သတင်းနှင့် လှုပ်ရှားမှုများ

     ၁၃.၉.၂၀၂၃ ရက်နေ့တွင် စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံနှင့် ပြည်နယ်ဦးစီးမှူးရုံးမှဝန်ထမ်းများသည် မိတ်ဖက်ဌာနများနှင့်ပူးပေါင်း၍ မော်လမြိုင်မြို့ အမှတ် (၁)၊ အမှတ် (၂) ဈေး၊ ဝံဈေး၊ K-mark၊ Mini Market တို့တွင် ကလေးအာဟာရဖြည့်စွက်စာများအား ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

    ထိုသို့ ဈေးကွက်စောင့်ကြည့်စစ်ဆေးရာတွင် ကလေးအာဟာရဖြည့်စွက်စာများတွင် ကုန်အညွှန်းအမှတ်အသားဖော်ပြရာ၌ မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသော (၂/၂၀၁၉) ပါ ညွှန်ကြားချက်နှင့် ကိုက်ညီမှု ရှိ/မရှိ၊ သက်ဆိုင်ရာဌာနများ၏ ထောက်ခံချက် ရှိ/မရှိ စစ်ဆေးခဲ့ပြီး ဆိုင်ပိုင်ရှင်များအား ကုန်အညွှန်းအမှတ်အသား ပြည့်စုံမှုမရှိသော ကုန်စည်များ၊ သက်ဆိုင်ရာဌာနများ၏ ထောက်ခံချက်မရှိသော ကုန်စည်များကို ရောင်းချခြင်းမပြုရန် ဆွေးနွေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသော (၂/၂၀၁၉) ပါ ကုန်အညွှန်း အမှတ်အသားဖော်ပြချက်နှင့် စပ်လျဉ်း၍ အသေးစိတ်ပါရှိရမည့်အချက်များ ဖော်ပြထားသော လက်ကမ်းစာစောင်များအား ဖြန့်ဝေပေးခဲ့ကြောင်း သိရှိရပါသည်။

DOCA(မွန်)

    ရခိုင်ပြည်နယ်၊ မင်းပြားမြို့နယ်၌ စားသုံးသူရေးရာဦးစီးဌာနအနေဖြင့် စားသုံးသူပြည်သူများ ဘေးအန္တရာယ်ကင်းရှင်းပြီး လုံခြုံစိတ်ချစွာ အသုံးပြုနိုင်ရေးတို့အတွက် မြို့မဈေးနှင့်ဈေးအနီး စတိုး ဆိုင်များတွင် ကုန်စည်များ၌ ကုန်အညွှန်းအမှတ်အသားများအား မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ညွှန်ကြားချက်အမှတ် (၁/၂၀၂၁) တို့နှင့်အညီ ဖော်ပြထားခြင်း ရှိ/မရှိ ဈေးကွက်စောင့်ကြည့် စစ်ဆေးခြင်းများကို လစဉ်ပုံမှန်ဆောင်ရွက်စိစစ်လျက်ရှိပါသည်။

    ၂၀၂၃-ခုနှစ်၊ စက်တင်ဘာလ (၁၂) ရက်နေ့၊ နေ့လယ် (၁၃:၀၀) နာရီအချိန်တွင် မင်းပြားမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံဦးမောင်သန်းဝင်းနှင့် အငယ်တန်းစာရေး ဦးဟန်ငြိမ်း၊ ကျန်းမာရေးဦးစီးဌာနမှ ဒေါ်ခင်ဆန်း (ကြီးကြပ်-၂)၊ မြို့နယ်စည်ပင်သာယာရေးအဖွဲ့မှ ဦးစိုးစိုးကျော်နှင့် ဈေးဥက္ကဌ ဦးထွန်းသိန်းတို့နှင့်အတူ ကလေးအာဟာရဖြည့်စွက်စာအမျိုးများ     Gold Power အမှတ်တံဆိပ်၊ Dupro-1၊ Dupro-2၊ Dupro-3 အမှတ်တံဆိပ်များနှင့်Pediasure 3+ အမှတ်တံဆိပ်ပါ ကုန်စည်များတွင် ကုန်အညွှန်းအမှတ်အသားများကို  မြန်မာဘာသာဖြင့် မဖြစ်မ‌နေ ဖော်ပြရမည့်အချက်များဖြစ်ကြသည့် အမှတ်တံဆိပ်၊ အမျိုးအမည်၊ အရွယ်အစား၊ အရေအတွက်၊ အသားတင်အလေးချိန်၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ဓာတ်မတည့်ကြောင်း ဖော်ပြချက်၊ ဘေးထွက်ဆိုးကျိုး၊ ကြိုတင်သတိပေးချက်များအား ဖော်ပြထားခြင်းရှိ/မရှိ ဈေးကွက် စောင့်ကြည့်စစ်‌ဆေးခြင်းကို ဆောင်ရွက်ခဲ့ကြောင်း သတင်းရရှိပါသည်။

DOCA(ရခိုင်)

    စားသုံးသူရေးရာဦးစီးဌာန၊ တောင်ငူခရိုင်ဦးစီးမှ စစ်ဆေးရေးမှူး ဦးစောသန်းထိုက်ကျော်နှင့် လက်ထောက်ကြီးကြပ်ရေးမှူး ဦးဇော်မိုးအောင်တို့သည် ၂၀၂၃ခုနှစ်၊ စက်တင်ဘာလ ၆ရက်နေ့၊ နေ့လယ် (၁၅း၀၀) နာရီအချိန်တွင် အုတ်တွင်းမြို့နယ်စည်ပင်သာယာရေးအဖွဲ့၏ ညှိနှိုင်းချက်အရ အုတ်တွင်းမြို့နယ်အတွင်း ကုန်ဈေးနှုန်းတည်ငြိမ်ရေး ဈေးကွက်စောင့်ကြည့်စစ်ဆေးရာတွင် ပူးပေါင်းပါဝင်ဆောင်ရွက်ခဲ့ပါသည်။

   စားသုံးသူရေးရာဦးစီးဌာနအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် အရေးကြီးကုန်စည်နှင့်ဝန်ဆောင်မှုဥပဒေအရ (၃၀-၃-၂၀၂၀) ရက်နေ့တွင် အမိန့်ကြော်ငြာစာအမှတ် (၂၁/၂၀၂၀) ကိုထုတ်ပြန်ပြီး အရေးကြီးကုန်စည်အဖြစ်သတ်မှတ်ရာတွင် စားသောက်ကုန်များလည်းပါဝင်ပြီး ၎င်းကုန်စည်များကို ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းများမပြုရန် တားမြစ်ထားပါသဖြင့် မိမိတို့ခရိုင်/ မြို့နယ်အတွင်းရှိ ကုန်သည်များအနေဖြင့် ဖြစ်သင့်ဖြစ်ထိုက်သည့် ဈေးနှုန်းများဖြင့်သာရောင်းချကြရန်နှင့် ရည်ရွယ်ချက်ရှိရှိဖြင့် ဈေးနှုန်းမြှင့်တင်ရောင်းချခြင်းမပြုရန် ဆိုင်ပိုင်ရှင်များအား အသိပေးပြောကြားခဲ့ပါသည်။

    အုတ်တွင်းမြို့ရှိ အခြေခံစားသောက်ကုန်များ ဈေးနှုန်းတည်ငြိမ်ရေးအတွက် မြို့နယ်စည်ပင်သာယာရေးကော်မတီဥက္ကဋ္ဌ၊ ဦးတင်ယုဦးဆောင်၍ အထူးစုံစမ်းစစ်ဆေးရေးဦးစီးဌာန၊ မြို့နယ်တာဝန်ခံ ဦးအောင်ကို၊ မြို့နယ်စည်ပင်သာယာရေးအဖွဲ့မှ ဒုတိယဦးစီးမှူး ဒေါ်ဆွေဆွေဦး နှင့်တာဝန်ရှိသူများနှင့် စားသုံးသူရေးရာဦးစီးဌာနတို့ ပူးပေါင်းပါဝင်ဆောင်ရွက်ခဲ့ကြောင်းသိရှိရပါသည်။

DOCA(ပဲခူး)

  စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်ဦးဆောင်၍ ခရိုင်ဦးစီးမှူးရုံးမှ စစ်ဆေးရေးမှူးများပါဝင်သောအဖွဲ့သည် ၂၀၂၃ခုနှစ်၊ စက်တင်ဘာလ ၆ရက်နေ့၊ နံနက် (၉း၀၀) နာရီအချိန်တွင် တောင်ငူမြို့၊ ဘုရင့်နောင်ဈေး၌ အခြေခံစားသောက်ကုန်များဖြစ်သော ဆန်နှင့်စားသုံးဆီရောင်းချလျက်ရှိသည့်ဆိုင်များသို့သွားရောက်၍ ကုန်ဈေးနှုန်းများကို မေးမြန်းစုံစမ်းပြီး ဈေးနှုန်းမြှင့်တင်ရောင်းချခြင်းမပြုရန် အသိပညာပေးပြောကြားခဲ့ပါသည်။

   ခရိုင်ဦးစီးမှူးက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် အရေးကြီးကုန်စည်နှင့်ဝန်ဆောင်မှုဥပဒေအရ (၃၀-၃-၂၀၂၀) ရက်နေ့တွင် အမိန့်ကြော်ငြာစာအမှတ် (၂၁/၂၀၂၀) ကိုထုတ်ပြန်ပြီး အရေးကြီးကုန်စည်အဖြစ် သတ်မှတ်ရာတွင် စားသောက်ကုန်များကိုလည်း အရေးကြီးကုန်စည်အဖြစ် သတ်မှတ်ထားပါကြောင်း၊ အရေးကြီးကုန်စည်အဖြစ် သတ်မှတ်ထားသည့်ကုန်စည်များကို ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းများမပြုရန် တားမြစ်ထားပါကြောင်း၊ သို့ဖြစ်ပါ၍ မိမိတို့ခရိုင်/မြို့နယ်အတွင်းရှိ ကုန်သည်များအနေဖြင့် ဖြစ်သင့်ဖြစ်ထိုက်သည့် ဈေးနှုန်းများဖြင့်သာရောင်းချကြရန်နှင့် ရည်ရွယ်ချက်ရှိရှိဖြင့် ဈေးနှုန်းမြှင့်တင်ရောင်းချခြင်းမပြုရန် ဆိုင်ပိုင်ရှင်များအား အသိပေးပြောကြားခဲ့ပါသည်။

     ဘုရင့်နောင်ဈေးအတွင်း ကွင်းဆင်းစစ်ဆေးရာသို့ တောင်ငူမြို့နယ်ရဲတပ်ဖွဲ့မှူး ရဲမှူးမျိုးအောင်နှင့် မြို့နယ်စည်ပင်သာယာရေးအဖွဲ့မှ ဒုတိယဦးစီးမှူး ဒေါ်သန်းသန်းဌေးတို့က ပူးပေါင်းပါဝင်ဆောင်ရွက်ခဲ့ကြောင်းသိရပါသည်။

DOCA(ပဲခူး)

    စားသုံးသူရေးရာဦးစီးဌာန၊ တောင်ငူခရိုင်၊ ရေတာရှည်မြို့နယ်တာဝန်ခံ ဦးဇော်ဇော်ထွေးသည် ၂၀၂၃ခုနှစ်၊ စက်တင်ဘာလ ၁ရက်နေ့တွင် ရေတာရှည်မြို့နယ် စည်ပင်သာယာရေးအဖွဲ့ရုံး၌ စားသုံးဆီ‌ဈေးနှုန်းတည်ငြိမ်ရေးအတွက် ရေတာရှည်မြို့နယ်ရှိ ဆီစက်ပိုင်ရှင်များ၊ ဆီကုန်သည်များနှင့်တွေ့ဆုံညှိနှိုင်းအစည်းအဝေးသို့တက်ရောက်၍ ဆွေးနွေးခဲ့ပါသည်။

    ဆွေးနွေးပွဲတွင် မြို့နယ်တာဝန်ခံဦးဇော်ဇော်ထွေးက အရေးကြီးကုန်စည်နှင့် ဝန်ဆောင်မှုဥပဒေအရ စားသုံးဆီအပါအဝင် စားသောက်ကုန်များကို အရေးကြီးကုန်စည်များအဖြစ် သတ်မှတ်ထားရာ ၎င်းကုန်စည်များကို ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့်သိုလှောင်ခြင်းမပြုရန် တားမြစ်ထားပါသဖြင့် ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းများမပြုရန် ဆွေးနွေးခဲ့ပါသည်။

    မြို့နယ်စည်ပင်သာယာရေးကော်မတီဥက္ကဋ္ဌ ဦးသန့်စင်ငြိမ်းနှင့် မြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးအေးကျော်တို့က သက်ဆိုင်ရာကဏ္ဍများအလိုက် ဆွေးနွေးပြောကြားပြီး တက်ရောက်လာသည့် လုပ်ငန်းရှင်များ၏ တင်ပြဆွေးနွေးချက်များကို တာဝန်ရှိသူများက ပြန်လည်ရှင်းလင်းဆွေးနွေးခဲ့ကြောင်းနှင့် တွေ့ဆုံဆွေးနွေးပွဲသို့ ရေတာရှည် မြို့နယ်မှ ဆီစက်ပိုင်ရှင်နှင့် ဆီကုန်သည် ၁၈ဦးတက်ရောက်ခဲ့ကြကြောင်းသိရပါသည်။

DOCA(ပဲခူး)