သတင်းနှင့် လှုပ်ရှားမှုများ

ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်အတွင်းရှိ ဓါတ်မြေဩဇာ အရောင်းဆိုင်များ၌ ကွင်းဆင်း စစ်ဆေးခြင်းကို (၂၄.၆.၂၀၂၅)ရက်နေ့ နေ့လည်(၁:၀၀) နာရီ အချိန်က အထွေထွေအုပ်ချုပ်ရေးဉီးစီးဌာန၊၊ စိုက်ပျိုးရေး ဉီးစီးဌာန၊ ကျေးလက် ဖွံ့ဖြိုးရေးဌာနနှင့် စားသုံးသူရေးရာဉီးစီးဌာနတို့ ပူးပေါင်းပါဝင်သော အဖွဲ့များသည် ဓါတ်မြေဩဇာဆိုင် (၆)ဆိုင် သို့ ကွင်းဆင်းဆောင်ရွက်ခဲ့သည်။ ကွင်းဆင်းစစ်ဆေးရာတွင် ညောင်တုန်းမြို့နယ်၊ စားသုံးသူရေးရာဦးစီးဌာန၊ မြို့နယ်ဦးစီးမှူး ဦးအောင်လွင်က ဓါတ်မြေဩဇာ အရောင်းဆိုင်များအား ပူးပေါင်းအဖွဲ့ဖြင့် စစ်ဆေးရာ ဓါတ်မြေဩဇာဆိုင်များတွင် ပစ္စည်းများပြတ် လပ်မှုမရှိကြောင်း၊ ဆိုင်ပိုင်ရှင်များအား သက်ဆိုင်ရာဌာနက တားမြစ်ပိတ်ပင်ထားသော ဓါတ်မြေဩဇာနှင့် ပိုးသတ်ဆေးများ ရောင်းချ ခြင်း မပြုရန်၊ တရားဝင်မှတ်ပုံတင်ထားသော ဓါတ်မြေဩဇာနှင့်ပိုးသတ်ဆေးများ တင်သွင်း ရောင်းချရန်၊ စိုက်ပျိုးသူတောင်သူများ ဘေးကင်းလုံခြုံမှုရှိစေရန် သုံးစွဲပုံအညွှန်းကို မြန်မာစာဖြင့် တိတိကျကျ ဖော်ပြထားသော ဓါတ်မြေဩဇာနှင့် ပိုးသတ်ဆေးများကိုသာရောင်းချကြရန်၊ သတ်မှတ်ချက်နှင့်မကိုက်ညီသော ဓါတ်မြေဩဇာနှင့် ပိုးသတ်ဆေးများ ဈေးကွက် အတွင်းတွေ့ရှိပါက စိုက်ပျိုးရေးဦးစီးဌာန၏ ဥပဒေအရ သော်လည်းကောင်း စားသုံးသူကာကွယ်ရေး ဥပဒေအရသော်လည်းကောင်း အရေးယူခံရနိုင်ကြောင်း အသိပညာပေးဆောင်ရွက်ခဲ့ကြောင်း သိရှိရ ပါသည်။ DOCA(ဧရာဝတီ)

မအူပင်ခရိုင် လယ်ယာမြေများတွင် ကျဲခင်းစနစ်ပပျောက်ရေးအတွက် မျိုးစေ့ချ ကိရိယာ (Drum Seeder)ဖြင့် စပါးမျိုးစေ့ချခြင်း ကွင်းသရုပ်ပြပွဲကို ၂၅-၆-၂၀၂၅ ရက်နေ့ နံနက်ပိုင်းက ညောင်တုန်းမြို့နယ်အတွင်းရှိ မိုးစပါး စိုက်ကွက်များမှာ ကျင်းပပြုလုပ်ကြောင်း သိရသည်။ စပါးမျိုးစေ့ချခြင်း သရုပ်ပြပွဲကို ဆားမလောက်အုပ်စု စိုက်ပျိုးရေးနည်းပညာ ပြန့်ပွားရေးစင်တာရှိ တောင်သူဦးကျော်ဇော်လင်းလယ်မြေ ကွင်းအမှတ်/382ဦးပိုင်193 (၃)ဧကတွင် ခရိုင်စိုက်ပျိုးရေးကြီးကြပ်မှု ကော်မတီ ဥက္ကဌ ဦးမြင်နိုင်နှင့် အဖွဲ့ဝင်များ၊ မြို့နယ်စိုက်ပျိုးထုတ်လုပ်မှုတိုးတက်ရေး ကြီးကြပ်မှု ကော်မတီဥက္ကဌ ဦးမျိုးကျော်နှင့် အဖွဲ့ဝင်များ၊ မြို့နယ်စိုက်တိုးမြင့်ဦးစီးဌာနမြို့နယ်ဦးစီးမှူးနှင့် ဝန်ထမ်းများ၊ မြို့နယ်စားသုံးသူရေး ရာဦးစီးဌာနမှ ဝန်ထမ်းများ၊ မြို့နယ်အဆင့် ဌာနဆိုင်ရာများ၊ ဒေသခံတောင်သူများ၊ တက်ရောက်ကျပြီး မိုးစပါးကျဲခင်းစနစ် ပပျောက်ရေး အတွက် မျိုးစေ့ချကိရိယာ (Drum Seeder)ဖြင့် မိုးစပါး မျိုးစေ့ချစိုက်ပျိုးခြင်းအခမ်းအနားကို တက်ရောက် ကြည်ရှု့ခဲ့ကြောင်း သတင်းရရှိပါသည်။ DOCA(ဧရာဝတီ)

စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်းလိုအပ် ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိကြောင်း သိရပါသည်။ ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။ ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ် မှုများအရ ၂၀၂၅ ခုနှစ်၊ ဇူလိုင် ၇ ရက်နေ့မှ ၁၃ ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ်၆,၀၃၀ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက အသိပေး ထုတ်ပြန်ကြေညာထားကြောင်း သိရှိရပါသည်။ ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက် ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကြောင်း သိရှိရသည်။ စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ်တနင်္လာနေ့တိုင်းထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊ Facebook Page နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်းသိရှိရပါသည်။

စားသုံးသူရေးရာဦးစီးဌာန ၊ မြန်အောင်မြို့နယ်တာဝန်ခံသည် (၂၃-၆-၂၀၂၅ )ရက်နေ့ ၊ နံနက် (၁၁:၀၀)အချိန်တွင် သက်ဆိုင်ရာဌာနဆိုင်ရာများနှင့်ပူးပေါင်း၍ မြန်အောင်မြို့ပေါ်ရှိ ဆေးနှင့်ဆေးပစ္စည်း အရောင်းဆိုင်များတွင် ဈေးနှုန်းမြှင့်တင်ရောင်းချမှုရှိ/မရှိအား ကွင်းဆင်းစစ်ဆေးခဲ့ပါသည်။ မြန်အောင်မြို့ နေခြည်ဈေးရှိ ဆေးနှင့်ဆေးပစ္စည်းအရောင်းဆိုင်(၂)ဆိုင်အား စစ်ဆေးခဲ့ရာ စစ်ဆေးတွေ့ရှိချက်များအရ အိမ်သုံးဆေးဝါးများ၊ ဆီးချို၊ သွေးချိုကျဆေးများ၊ သွေးကျဆေး၊ သွေးတိုးဆေးများ ပြတ်လပ်ခြင်းမရှိဘဲ၊ပုံမှန်အရောင်းအဝယ်ဖြစ်လျက်ရှိခြင်း၊ အချို့အာနိသင်တူ ကုမ္ပဏီကွဲဆေးဈေးများ၊ သွေးကျဆေး၊ အကိုက်အခဲပျောက်ဆေးများ၊ အားဆေးအမျိုးမျိုးမှာ ဈေးနှုန်းတည်ငြိမ်လျက်ရှိပြီး အပြောင်းအလဲမရှိခြင်း၊ သုံးစွဲသူများမှာလည်း မိမိတို့ဝယ်ယူသုံးစွဲ နေကြသောဆေးဆိုင်များမှ ဝယ်ယူသုံးစွဲနေကျ ကုမ္ပဏီဆေးဝါးများကို ဦးစားပေးရောင်းချပေးခြင်း၊ အာနိသင်တူဆေးဝါးများကိုလည်း သင့်တင့်သောဈေးနှုန်းဖြင့် လိုအပ်သလို ဝယ်ယူရရှိလျက်ရှိခြင်း၊ ဆေးနှင့်ဆေးပစ္စည်းများကို ဈေးကစားရန်ရည်ရွယ်ချက်ဖြင့် သိုလှောင်ရောင်းချခြင်းမရှိဘဲ ကုမ္ပဏီ များမှ ဝယ်ရင်းဈေးများအပေါ် သင့်တင့်သော အမြတ်ဖြင့်သာရောင်းချပေးနေခြင်း၊ အိမ်သုံးဆေးဝါး များဝယ်ယူရာတွင် ကာလတန်ကြေးဈေးနှုန်းအရ ဝယ်ယူရရှိပြီး အဓိကပစ္စည်းပြတ်လပ်မှုမရှိ ကြောင်းနှင့် ဈေးနှုန်းများမှာလည်း တည်ငြိမ်လျက်ရှိကြောင်း ဈေးကွက်စောင့်ကြည့်စစ်ဆေးခြင်း ဖြင့် သိရှိရပါသည်။ DOCA(ဧရာဝတီ)

စားသုံးသူရေးရာဦးစီးဌာန ၊ ဟင်္သာတမြို့နယ်တာဝန်ခံသည် မိတ်ဘက်ဌာနဆိုင်ရာများနှင့် ပူးပေါင်း၍ (၂၃-၆-၂၀၂၅)ရက်နေ့ နံနက်(၁၀:၀၀)အချိန်တွင် ဟင်္သာတမြို့နယ်အတွင်းရှိ ဘိလပ်မြေ အရောင်းဆိုင်များတွင် ဈေးနှုန်းမြှင့်တင်ရောင်းချမှုရှိ/မရှိနှင့် ပစ္စည်းပြတ်လပ်မှုရှိ/မရှိ တို့အား ကွင်း ဆင်းစစ်ဆေးခြင်းကို ဆောင်ရွက်ခဲ့ပါသည်။ ဟင်္သာတမြို့ပေါ်ရှိ ဘိလပ်မြေအရောင်းဆိုင်(၃)ဆိုင်အား သွားရောက်စစ်ဆေးခဲ့ရာ စစ်ဆေးတွေ့ရှိ ချက်များအရ အိမ်ဆောက်ရာတွင်အသုံးပြုသော ဘိလပ်မြေ၊သွပ်၊ သံ၊ ကျောက်၊ အုတ်၊ သဲပစ္စည်းများ အား ဝယ်ယူရရှိသည့် ဈေးပေါ်မူတည်၍ သယ်ယူစရိတ်၊ လုပ်သားခအပါအဝင် သင့်တင့်မျှတသော ဈေးဖြင့်သာ ရောင်းချလျက်ရှိပါသည်။ ဟင်္သာတမြို့နယ်တွင် ဘိလပ်မြေအဝင်ရှိသော်လည်း ခွဲတမ်း အရ အနည်းငယ်သာကျန်ရှိပြီး ပြည်သူများအား အချိုးကျရောင်းချပေးနေကြောင်းနှင့် ပစ္စည်း များလို သလောက် ရောင်းချမပေးနိုင်သော်လည်း မိမိတို့၏အစီအစဉ် အဆက်အသွယ်များမှတစ်ဆင့် မှာယူ ပြီး လုပ်ငန်းများတွင် သုံးစွဲနေကြောင်း၊ ဈေးနှုန်းအနေဖြင့် ကြံနှစ်ကောင် တစ်အိတ်လျှင် (၃၀၀၀ဝိ/-) ကျပ်၊ ထိုင်းဆင် တစ်အိတ်လျှင်(၃၀၀၀ဝိ/-)ကျပ်၊ Alphaတစ်အိတ်လျှင်(၃၁၀၀ဝိ/-)ကျပ်၊ Crown တစ်အိတ်လျှင်(၂၉၀၀ဝိ/-)ကျပ်၊ အုတ်တစ်လုံးလျှင်(၃၀ဝိ/-)ကျပ်၊ ၄မူးသံတစ်တန်လျှင်(၂၅၀၀၀၀ဝိ/) ကျပ် ၊ မြစ်ကျောက် တစ်ကျင်းလျှင် (၁၅၀၀၀ဝိ/-)ကျပ်ဈေးတို့ဖြင့် အရောင်းအဝယ်ဖြစ်လျက်ရှိပြီး ယခင်ကာလတူဈေးနှုန်းနှင့်နှိုင်းယှဉ်ပါက ဈေးနှုန်းတည်ငြိမ်လျက်ရှိကြောင်း သိရှိရပါသည်။ DOCA (ဧရာဝတီ)