သတင်းနှင့် လှုပ်ရှားမှုများ

ပုသိမ်ခရိုင်၊ သာပေါင်းမြို့နယ်၊ စားသုံးသူရေးရာဦးစီးဌာနမှ မြို့နယ်ဦးစီးမှူးသည် (၃.၇.၂၀၂၅) ရက်နေ့၌ ပိန္နဲကုန်းကျေးရွာရှိ ကံကော်ရေသန့်စက်ရုံ၌ မြို့နယ်စီမံအုပ်ချုပ်ရေးအဖွဲ့၊ မီးသတ်ဦးစီး ဌာနတို့ နှင့် ပူးပေါင်း၍ ရေသန့်ထုတ်လုပ်သော ကံကော်ရေသန့်စက်ရုံသို့ ဈေးကွက်စောင့်ကြည့် စစ်ဆေးခဲ့ ပါသည်။ ထိုသို့ ဈေးကွက်စောင့်ကြည့်စစ်ဆေးရာတွင် ရေသန့်ထုတ်လုပ်မှုအခြေအနေ၊ ထုတ်ပိုးမှု၊ ထားသိုသိမ်းဆည်းမှုနှင့် ထုတ်ပိုးရာတွင် ကုန်အညွှန်းအမှတ်အသားပြည့်စုံမှုရှိ/ မရှိနှင့် မြန်မာဘာသာဖြင့် ဖော်ပြချက်ပါ/မပါ ဈေးကွက်ထဲမရောက်မီ ဆောင်ရွက်ရမည့် အခြေအနေတို့ကို ဈေးကွက် စောင့်ကြည့်စစ်ဆေးခဲ့ကြောင်း သိရှိရပါသည်။ DOCA(ဧရာဝတီ)

၇.၇.၂၀၂၅ ရက်နေ့ နံနက်ပိုင်းတွင် မွန်ပြည်နယ်၊ ကျိုက်ထိုမြို့နယ်ဆန်စက် လုပ်ငန်းရှင်များ အသင်း၏ အမှုဆောင်သစ်ရွေးချယ်ပွဲ အခမ်းအနားကို ကျိုက်ထိုမြို့ရှိ ကျိုက်ထိုမြို့နယ်ဆန်စက်လုပ်ငန်းရှင်များအသင်း ဒုတိယဥက္ကဌ၏ နေအိမ်၌ ကျင်းပပြုလုပ်ခဲ့ ကြောင်း သိရှိရသည်။ အခမ်းအနားတွင် အသင်းတာဝန်ရှိသူတို့က ၂၀၂၃-၂၀၂၅ ထိ ယခင်သက်တမ်းကာလ ဆောင်ရွက်ချက်များနှင့် ဆက်လက်ဆောင်ရွက်ရမည့် လုပ်ငန်းတို့ကို ကဏ္ဍအလိုက် ဆွေးနွေးကြသည်။ ယင်းနောက် မြို့နယ်ဆန်စက်လုပ်ငန်းရှင်များအသင်းအား ၂၀၂၅ ခုနှစ်မှ ၂၀၂၈ ခုနှစ်အထိ ဆက်လက်တာဝန်ယူဆောင်ရွက်ကြမည့် အမှုဆောင်အသစ်များကို တက်ရောက်လာသည့် အသင်းဝင်များမှ စိစစ်ရွေးချယ်ခဲ့ကြပြီး အသင်းသား အားလုံးတို့၏ အတည်ပြုချက်ရယူကာ ဖွဲ့စည်းခဲ့ကြပြီး အဆိုပါအသင်း အမှုဆောင်သစ်အဖွဲ့ကို ကျိုက်ထိုမြို့နယ် ဆန်စက် လုပ်ငန်းရှင်များ အနက်မှ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူး၊ တွဲဘက်အတွင်းရေးမှူး၊ ဘဏ္ဍာရေးမှူးနှင့် စာရင်စစ် တစ်ဦးစီတို့နှင့် အဖွဲ့ဝင် (၆) ဦး စုစုပေါင်း (၉) ဦးတို့ဖြင့် ရွေးချယ်ဖွဲ့စည်းခဲ့ကြောင်း သိရှိရပါသည်။ DOCA (မွန်)

ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ နှင့် ဝန်ထမ်းတို့သည် ကျိုက်လတ်မြို့နယ် ၊ အမှတ်(၃) ရပ်ကွက်ရှိ စားသုံးသူရေးရာဦးစီးဌာနရုံးတွင် နေ့လယ် (၁၄:၀၀) နာရီအချိန်တွင် စားအုန်းဆီလုပ်ငန်းရှင်များအား စားသုံးသူကာကွယ်ရေး အသိပညာပေး ဟောပြောခြင်းကို‌ ဆောင်ရွက်ခဲ့ပါသည်။ အဆိုပါ ဟောပြောပွဲတွင် မြို့နယ်တာဝန်ခံက စီးပွားရေး လုပ်ငန်းရှင်များ လိုက်နာဆောင်ရွက်ရန် အချက်များကို ဆွေးနွေးခဲ့ပြီး ၊ စားသုံးသူရေးရာဦးစီးဌာန၏ ညွှန်ကြားချက်များတွင် စားအုန်းဆီရောင်းချနေသော လုပ်ငန်းရှင်များအနေဖြင့် ကုန်စုံဆိုင်များတွင် သတ်မှတ်ထားသော ရည်ညွှန်းဈေးများနှင့် ရက်စွဲများချိတ်ဆွဲရောင်းချပေးရန်၊ စားသုံးသူများ ထင်ယောင်ထင်မှား မဖြစ်စေရေးနှင့် အခြေခံလိုအပ်ချက်များအပေါ် စိတ်ကျေနပ်မှုရှိစေရေးအတွက် စီးပွားရေး လုပ်ငန်းရှင်များအနေဖြင့် ပြည်သူများ ကျန်းမာရေးနှင့် ညီညွတ်ပြီး ဘေးအန္တရာယ်ကင်းသော စားသုံးဆီများ သုံးစွဲနိုင်ရေး၊ ဈေးကွက်အတွင်း ရောင်းချသည့် ကုန်စည်များတွင် ကုန်အညွှန်း အမှတ်အသား ပြည့်စုံစွာပါဝင်သော ကုန်စည်များကိုသာ ဝယ်ယူရောင်းချရန် လိုအပ်ကြောင်း၊ ဓာတုဗေဒ ပစ္စည်းများ ထည့်သွင်းအသုံးပြုထားသည့် ကုန်ပစ္စည်းများ ဝယ်ယူရောင်းချခြင်း မပြုလုပ်ကြရန်နှင့် ညွှန်ကြားချက်များကိုလည်း လိုက်နာဆောင်ရွက်ကြရန်၊ ဌာနအနေဖြင့်လည်း ကွင်းဆင်းစိစစ်ကြပ်မတ်သွားမည် ဖြစ်ကြောင်း အသိပညာပေး ဟောပြောခဲ့ပြီး စားအုန်းဆီ လုပ်ငန်းရှင် (၃၈) ဦးတက်ရောက်ခဲ့ကြောင်း သတင်းရရှိပါသည်။ DOCA(ဧရာဝတီ)

၄.၇.၂၀၂၅ ရက်နေ့၊နေ့လယ် (၁၄:၀၀) အချိန်တွင် ချောင်းဆုံမြို့နယ်တာဝန်ခံ ဒေါ်ထက်ထက်နွေဦးသည် ချောင်းဆုံမြို့နယ်၊ ကမနင်းကျေးရွာရှိ “Diamond Star” ဆန်စက်လုပ်ငန်းရှင် နှင့်တွေ့ဆုံခဲ့ပါသည်။ ထိုသို့ တွေ့ဆုံရာတွင် ချောင်းဆုံမြို့နယ်တာဝန်ခံက ဆန်စက်လုပ်ငန်းရှင်အား စက်စွမ်းအားအခြေအနေ၊ တစ်နေ့စက်လည်ပတ်မှုအချိန်၊ တစ်နေ့ကြိတ်ခွဲမှုအခြေအနေ၊ စပါးဝယ်ယူမှုအခြေအနေ၊ ကုန်ချောဖြန့်ဖြူးမှုအခြေအနေ၊ ကြုံတွေ့ရသည့်အခက်အခဲ များကို ဆွေးနွေးမေးမြန်းရာ ဆန်စက်လုပ်ငန်းရှင်က ဆန်စက်မှာ ၂၄ နာရီ (၁၅) တန် ကျဆန်စက်ဖြစ်ကြောင်း၊ တစ်နေ့လျှင် စက်လည်ပတ်ချိန် (၁၀) နာရီလည်ပတ်ကြောင်း၊ တစ်နေ့ကြိတ်ခွဲမှု အခြေအနေမှာ စပါးတင်း (၂၀၀) ကြိတ်ခွဲကြောင်း၊ စပါးကို ချောင်းဆုံမြို့နယ်နှင့် ဘီးလင်းမြို့နယ်တို့မှ အဓိကထားဝယ်ယူကြောင်း၊ ဧည့်မထစပါး တင်း (၁၀၀) လျှင် ကျပ်(၁၅)သိန်း၊ ပေါ်ဆန်းမွှေး တင်း (၁၀၀) လျှင် ကျပ် (၂၈) သိန်းဖြင့် ဝယ်ယူရကြောင်း၊ ကုန်ချောဆန်များကို ချောင်းဆုံမြို့နယ်အတွင်းသာ ဖြန့်ဖြူး ရောင်းချ ကြောင်း၊ ဧည့်မထဆန် (၂၄) ပြည်တစ်အိတ်လျှင် ကျပ် (၆၀၀၀၀) ဝန်းကျင်ဖြင့် ရောင်းချကြောင်း၊ လုပ်သား ဦးရေ (၅) ဦးကို အလုပ်အကိုင်ဖန်တီးပေးနိုင်ကြောင်း၊ အခက်အခဲအနေဖြင့် လျှပ်စစ်မီး ပြတ်တောက်ခြင်းကြောင့် မီးစက်ဖြင့် လည်ပတ်ရသဖြင့် ကုန်ကျစရိတ်များပြားကြောင်း သိရှိရပါသည်။ DOCA (မွန်)

စားသုံးသူရေးရာဦးစီးဌာန၊ မအူပင်ခရိုင်၊ဓနုဖြူမြို့နယ်ဦးစီးမှူးရုံးမှ မြို့နယ်ဦးစီးမှူး ဦးဝင်းမင်းစိုး (ဦးစီးအရာရှိ)နှင့် (အငယ်တန်းစာရေး) ဦးခိုင်လွမ်းမိုး တို့သည် မြို့နယ်ကုန်ဈေးနှုန်း တည်ငြိမ်ကျဆင်းရေးအဖွဲ့တိူ့နှင့် ပူးပေါင်းပါဝင်လျက် ၄-၇-၂၀၂၄ ရက်နေ့၊ နံနက် (၁၀:၃၀)နာရီအချိန်မှစ၍ မြို့ပေါ်လက်လီဆန် အရောင်းဆိုင်(၇)ဆိုင် သွားရောက်ကာ ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ကြပါသည်။ ထိုသို့ဆောင်ရွက်ခဲ့ရာတွင် ဓနုဖြူမြို့နယ်၊ အတွင်းရှိ ဆန်ဆိုင်နှင့် ဆန်ဂိုဒေါင်များဖြစ်သော စွမ်းဆန်ဆိုင်၊ အောင်ကမ္ဘာဆန်ဆိုင်၊ ဒေါ်ရွှေဆန်ဆိုင်၊ ဒေါ်ကြည် ဆန်ဆိုင်၊ ကေသုံးလုံးဆန်ဆိုင်၊ ရွှေရည်လင်းဆန်ဆိုင်၊ ဝင်းသိဂ္ဒီ ဆန်ဆိုင် တို့ရှိ ရောင်းချသည့် ဆန်အမျိုးအစားများ ဒေသထွက်ကုန်ဧည့်မထ ဆန်များ၏ ဝယ်ယူသည့်အိတ်၊ ရောင်းချသည့်အိတ်၊ ရောင်းချရန် ကျန်ရှိသော လက်ကျန်အိတ်၊ ပုသိမ်၊ မြောင်းမြဘက်မှဝယ်ယူရောင်းချသော ပုသိမ်ပေါ်ဆန်းမွှေး၊ ပေါ်ဆန်းယဉ်၊ ဖျာပုံ၊မြောင်းမြ ပေါ်ဆန်းဆန်များ သိုလှောင်သည့်နေရာ၊ ၂၀၂၅ခုနှစ် ဇွန်လ သတ်မှတ်ရည်ညွှန်းဈေးအပေါ် ရာခိုင်နှုန်းဖြင့် ရောင်းချခြင်း ရှိမရှိကို စစ်ဆေးခဲ့ကြပြီး၊ ဒေသတွင်း ကုန်ဈေးနှုန်းတည်ငြိမ်းစေရန် လုပ်ငန်းရှင်နှင့်ပူးပေါင်း ဆောင်ရွက်ရ မည်ဖြစ်ကြောင်း အပါတ်စဉ်ပူးပေါင်းစစ်ဆေးရေးအဖွဲ့မှ စစ်ဆေးသွားမည်ဖြစ်ကြောင်းကို ဆန်ဆိုင် လုပ်ငန်းရှင်တို့အား ပြောကြားခဲ့ပြီး ဆန်ဆိုင်များ သိူလှောင်ရုံများ မှတ်ပုံတင်သက်တမ်းပြည့်ပါက သတ်တမ်းတိုးဆောင်ရွက်နိုင်ရေးကိုပါ အသိပညာပေးခဲ့ပြီး ဓနုဖြူမြို့နယ်အတွင်း ရောင်းချနေသော ဆန်ဈေးနှုန်းများ ထူးခြားစွာဈေးနှုန်း ပြောင်းလဲမှုမရှိဘဲ ပုံမှန်အတိုင်း ရောင်းဝယ်လျက်ရှိပါကြောင်း စစ်ဆေး တွေ့ရှိရပါသည်။ DOCA(ဧရာဝတီ)