သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊     မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး (ရုံးအုပ်) သည် (၁၂.၉.၂၀၂၅) ရက်နေ့ (၁၁:၀၀) နာရီအချိန်တွင် နန်းမားမြို့၊ အ.မ.က ညောင်ကုန်းအခြေခံပညာမူလတန်း ကျောင်းသား/ သူများ အသိပညာပေး ဟောပြောပွဲပြုလုပ် ဆောင်ရွက်ခဲ့ပါသည်။

    စားသုံးသူကာကွယ်ရေး အသိပညာပေးဟောပြောရာတွင် စားသုံးသူ၏ အဓိပ္ပါယ်ဖွင့်ဆိုချက်၊ စားသုံးသူ၏ အခွင့်အရေးများဖြစ်သော စားသုံးသူများအတွက် ကုန်စည် သို့မဟုတ် ဝန်ဆောင်မှုနှင့် စပ်လျဉ်း၍ အခြေခံလိုအပ်ချက်များပေါ်တွင် စိတ်ကျေနပ်မှု ရရှိစေခြင်း၊ ကုန်စည် သို့မဟုတ် ဝန်ဆောင်မှုကို ဘေးအန္တရာယ်ကင်းရှင်းစွာ အသုံးပြုခွင့်ရှိခြင်း၊ ကုန်စည် သို့မဟုတ် ဝန်ဆောင်မှုကို ရွေးချယ်ဝယ်ယူအသုံးပြုရာတွင် လိုအပ်သော သတင်း အချက်အလက်များ ပြည့်စုံမှန်ကန်စွာ သိရှိခွင့်နှင့် ပြေစာ သို့မဟုတ် အထောက်အထား ရယူခွင့်ရှိခြင်း၊ ဈေးကွက်အတွင်းရှိ ကုန်စည် သို့မဟုတ် ဝန်ဆောင်မှုနှင့် စပ်လျဉ်း၍ စားသုံးသူ စိတ်ကြိုက် ရွေးချယ်ဝယ်ယူနိုင်ခွင့်ရှိခြင်း စသည့်အချက်များ၊ စားသုံးသူ၏ တာဝန်များ၊ ကုန်စည်/ ဝန်ဆောင်မှုနှင့် စပ်လျဉ်း၍ အာမခံပေးထားမှု အပေါ် စားသုံးသူက တောင်းဆိုနိုင်သည့် အခွင့်အရေး၊  အချိုရည်အမျိုးမျိုးတို့တွင် တားမြစ်ထားသော အန္တရာယ်ရှိသည့် ဓာတုဆိုးဆေးများအကြောင်း၊ အသင့်စားခေါက်ဆွဲခြောက်များ၏ အန္တရာယ်များအကြောင်းနှင့် တက်ရောက်လာသော ကျောင်းသား/သူများအား 1535 Consumer Call Center လိုင်းခွဲ(1) သို့ ခေါ်ဆို တိုင်ကြားနိုင်သည့် နည်းလမ်းအား အသိပညာပေး ဟောပြောခဲ့ပါသည်။

DOCA(ကချင်)

၁၀.၉.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ မုဒုံမြို့နယ်တာဝန်ခံ ဦးညီလွင်အေးသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ မုဒုံမြို့ ပေါ်ရှိ ဆိုင်များတွင် ရောင်းချနေသော အသင့်သောက်အချိုရည်အမျိုးမျိုးတို့တွင် ကုန်အညွှန်း အမှတ်အသားပြည့်စုံစွာပါရှိမှု ရှိ/မရှိ ကွင်းဆင်းစစ်ဆေးခဲ့ကြောင်း သိရသည်။

ထိုသို့ ကွင်းဆင်းစစ်ဆေးရာ မုဒုံမြို့ပေါ်ရှိဆိုင်များတွင် ရောင်းချနေသော အသင့်သောက် အချိုရည်အမျိုးမျိုးတို့တွင် ကုန်အညွှန်းအမှတ်အသား ဖော်ပြထားခြင်း ရှိ/မရှိ ၊ အစားအသောက် နှင့်ဆေးဝါးကွပ်ကဲရေးဦးစီးဌာနတွင် မှတ်ပုံတင်ထားခြင်း ရှိ/မရှိ စစ်ဆေးခဲ့ပြီး ကုန်အညွှန်း အမှတ်အသား ပြည့်စုံစွာပါသော အသင့်သောက်အချိုရည်အမျိုးမျိုးကိုသာ ရောင်းချနေကြောင်း သိရှိရပါသည်။

DOCA (မွန်)

      ၉-၉-၂၀၂၅ ရက်နေ့၊ နေ့လယ်  (၁၄း၀၀)နာရီအချိန်တွင် ရှမ်းပြည်နယ်၊ စားသုံးသူရေးရာဦးစီး ဌာန၊ ပြည်နယ်ဦးစီးမှူးရုံး အစည်းအဝေးခန်းမ၌ နိုင်ငံတော်အစိုးရမှ ပြည်ပကုန်သွယ်ရေးလုပ်ငန်း များအတွက် ပြည်ပပို့ကုန်လိုင်စင်ဖြင့် သယ်ဆောင်ခွင့်ပြုထားသော စပါး၊ ဆန်၊ ဆန်ထွက်ပစ္စည်းများမှ အပ ဒေသတစ်ခုမှ ဒေသတစ်ခုသို့ စပါး၊ ဆန်နှင့် ဆန်ထွက်ပစ္စည်းသယ်ဆောင်ခြင်းနှင့်စပ်လျဉ်းသည့် လုပ်ငန်းဆောင်ရွက်ချက်ဆိုင်ရာ စံလုပ်ထုံးလုပ်နည်း (Standard Operating Procedure – SOP) (မူကြမ်း)အား ဆန်စပါးကုန်သည်အသင်း၊ ဆန်စက်အသင်း၊ ဆန်လုပ်ငန်းရှင်များ၊ မော်တော်ယာဉ် ပိုင်ရှင်များ၊ ကုန်စည်ပို့ဆောင်ရေးဂိတ်များအား ချပြရှင်းလင်းဆွေးနွေးခဲ့ကြောင်း သိရှိရပါသည်။

     အစည်းအဝေးတွင် ရှမ်းပြည်နယ်ဦးစီးမှူးမှ နိုင်ငံတော်အစိုးရမှ ပြည်ပကုန်သွယ်ရေးလုပ်ငန်း များအတွက် ပြည်ပပို့ကုန်လိုင်စင်ဖြင့် သယ်ဆောင်ခွင့်ပြုထားသော စပါး၊ ဆန်၊ ဆန်ထွက်ပစ္စည်းများမှ အပ ဒေသတစ်ခုမှ ဒေသတစ်ခုသို့ စပါး၊ ဆန်နှင့် ဆန်ထွက်ပစ္စည်းသယ်ဆောင်ခြင်းနှင့်စပ်လျဉ်းသည့် လုပ်ငန်းဆောင်ရွက်ချက်ဆိုင်ရာ စံလုပ်ထုံးလုပ်နည်း (Standard Operating Procedure – SOP) (မူကြမ်း) ရေးဆွဲဆောင်ရွက်ရခြင်း၏ ရည်ရွယ်ချက်များမှာ ရှမ်းပြည်နယ်အတွင်း ကုန်စည်စီးဆင်းမှု မှန်ကန်မြန်ဆန်စေရန်၊ စပါး၊ ဆန်နှင့် ဆန်ထွက်ပစ္စည်းဈေးနှုန်းများ တည်ငြိမ်မှန်ကန်စေရန်၊ သတင်းအချက်အလက်များရရှိနိုင်စေရန်၊ တရားမဝင်ကုန်သွယ်မှုများ လျော့နည်းပပျောက်စေရန်၊ မလိုလားအပ်သောဒေသ၊ အဖွဲ့အစည်းများထံသို့ စားနပ်ရိက္ခာများ ရောက်ရှိမှုမရှိစေရန်၊ ဒေသအတွင်းရှိ တောင်သူလယ်သမားများအကျိုးကို ကာကွယ်စောင့်ရှောက်နိုင်စေရန်အတွက် မျှောစံနစ်ဖြင့် အသုံးပြု မည်ဖြစ်ကြောင်း ရှင်းလင်း ဆွေးနွေးခဲ့ကြောင်း သိရှိရပါသည်။

        ဆက်လက်၍ တက်ရောက်လာသော ဆန်စပါးကုန်သည်အသင်း၊ ဆန်စက်အသင်း၊ ဆန်လုပ်ငန်းရှင်များ၊ မော်တော်ယာဉ် ပိုင်ရှင်များ၊ ကုန်စည်ပို့ဆောင်ရေးဂိတ်များမှ စပါး၊ ဆန်နှင့် ဆန်ထွက်ပစ္စည်းသယ်ဆောင်ခြင်းနှင့်စပ်လျဉ်းသည့် လုပ်ငန်းဆောင်ရွက်ချက်ဆိုင်ရာ စံလုပ်ထုံး လုပ်နည်း (Standard Operating Procedure – SOP) (မူကြမ်း)နှင့်ပတ်သက်၍ အပြန်အလှန် မေးမြန်း ဆွေးနွေးခဲ့ကြပြီး အစည်းအဝေးအား ညနေ(၁၄း၅၅)နာရီ အချိန်တွင် ရုပ်သိမ်းခဲ့ကြောင်း သတင်းရရှိ ပါသည်။

DOCA(ရှမ်း)

  ၁၀.၉.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒုတိယဦးစီးမှူး ဒေါ်ထက်ထက်နွေဦးသည် “မင်းကျော်သူ” အမှတ်တံဆိပ် ခေါက်မုန့်ထုတ်လုပ်သည့် လုပ်ငန်းရှင်နှင့်တွေ့ဆုံ၍ ကုန်အညွှန်းအမှတ်အသား ဆိုင်ရာများနှင့် ပတ်သက်၍ ဆွေးနွေးခဲ့ပါသည်။

          ချောင်းဆုံမြို့နယ်တာဝန်ခံက လုပ်ငန်းရှင်အား ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ ထုတ်ကုန်ပစ္စည်းများပေါ်တွင် စားသုံးသူကာကွယ်ရေးဥပဒေ ၂၀၁၉ အခန်း (၁၈) တွင် ဖော်ပြထားသော ပြဋ္ဌာန်းချက်အတိုင်း ကုန်အညွှန်းအမှတ်အသားကို ပြည့်စုံစွာဖော်ပြရန်၊ ကုန်စည်အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှု အညွှန်းတို့ကို မြန်မာဘာသာဖြင့်ဖြစ်စေ၊ မြန်မာဘာသာ (သို့မဟုတ်) အခြားဘာသာတစ်ခုဖြင့် ဖြစ်စေ ဖော်ပြရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသားဖော်ပြချက်နှင့် ပတ်သက်၍ အသိပညာပေး ဆွေးနွေးခဲ့ကြောင်း သိရှိရပါသည်။

DOCA (မွန်)

         ၂၀၂၅ ခုနှစ်၊ စက်တင်ဘာလ (၁၁)ရက်နေ့၊ နံနက် (၁၁:၀၀)နာရီအချိန်တွင် စားသုံးသူရေးရာ ဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူး ဦးအောင်လင်းဦး (ဦးစီးမှူး) ဦးစီး၍ စက်မှုကြီးကြပ်ရေးနှင့်စစ်ဆေးရေးဦးစီးဌာနနှင့်ပူးပေါင်းကာ ကျိုင်းတုံမြို့၊ ရပ်ကွက် (၃)၊ စွန်မိုင် ရပ်ကွက်အတွင်းရှိ “ရှမ်းလှေ” အမှတ်တံဆိပ် မုန့်တီခြောက်ထုတ်လုပ်သည့်လုပ်ငန်းအား ထုတ်ကုန် များလုံခြုံစိတ်ချရမှုရှိစေရန် ဈေးကွက်စောင့်ကြည့်စစ်ဆေးခြင်းလုပ်ငန်း ဆောင်ရွက်ခဲ့ပါသည်။

          ထိုသို့စစ်ဆေးရာတွင် “ရှမ်းလှေ” အမှတ်တံဆိပ် (မုန့်တီခြောက်)လုပ်ငန်းသည် စားသုံးသူ ကာကွယ်ရေးဥပဒေ အခန်း (၁၈)ပါ “ကုန်အညွှန်းအမှတ်အသားဖော်ပြခြင်း”နှင့် ပတ်သက်၍ ပြည့်စုံ စွာ ဖော်ပြထားပြီး ထုတ်ကုန်များကိုလည်း သန့်ရှင်းသပ်ရပ်စွာ ထုတ်လုပ်ဖြန့်ချိသည်ကို စစ်ဆေးတွေ့ ရှိရပါသည်။

      ထို့နောက် စစ်ဆေးရေးမှူးနှင့် တာဝန်ရှိသူများသည် “ရှမ်းလှေ” အမှတ်တံဆိပ် မုန့်တီခြောက် ထုတ်လုပ်သည့် လုပ်ငန်းရှင်အား စားသုံးသူဘေးအန္တရာယ်ကင်းရှင်းစေရေး အလေးထားဆောင်ရွက်ရန်၊ ကုန်ကြမ်းများစနစ်တကျ သိုလှောင်ရန်နှင့် စားသုံးသူကာကွယ်ရေးဥပဒေ အခန်း (၁၀)ပါ “စီးပွားရေးလုပ်ငန်းရှင်၏တာဝန်များ”ကို လိုက်နာဆောင်ရွက်ရန် အသိပညာပေးခြင်းလုပ်ငန်း ဆောင်ရွက်ခဲ့ကြပါသည်။

DOCA(ရှမ်း)