ပြည်ပကုန်သွယ်မှုသတင်းများ

         ကမ္ဘောဒီးယားနှင့် တရုတ်ကုမ္ပဏီများသည် ကမ္ဘောဒီးယားသီဟိုဠ်စေ့များကို တရုတ်ဈေးကွက်သို့ တင်ပို့မှု မြှင့်တင်ရန် နားလည်မှုစာချွန်လွှာ (MoU) ကို လက်မှတ်ရေးထိုးခဲ့ပြီး တန်ဖိုးအားဖြင့် အမေရိကန်ဒေါ်လာ ၃၅ တန်ဖိုးရှိသည်။ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန အတွင်းရေးမှူး Samheng Bora၊ EPTF ဥက္ကဋ္ဌ Sinomach Hainan မှ Zou Zhun နှင့် တရုတ်နိုင်ငံ Hangzhou နှင့် Guangxi ပြည်နယ်ရှိ ကုမ္ပဏီငါးခုမှ ကိုယ်စားလှယ်များ၊ ကမ္ဘောဒီးယား Nut Agro Product Co., Ltd. နှင့် ကမ္ဘောဒီးယား Cashew Nut Agro Product Co., Ltd. တို့ တွေ့ဆုံပြီးနောက် လက်မှတ်ရေးထိုးပွဲ အခမ်းအနားကို ၂၀၂၅ ခုနှစ်၊ စက်တင်ဘာ ၁၂ ရက်က စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၌ ပြုလုပ်ခဲ့သည်။ အဆိုပါ နားလည်မှုစာချွန်လွှာအရ လာမည့်သုံးနှစ်အတွင်း သီဟိုဠ်စေ့ခြောက်တန်ချိန် ၂၀,၀၀၀ နှင့် သီဟိုဠ်စေ့တန်ချိန် ၅,၀၀၀ ကို တရုတ်နိုင်ငံသို့ နှစ်စဉ်တင်ပို့မည်ဖြစ်သည်။ အခမ်းအနားတွင် Samheng Bora မှ Sinomach Hainan အား ၎င်း၏ ရင်းနှီးမြှုပ်နှံမှုနှင့် ကမ္ဘောဒီးယား အလားအလာရှိသော ထုတ်ကုန်များကို တရုတ်ဈေးကွက်သို့ တင်ပို့ရန် ကြိုးပမ်းမှုအတွက် ကျေးဇူးတင်ရှိကြောင်း ပြောကြားခဲ့သည်။  ကမ္ဘောဒီးယားရှိ သီဟိုဠ်စေ့တန်ဖိုးကွင်းဆက်ကို အားကောင်းလာစေရန်၊ ဒေသထွက် သီဟိုဠ်စေ့ကို တိုးချဲ့လုပ်ဆောင်ခြင်းနှင့် ကမ္ဘောဒီးယားရှိ သီဟိုဠ်စေ့တန်ဖိုးကွင်းဆက်ကို ခိုင်မာအားကောင်းစေမည့် ဖြစ်နိုင်ခြေများကို ဆက်လက် လေ့လာရန် ကုမ္ပဏီအား ဆက်လက်တိုက်တွန်းခဲ့သည်။ အဆိုပါနားလည်မှုစာချွန်လွှာသည် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် ကမ္ဘောဒီးယား သီဟိုဠ်စေ့အသင်းတို့မှ တစ်ဆင့် ကမ္ဘောဒီးယားအစိုးရ၏ ကြိုးပမ်းအားထုတ်မှုများကို ထင်ဟပ်စေကာ လက်ရှိဈေးကွက် များကို ထိန်းသိမ်းရန်၊ အသစ်များဖွင့်လှစ်ရန်နှင့် ကမ္ဘောဒီးယားနိုင်ငံ၏ သီဟိုဠ်စေ့ကဏ္ဍတွင် ပိုမိုရင်းနှီးမြုပ်နှံရန် တွန်းအားပေးဆောင်ရွက်နေကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက ထုတ်ပြန်ထားသည်။

DOCA (ရန်ကုန်)

       UAE နိုင်ငံအခြေစိုက် Etihad Airways သည် အာရပ်စော်ဘွားများပြည်ထောင်စု(UAE)၏ မြို့တော် Abu Dhabi (အဘူဒါဘီ)မှ ကမ္ဘောဒီးယားနိုင်ငံရှိ Techo အပြည်ပြည်ဆိုင်ရာလေဆိပ်သို့ ၂၀၂၅ ခုနှစ် အောက်တိုဘာလ ၃ ရက်နေ့မှ စတင်၍ တိုက်ရိုက်ပျံသန်းပြေးဆွဲမည်ဖြစ်သည်။ အဆိုပါလမ်းကြောင်းသစ်သည် ကမ္ဘောဒီးယားသို့ လာရောက်လည်ပတ်သည့် နိုင်ငံတကာ ခရီးသည်များ နှင့် ခရီးသွားအရေအတွက် သိသိသာသာ တိုးလာမည်ဟု မျှော်လင့်ထားသည်။ Etihad Airways မှ အာရှသြစတြေးလျဒေသဆိုင်ရာ မန်နေးဂျင်းဒါရိုက်တာ Charles Tan မှ ၁၂-၉-၂၀၂၅ ရက်နေ့၊ နံနက်ပိုင်းတွင် ဖနွမ်းပင်တွင် ကမ္ဘောဒီးယားခရီးသွားလုပ်ငန်းဝန်ကြီး Huot Hak နှင့် တွေ့ဆုံစဉ် အဆိုပါ တိုက်ရိုက်ခရီးစဉ်အသစ်အား ပြောကြားခဲ့ခြင်းဖြစ်သည်။ တွေ့ဆုံစဉ် Tan သည် လေကြောင်းလိုင်း၏ လက်ရှိလုပ်ငန်းဆောင်ရွက်မှုများနှင့် ပတ်သက်၍ ဝန်ကြီးအား ရှင်းလင်းတင်ပြခဲ့ပြီး ကမ္ဘောဒီးယားတွင် လာမည့်လုပ်ငန်းဆောင်ရွက်မှုများအတွက် ပူးပေါင်း ဆောင်ရွက်မှု၊ ပံ့ပိုးကူညီမှုနှင့် မဟာဗျူဟာလမ်းညွှန်မှုများကို တောင်းခံခဲ့သည်။ ဝန်ကြီး Huot Hak က Etihad Airways အား ကမ္ဘောဒီးယား၏ ကြီးထွားလာနေသော ခရီးသွားလာရေး အလား အလာကို အသိအမှတ်ပြုသည့်အတွက် ကျေးဇူးတင်ရှိကြောင်း ပြောကြားခဲ့ သည်။  ဝန်ကြီးက လေကြောင်း ချိတ်ဆက်မှုအသစ်သည် ကမ္ဘောဒီးယားကို ကမ္ဘာလုံးဆိုင်ရာ ခရီးစဉ်များနှင့် ချိတ်ဆက်ကာ နိုင်ငံ၏ခရီးသွားကဏ္ဍကို ပိုမိုမြှင့်တင်ရာတွင် အဓိကအခန်းကဏ္ဍမှ ပါဝင်မည်ဖြစ်ကြောင်း အလေးပေးပြောကြားခဲ့သည်။

DOCA (ရန်ကုန်)

             ကမ္ဘောဒီးယားနိုင်ငံတွင် ရင်းနှီးမြှုပ်နှံမှု အခွင့်အလမ်းသစ်များရှာဖွေရန်နှင့် စီးပွားရေး ပူးပေါင်းဆောင်ရွက်မှုများ အားကောင်းလာစေရန် ပြင်သစ်ထိပ်တန်းကုမ္ပဏီ ၃၀ နီးပါးမှ ကိုယ်စားလှယ်များသည် ကမ္ဘောဒီးယားသို့ ရောက်ရှိနေပြီဖြစ်ကြောင်း ပြင်သစ်သံရုံးက ၁၃-၉-၂၀၂၅ ရက်နေ့၊ နံနက်ပိုင်းတွင် ထုတ်ပြန်ခဲ့သည်။ French Foreign Trade Advisors (CCEF) ၏ ဥက္ကဌ Sophie Sidos-Vicat၊ MEDEF ၏ ဥရောပနှင့် နိုင်ငံတကာ ကော်မတီ (Mouvement des Entreprises de France) MEDEF အပြည်ပြည်ဆိုင်ရာ ဒုတိယဥက္ကဋ္ဌ François Corbin နှင့် ဥရောပနှင့်အာဆီယံနှင့် စီးပွားရေးဆက်ဆံရေးဆိုင်ရာ နိုင်ငံခြားရေးရာ ဝန်ကြီး၏ အထူး ကိုယ်စားလှယ်အဖွဲ့အား ကမ္ဘောဒီးယားနိုင်ငံဆိုင်ရာ ပြင်သစ်သံအမတ်ကြီး Olivier Richard က ဦးဆောင်ခဲ့ကြောင်း သတင်းရင်းမြစ်အရသိရသည်။  အဆိုပါ ကိုယ်စားလှယ်အဖွဲ့အား ကမ္ဘောဒီးယားနိုင်ငံ၊ စီးပွားရေးနှင့်ဘဏ္ဍာရေးဝန်ကြီး Ros Seilava၊ သတ္တုနှင့် စွမ်းအင်ဝန်ကြီး ဌာန ဝန်ကြီး Keo Rottanak ၊ ပတ်ဝန်းကျင် ထိန်းသိမ်းရေး ဝန်ကြီး Chheang Ra ၊ ကျန်းမာရေး ဝန်ကြီး Eang Sophalleth နှင့် ပြင်သစ် ကုမ္ပဏီများ ကျွမ်းကျင်မှု နှင့် အပိုတန်ဖိုးများ ပါ၀င်သည့် အဓိကကဏ္ဍများတွင် ပူးပေါင်းဆောင်ရွက်မှုနှင့် စာချုပ်များချုပ်ဆိုနိုင်ရေးအတွက် အလား အလာ များ ဆွေးနွေးရန် ကိုယ်စားလှယ်အဖွဲ့အား လက်ခံတွေ့ဆုံခဲ့ပြီး ဆွေးနွေးမှုများပြုလုပ်ခဲ့ကြသည်။

DOCA (ရန်ကုန်)

          ခရီးသွားလုပ်ငန်း ဖွံ့ဖြိုးတိုးတက်ရေးတွင် ပူးပေါင်းဆောင်ရွက်မှုများ တိုးမြှင့်ရန်နှင့် ပြည်သူများချိတ်ဆက်မှု တိုးမြှင့်ရေးဆိုင်ရာ နည်းလမ်းများကို အဓိကထား၍ ၁၅-၉-၂၀၂၅ ရက်နေ့တွင် ကျင်းပသည့် ဒုတိယအကြိမ် အစည်းအဝေးကို ကမ္ဘောဒီးယားနိုင်ငံ၊ ခရီးသွား လုပ်ငန်း ဝန်ကြီးဌာန၊ ဝန်ကြီး Huot Hak က သဘာပတိအဖြစ် ဆောင်ရွက်ခဲ့သည်။ အဆိုပါ အစည်းအဝေးသို့ ကမ္ဘောဒီးယားနိုင်ငံဆိုင်ရာ တရုတ်သံအမတ်ကြီး Wang Wenbin ၊  Jiangsu ပြည်နယ် ယဉ်ကျေးမှုနှင့် ခရီးသွားလာရေးဌာန ဒုတိယဥက္ကဌ Li Chuan၊  ယူနန်ပြည်နယ် ယဉ်ကျေးမှုနှင့် ခရီးသွားလာရေးဌာန ဒုတိယဥက္ကဌ Gou Kaibo၊  China Tourism Group Travel Services Corporation Limited (CTG Travel)၏ အထွေထွေမန်နေဂျာ Zheng Lijuan၊  ယူနန်ပြည်နယ် ရုပ်မြင်သံကြားနှင့် ရေဒီယိုစခန်း၏ ဒုတိယဥက္ကဌ Zhang Ying၊  Spring Airlines ၏ဒုတိယဥက္ကဌ Zhang Wu'an၊  ခရီးသွားလုပ်ငန်း ဝန်ကြီးဌာနမှ ခေါင်းဆောင်များ၊ ကမ္ဘောဒီးယား ခရီးသွားလုပ်ငန်း စျေးကွက်မြှင့်တင်ရေး ဘုတ်အဖွဲ့နှင့် ကမ္ဘောဒီးယား ပုဂ္ဂလိကကဏ္ဍမှ ကိုယ်စားလှယ်များတက်ရောက်ခဲ့ကြသည်။ ဝန်ကြီး Huot Hak က Siem Reap နှင့် Preah Sihanouk ကဲ့သို့သော ကမ္ဘောဒီးယားနိုင်ငံ အဓိကနေရာများသို့ ပျံသန်းပြေးဆွဲနေသော Jiangsu၊ Yunnan နှင့် အခြားသောပြည်နယ်များမှ လေကြောင်းလိုင်းများ ပိုမိုပံ့ပိုးကူညီရန်၊ ပြည်နယ်ခရီးသွားလုပ်ငန်းဌာနများနှင့်တရုတ်ပုဂ္ဂလိကကုမ္ပဏီများအား ဆက်သွယ်ရေးနှင့် ခရီးသွားလာမှုလွယ်ကူစေရန်အတွက် တိုက်တွန်းခဲ့သည်။ ဝန်ကြီးက တရုတ်ပုဂ္ဂလိက ကုမ္ပဏီများ၏ ပူးပေါင်းပါဝင်မှုကို ကြိုဆိုပြီး ကမ္ဘောဒီးယားနိုင်ငံ၏ ခရီးသွားလုပ်ငန်းနှင့် အခြားအလားအလာရှိသော ကဏ္ဍများတွင် ရင်းနှီးမြှုပ်နှံရန် ၎င်းတို့၏ လုပ်ဖော်ကိုင်ဖက်များနှင့် လုပ်ငန်းခွဲများကို ပေါင်းစည်းရန် ဆက်လက်တိုက်တွန်းခဲ့သည်။  အစည်းအဝေးတွင် နှစ်နိုင်ငံအကြား ခရီးသွားလာရေးမြှင့်တင်ရေးနှင့် လေကြောင်းဆက်သွယ်မှုမြှင့်တင်ရေးတို့ကို အဓိကထား ဆွေးနွေးခဲ့ကြသည့် အချက်များကို နှစ်ဖက်စလုံးက သဘောတူညီခဲ့ကြ သည်။  အဆိုပါ အစီအမံများသည် ကမ္ဘောဒီးယား-တရုတ် ခရီးသွားလာရေးကို တိုးမြင့်လာစေပြီး နှစ်နိုင်ငံနှင့် ပြင်ပမှခရီးသွားများကို ပိုမိုဆွဲဆောင်နိုင်စေရန် မျှော်လင့်ထားကြောင်း သိရှိရပါသည်။

Source: Khmer Times

DOCA(ရန်ကုန်)

          ပြင်သစ်ဖွံ့ဖြိုးတိုးတက်ရေးအေဂျင်စီ (Agence Française de Développement-AFD) သည် ၎င်း၏ ဒစ်ဂျစ်တယ်အသွင်ကူးပြောင်းရေးခရီးစဉ်တွင် ကမ္ဘောဒီးယားနိုင်ငံကို ပံ့ပိုးပေးမည် ဖြစ်ကြောင်း ၁၅-၉-၂၀၂၅ ရက်နေ့တွင် ဖနွမ်းပင်မြို့ရှိ MPTC ရုံးချုပ်၌ AFD မှ ညွှန်ကြားရေးမှူး Sandrine Boucher နှင့် ၎င်း၏ လုပ်ဖော်ကိုင်ဖက်များ၊ စာတိုက်နှင့် ကြေးနန်း (MPTC) ဝန်ကြီး Chea Vandeth တို့တွေ့ဆုံစဉ် AFD မှ ထုတ်ဖော်ပြောကြားခဲ့သည်။ တွေ့ဆုံစဉ် ဝန်ကြီးနှင့် AFD ဒါရိုက်တာတို့သည် ဉာဏ်ရည်တု(Ai)၊ သိပ္ပံဓာတ်ခွဲခန်း စီမံကိန်းနှင့် ဒစ်ဂျစ်တယ် အစိုးရ စီမံကိန်းအတွက် ဖြစ်နိုင်ခြေ လေ့လာမှု ပဏာမရလဒ်များကို ဆွေးနွေးခဲ့ကြသည်။ AFD သည် ဒစ်ဂျစ်တယ်ပရောဂျက်များမှတစ်ဆင့် ကမ္ဘောဒီးယားနိုင်ငံ၏ ဒစ်ဂျစ်တယ်အသွင်ကူးပြောင်းရေး ခရီးကို ပံ့ပိုးပေးလျက်ရှိပြီး အခြေခံအဆောက်အအုံများ ခေတ်မီစေရန်နှင့် လုပ်ငန်းခွင်အတွင်း ဒစ်ဂျစ်တယ်ကျွမ်းကျင်မှုများ ဖွံ့ဖြိုးတိုးတက်လာစေရန် ပံ့ပိုးပေးလျက်ရှိသည်။  ၂၀၂၄ ခုနှစ်တွင် AFD မှ ကျွမ်းကျင်သူများသည် အစိုးရ၏ ဒစ်ဂျစ်တယ်အသွင်ကူးပြောင်းမှုတွင် အဓိက စီမံကိန်း တစ်ခုဖြစ်သည့် ဘဏ္ဍာရေးစီမံခန့်ခွဲမှုသတင်းအချက်အလက်စနစ် (FMIS) ကို အကဲဖြတ်ရန် စတင်ဆောင်ရွက်ခဲ့သည်။ AFD သည် အစိုးရ၏ ၀င်ငွေနှင့် အသုံးစရိတ်စီမံခန့်ခွဲမှု၏ ထိရောက်မှုနှင့် ပွင့်လင်းမြင်သာမှုကို မြှင့်တင်ရန် ရည်ရွယ်ထားသည့် FMIS စီမံကိန်းသည် အများသူငှာဝန်ဆောင်မှုများ တိုးမြှင့်ရန်နှင့် ကမ္ဘောဒီးယား၏ ရေရှည်စီးပွားရေးရည်မှန်းချက်များ အောင်မြင်စေရန် ကူညီပေးရန် ရည်ရွယ်ကြောင်း သိရှိရပါသည်။

Source: Khmer Times

DOCA(ရန်ကုန်)