုပ်ငန်းညှိနှိုင်းအစည်းအဝေးတွင် ကော့မှူးမြို့နယ်စီမံအုပ်ချုပ်ရေးအဖွဲ့၊ ဥက္ကဌက ကော့မှူးမြို့နယ်အတွင်းရှိ လူဦးရေ စုစုပေါင်း ၁၃၅၀၉၂ ဦးအား စားအုန်းဆီ လူတစ်ဦး တစ်ရက်စာနှုန်းအား ၂.၂၅ ကျပ်သားဖြင့် တွက်ချက်၍ တစ်မြို့နယ်လုံးအတိုင်းအတာအနေဖြင့် စားအုန်းဆီခွဲတမ်းများကို ယခုအချိန်တွင် ပြည့်မီအောင်ရရှိထားပြီး ဖြစ်သလို ကော့မှူးမြို့နယ် တွင် လက်လီ/လက်ကား ထုတ်ယူဖြန့်ဖြူးရောင်းချခွင့်ရရှိထားသည့် အီကိုဟာမိုနီနှင့် ဇမ္ဗူကံထွန်းကုမ္ပဏီများမှ စားအုန်းဆီကိုယ်စားလှယ် ဦးသိန်းထွဋ်၊ ဒေါ်ခင်ပြုံးဝေ၊ ဦးဇော်လတ်စိုး (ကိုယ်စား) ဒေါ်ဥမ္မာမျိုး တို့အနေဖြင့် ကော့မှူးမြို့နယ်အတွင်း စားအုန်းဆီ သယ်ယူ/ဖြန့်ဖြူး ရောင်းချပေးနေသည့် ဆီကိုယ်စားလှယ်စာရင်းနှင့် တစ်ပတ်စာရရှိသည့် ဆီပေပါစာရင်း ဖြန့်ဖြူး ရောင်းချပေးနေသည့် လူဦးရေတို့အား စနစ်တကျ မှတ်တမ်းထားရှိရန်နှင့် စားအုန်းဆီ ကိုယ်စားလှယ်များအနေဖြင့် ရရှိသည့် တစ်ပတ်စာ စားအုန်းဆီခွဲတမ်းများအား လက်ကျန်မထားဘဲ စားသုံးသူပြည်သူများသို့ ဖြန့်ဖြူးရောင်းချပေးကြရန်တို့အား ဆွေးနွေးပြောကြားခဲ့ပြီး ရန်ကုန်တိုင်းဒေသကြီး တွံတေးခရိုင်စီမံအုပ်ချုပ်ရေးအဖွဲ့၊ အဖွဲ့ဝင်(၁)က ကော့မှူးမြို့နယ်တွင် စားအုန်းဆီ ခွဲတမ်းများအား စားသုံးသူပြည်သူများအတွက် အပြည့်အဝခွဲတမ်းများ လုံလောက် အောင်ရရှိထားသော်လည်း စားအုန်းဆီဝယ်ယူရရှိမှု အခက်အခဲများရှိနေကြောင်း ကျေးရွာအချို့မှ အုပ်ချုပ်ရေးမှူးများ၏ တင်ပြလာမှုများ ရှိလာသဖြင့် စားအုန်းဆီကိုယ်စားလှယ်များအနေဖြင့် ရပ်ကွက်ကျေးရွာများရှိ လူဦးရေ စုစုပေါင်းအား လူတစ်ဦး ၂.၂၅ ကျပ်သားဖြင့် ဆီခွဲတမ်းအား တွက်ချက်၍ ရပ်ကွက်၊ ကျေးရွာအုပ်စုများရှိ နေ့စဉ် စားသုံးဆီဖြန့်ဖြူး ရောင်းချပေးသည့် ဆီကိုယ်စားလှယ်(သို့မဟုတ်) ကုန်ခြောက်ဆိုင်တို့ကို စားအုန်းဆီ သက်မှတ်ခွဲတမ်းများအား ဖြန့်ဖြူးရောင်းချပေးကြရန် ပြောကြားခဲ့ကြောင်း သိရသည်။

DOCA(ရန်ကုန်)

     ၂၃.၈.၂၀၂၄ ရက်နေ့တွင် ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ် တာဝန်ခံရုံးမှ ဝန်ထမ်းများသည် ဘီးလင်းမြို့နယ် နှင်းပုလဲကျေးရွာရှိ အ.မ.ကနှင်းပုလဲ (မြောက်) အခြေခံပညာမူလတန်းကျောင်းတွင် စားသုံးသူကာကွယ်ရေး အသိပညာပေး ဟောပြောဆွေးနွေးပွဲ ကျင်းပခဲ့ပြုလုပ်ခဲ့သည်။

   အဆိုပါ ဟောပြောဆွေးနွးပွဲတွင် ကျောင်းအုပ်ဆရာမကြီး ဒေါ်လှိုင်လှိုင်အေးမှ အဖွင့်အမှာစကားပြောကြား၍ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ် တာဝန်ခံရုံးမှ မြို့နယ်တာဝန်ခံ ဒေါ်ဇင်ဖြူဝင်း(ဦးစီးမှူး)က စားသုံးသူရေးရာဦးစီးဌာန၏ ရည်မှန်းချက်၊ မျှော်မှန်းချက်များ၊ စားသုံးသူအကာအကွယ်ပေးရေး ဥပဒေပါ ပြဌာန်းချက်များ ဖြစ်သည့် ကုန်ညွှန်းအမှတ်အသား ပြည့်စုံမှသာလျှင် စိတ်ချယုံကြည်စွာ ကုန်စည်နှင့် ဝန်ဆောင်မှုများအား ရွေးချယ်ဝယ်ယူသုံးစွဲတတ်စေရန် သတိပြုရမည့် အချက်များကို ဟောပြောဆွေးနွေးပြီးနောက် သထုံခရိုင်စားသုံးသူရေးရာဦးစီးဌာန၊ သထုံခရိုင်ဦးစီးမှူးရုံး၊ ဒုတိယဦးစီးမှူး ဦးစည်သူက စားသုံးသူတိုင်းရယူခွင့်ရှိသော စားသုံးသူအခွင့်အရေး(၈)ချက်၊ လိုက်နာရမည့်တာဝန် (၄) ရပ်တို့ကိုဟောပြောဆွေးနွေး၍ စားသုံးသူများ နစ်နာဆုံးရှုံးမှုများ ဖြစ်ပေါ်လာပါက ဖြေရှင်းဆောင်ရွက်နိုင်မှု နည်းလမ်းများကိုလည်း ဟောပြောဆွေးနွေး ခဲ့သည်။ အဆိုပါ အသိပညာပေးဟောပြောပွဲသို့ ကျောင်းအုပ်ဆရာမကြီး ဒေါ်လှိုင်လှိုင်အေးနှင့် ဆရာ/ဆရာမ (၆) ဦး၊ ကျောင်းသား/ ကျောင်းသူ (၇၈) ဦးတို့တက်ရောက်၍ ဌာနမှ လက်ကမ်းစာစောင်များ ဖြန့်ဝေ​ပေးအပ်ခဲ့ကြောင်း သိရှိရပါသည်။

DOCA(မွန်)