HighLight News

           စားသုံးသူရေးရာဦးစီးဌာန စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူမြို့နယ်တာဝန် ခံဦးမျိုးဝင်းသန်းသည် ၂၀၂၅ ခုနှစ်၊ ဇူလိုင်လ ၅ရက်နံနက်(၀၈:၀၀)နာရီအချိန်တွင် ကန့်ဘလူမြို့နယ် ဆီကိုယ်စားလှယ်မှ ကန့်ဘလူမြို့၊ အမှတ်(၃)ရပ်ကွက်ရှိ  စားသုံးသူပြည်သူများကို စားအုန်းဆီလက် လီရောင်းချပေးနေမှုအား ကွင်းဆင်းစစ်ဆေးခဲ့ကြောင်း သိရှိရပါသည်။

      မြို့နယ်တာဝန်ခံမှ စားအုန်းဆီ လက်လီအရောင်းဆိုင်များအား  ကွင်းဆင်းစစ်ဆေးရာတွင် အချိန်အတွယ်မှန်ကန်မှုရှိ/ မရှိ၊ ဈေးနှုန်းမှန်ကန်မှုရှိ/ မရှိနှင့် စားအုန်းအရည်အသွေးတို့အား စစ်ဆေးခဲ့ကြောင်း၊ ကန့်ဘလူမြို့နယ် ဆီကိုယ်စားလှယ်က ခွဲတမ်းရရှိလာသော စားအုန်းဆီများကို ရည်ညွှန်းဈေး၊ သယ်ယူပို့ဆောင်ခ ကုန်ကျစရိတ်နှင့် ၂%အမြတ်တို့ဖြင့် လက်လီအရောင်းဆိုင်များမှတဆင့်  စားသုံးသူပြည်သူများသို့ တစ်ဦးလျှင်(၅၀)ကျပ်သားနှုန်း ရောင်းချပေးလျက်ရှိကြောင်း စားအုန်းဆီလက်လီရောင်းချသည့် လုပ်ငန်းရှင်ထံမှ သတင်းရရှိပါသည်။

DOCA(စစ်ကိုင်း)

            စားသုံးသူရေးရာဦးစီးဌာန၊ စစ်ကိုင်းမြို့နယ်တာဝန်ခံနှင့် စစ်ကိုင်းခရိုင်ဦးစီးမှူးရုံးမှ ဝန်ထမ်း (၁)ဦး တို့သည် ၂၀၂၅ ခုနှစ်၊ ဇူလိုင်လ ၄ ရက်နေ့ နံနက် (၀၈:၀၀) နာရီအချိန်တွင်  စစ်ကိုင်းမြို့နယ်၊ နှစ်(၇၀၀)ကွင်းအတွင်း ကျင်းပပြုလုပ်သော ဆီထွက်သီးနှံ (မြေပဲ၊နှမ်း၊နေကြာ) ပန်းတိုင်အထွက်နှုန်း ရရှိရေးအတွက် သွင်းအားစု ပုလဲဓာတ်မြေဩဇာ(Urea)နှင့် ဒီဇယ်ဆီပေးအပ်ချီးမြှင့်ခြင်း အခမ်းအနားသို့ တက်ရောက်လာသော စစ်ကိုင်းမြို့နယ်၊ ကျောက်ဆည်၊ ကုန်းရွာရှိ ဧရာမင်းစပါး (၆) ဧက စိုက်ပျိုးထားသော တောင်သူ ဦးကျော်ဆန်းနှင့် စစ်ကိုင်းမြို့နယ်၊ ဗြဲတရော်ကျေးရွာရှိ ဆင်းသုခစပါး (၃)ဧကစိုက်ပျိုးထားသော တောင်သူဦးဟန်တင်တိုနှင့်တွေ့ဆုံ၍ စပါးစိုက်ပျိုးထွက်ရှိမှုအခြေအနေများကို မေးမြန်းဆွေးနွေးခဲ့ရာ စစ်ကိုင်းမြို့နယ်၊ ကျောက်ဆည်၊ ကုန်းရွာတွင် စပါးစိုက်ဧက (၆၀၀) နှင့် အထက်ရှိပြီး တစ်ဧကလျှင် (၈၀) တင်းနှုန်းထွက်ကြောင်း၊ ဧရာမင်းစပါးတစ်တင်းလျှင် (၂၆၀၀ဝိ/-)  ဈေးနှုန်းဖြင့်လည်းကောင်း၊ စစ်ကိုင်းမြို့နယ်၊ ဗြဲတရော်ကျေးရွာတွင်  စပါးစိုက်ဧက (၅၀၀) နှင့်အထက် ရှိပြီး တစ်ဧကလျှင် (၈၀ မှ ၁၀၀) တင်းနှုန်းထွက်ရှိကြောင်း၊ ဆင်းသုခစပါးတစ်တင်းလျှင် (၂၀၀၀ဝိ/-) ဈေးနှုန်းဖြင့်လည်းကောင်း အရောင်းအဝယ်ဖြစ်ကြောင်း  သိရှိရပါသည်။

 DOCA(စစ်ကိုင်း)

             ( ၂.၇.၂၀၂၅ ) ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်၊ ကလေးမြို့၊ စုပေါင်းရုံးခန်းမတွင် ( ၃.၇.၂၀၂၅ ) ရက်နေ့တွင် ကျရောက်မည့် မြန်မာအမျိုးသမီးများနေ့အထိမ်း အမှတ်အဖြစ် ခရိုင်/မြို့နယ်အဆင့် ဌာနဆိုင်ရာများ၊ မြို့မိ၊ မြို့ဖများ၊ ဆုရရှိသည့် ကျောင်းသား/သူများ၊ ဆရာ/မများနှင့် ကျောင်းသားမိဘများ၊ ကပြဖျော်ဖြေပေးကြသည့် အကအဖွဲ့များ တက်ရောက်ခဲ့ကြောင်း သိရှိရပါသည်။

          အဆိုပါအခမ်းအနားတွင် ခရိုင်အမျိုးသမီးရေးရာ ဥက္ကဌ ဒေါ်နီလာခိုင်မှ အဖွင့်အမှာစကား ပြောကြားခဲ့ပြီး ဆုရရှိသည့် ကျောင်းသား/သူများ၊ ကပြဖျော်ဖြေပေးကြသည့် အကအဖွဲ့များအား ဆုချီးမြှင့်ပေးခဲ့ပြီး မြို့မိ၊ မြို့ဖအဖွဲ့မှလည်း ဆုများအသီးသီးချီးမြှင့်ခဲ့ကြောင်း သိရှိရပါသည်။

DOCA(စစ်ကိုင်း)

       ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်ကြီးမြို့နယ် အထွေထွေအုပ်ချုပ်ရေးဦးစီးဌာန၊  စားသုံးသူရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့တို့ ပူးပေါင်း၍ (၈-၇-၂၀၂၅)ရက်နေ့ နံနက် (၁၀း၃၀) နာရီအချိန်တွင် ပန်းတနော် အနောက်ပိုင်းရပ်ကွက် မြို့နယ်အတွင်းရှိ အလှကုန်ပစ္စည်းဆိုင်(၆၅နှင့်  မြို့မဈေးရှိ အလှကုန်ပစ္စည်းရောင်းချ သောဆိုင်(၇) အစားအသောက်နှင့် ဆေးဝါးကွပ်ကဲရေးဦးစီးဌာနမှ အများပြည်သူသုံးစွဲရန်မသင့်ကြောင်း ကြေညာထားသည့် အလှကုန်ပစ္စည်းများကို တင်သွင်ခြင်း၊ ဖြန့်ဖြူးရောင်းချခြင်းရှိ/ မရှိ ကွင်းဆင်းစစ်ဆေးခဲ့ကြသည်။

        ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့် စစ်ဆေးရေးအရာရှိများက လက်လီ/လက်ကား ရောင်းချဖြန့်ဖြူးနေသော အလှကုန်ပစ္စည်းဆိုင်များတွင် ကုန်အမှတ်တံဆိပ်များ၊ အလှကုန်ပစ္စည်းများကိုတုပ၍ တရားမဝင်ဖြန့်ဖြူး ရောင်းချနေခြင်းရှိ/မရှိ၊ အစားအသောက်နှင့် ဆေးဝါးကွပ်ကဲရေးဦးစီးဌာန၏ ထောက်ခံချက်ပါရှိခြင်းရှိ/ မရှိနှင့် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ သတင်းအချက်အလက် ပြည့်စုံမှန်ကန်စွာ ဖော်ပြထားမှုရှိ/ မရှိတို့ကို ဈေးကွက်စောင့်ကြည့်စစ်ဆေးခဲ့ပြီး တားမြစ်အလှကုန်များရောင်းချခြင်း၊ သတ်တမ်းလွန်အလှကုန်များရောင်းချခြင်း၊ တရားမဝင်အလှကုန်များရောင်းချခြင်းနှင့် ကုန်ညွှန်းအမှတ်အသားမပြည့်စုံသော အလှကုန်များ မြို့နယ်ဈေးကွက်အတွင်း ရောင်းချခြင်းမရှိစေရန် ပညာပေးခဲ့ပြီး ဈေးကွက်အတွင်း စစ်ဆေးဆောင်ရွက်သည့်အခါ စစ်ဆေးတွေ့ရှိပါက FDAဌာန၏ ဥပဒေ၊ စားသုံးသူရေးရာဦးစီးဌာန၏ ဥပဒေများ၊ တရားမဝင်တင်သွင်၊ ဖြန့်ဖြူးရောင်းချမှု ဥပဒေများအရ အရေးယူဆောင်ရွက်မည်ဖြစ်ကြောင်း ပြောကြားခဲ့ပြီး လုပ်ငန်းရှင်လိုက်နာရမည့် တာဝန်များအကြောင်းကို ရှင်းလင်းအသိပေးခဲ့ပြီး စစ်ဆေးဆောင်ရွက်ခဲ့ကြောင်းသိရှိရပါသည်။

DOCA(ဧရာဝတီ)

             မအူပင်ခရိုင်၊ ပန်းတနော်မြို့အတွင်းရှိ ဆန်ဂိုဒေါင်များနှင့်ဆန်ဆိုင်ကြီးများအား ဆန်စျေးနှုန်းများ မြင့်တက်မှုမရှိစေရေး စျေးနှုန်းမြှင့်တင်ရောင်းချခြင်းမရှိစေရန် သိုလှောင်ခြင်း၊ ဖြန့်ဖြူးရောင်းချမှုများရှိ/ မရှိစေရေး၊ ဇူလိုင်လ သတ်မှတ်ရည်ညွှန်းဈေးဖြင့် သင့်တင်သော ရာခိုင်နှုန်းဖြင့် ရောင်းချခြင်း ရှိမရှိကို (၆-၇-၂၀၂၅) ရက်နေ့ နံနက်ပိုင်းက စားသုံးသူရေးရာဦးစီးဌာန၊ မြို့နယ်အထွေ ထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ တို့ပူးပေါင်း၍ လိုက်လံကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။

           ထိုသို့ကွင်းဆင်းစစ်ဆေးရာတွင် မြို့ပေါ်(၅)ရပ်ကွက်ရှိ ဆန်ဂိုဒေါင်များ လိုက်လံကွင်းဆင်းစစ်ဆေးခဲ့ပြီး  ပန်းတနော်မြို့နယ်မှ တာဝန်ရှိသူများက ဆန်ဆိုင်မှ ဆန်ဈေးနှုန်း စာရင်းများ၊ ရောင်းချသည့် ဆန်အမျိုးအစားများ၊ ဆန်လက်ကျန်စာရင်းများ၊ ဆန်ဝယ်ယူရောင်းချမှု အခြေအနေများကို မေးမြန်းဆောင်ရွက်ခဲ့ပြီး ဇူလိုင်လ သတ်မှတ်ရည်ညွှန်းဈေးဖြင့် ရောင်းချမှုရှိ/မရှိကို စစ်ဆေးခြင်း၊ မှတ်ပုံတင်သတ်တမ်းတိုးဆောင်ရွက်ရန်ရှိပါက သတ်တမ်းတိုး ဆောင်ရွက်နိုင်ရန် ကိုလည်းကောင်း မှာကြားပြီး ဆန်များအားသတ်မှတ်ထားသည့် စျေးနှုန်းထက် ကျော်လွန်ရောင်းချခြင်းမပြုလုပ်ရန် အသိပေးပြောကြား၍ ဆန်ဆိုင်များ ဈေးနှုန်း တည်ငြိမ်စွာရောင်းချနိုင်ရေးကို ဌာနဆိုင်ရာများနှင့်အတူ လစဉ် စစ်ဆေးဆောင်ရွက်သွား မည်ဖြစ်ကြောင်း သတင်းရရှိပါသည်။

DOCA(ဧရာဝတီ)