Main menu

ရှမ်းပြည်နယ်၌ ထောပတ်စိုက်တောင်သူများ နိုင်ငံခြားမျိုးထောပတ်ပင်များ တိုးချဲ့စိုက်ပျိုး

Powered by Drupal

          ရာသီပေါ်သီးနှံတစ်မျိုးဖြစ်တဲ့ ထောပတ်သီးဟာ အအေးပိုင်းဒေသမှာ ပေါက်ရောက်တဲ့အသီး ဖြစ်ပါတယ်။ ထောပတ်သီးမှာ ဗီတာမင် K ၊ ဗီတာမင် C၊ ဗီတာမင် B5၊ ဗီတာမင် B6၊ ဗီတာမင် E တို့ အပြင် အခြားဗီတာမင်ဓါတ်တွေလည်း များစွာပါဝင်တဲ့အတွက်ကြောင့် ကိုယ်ခံအားကို digital digia ကောင်းစေသည့်အပြင် ခန္ဓာကိုယ်ကို များစွာအကျိုးပြုတဲ့အသီးဖြစ်ပါတယ်။ ဒါ့အပြင် ကင်ဆာရောဂါကို ကုသရာမှာ အထောက်အကူပြုတဲ့ အသီးတစ်မျိုးလည်းဖြစ်ပါတယ်။

          ထောပတ်ပင်များသည် နှစ်ရှည်သီးနှံပင်များဖြစ်ပြီး ထောပတ်ပင်များကို ပေ(၃၀)ခြားပြီး စိုက် ပျိုးကြပါတယ်။ ထောပတ်ပင်များသည် စစိုက်ပြီး(၃)နှစ်နေမှ စတင်အသီးသီးပါတယ်။ ထောပတ်သီး ကို ရှမ်းပြည်နယ်(တောင်ပိုင်း)၊ ရှမ်းပြည်နယ်(မြောက်ပိုင်း)နှင့် မန္တလေးတိုင်းဒေသကြီး(ပြင်ဦးလွင်) တို့မှာ အများဆုံးစိုက်ပျိုးကြပါတယ်။

          ရှမ်းပြည်နယ်(တောင်ပိုင်း)တွင် တောင်ကြီး၊ ဟိုပုံး၊ ညောင်ရွှေ၊ ဆီဆိုင်၊ ကလော၊ ပင်းတယ၊ ရွာငံ၊ ရပ်စောက်၊ ပင်လောင်း၊ ဖယ်ခုံ၊ လွိုင်လင်တို့တွင် စိုက်ပျိုးကြပါတယ်။ ရှမ်းပြည်နယ် (မြောက်ပိုင်း)တွင် လားရှိုး၊ ကွတ်ခိုင်၊ ကျောက်မဲ၊ သီပေါ၊ နောင်ချိုနှင့် မန္တလေးတိုင်းဒေသကြီး (ပြင်ဦးလွင်)တို့မှာ စိုက်ပျိုးကြပါတယ်။

          ထောပတ်သီးများသည် အောက်တိုဘာလတွင် အသီးများ စတင်ထွက်ရှိပြီး ဇန်နဝါရီလလယ် လောက်တွင် အသီးကုန်ပါတယ်။ ထောပတ်သီးများ စတင်သီးတဲ့နှစ်မှာ တစ်ဧက အလုံး(၂၀၀)ခန့်သီးပြီး ဒုတိယနှစ်တွင်(၇၀၀)ခန့်၊ တတိယနှစ်ကျော်သွားရင် အလုံး (၂၀၀၀)ထိသီးပါတယ်။ဒေသမျိုးရင်းများအနေဖြင့် ပြည်တွင်းဈေးကွက်တွင် ထောပတ်သီးတစ်ပိဿာ ၂၀ဝိ/-၃၀ဝိ/- မှ ၆၀ဝိ/- ၁၀၀ဝိ/- အထိ ဈေးပေါက်ကြောင်း သိရှိရပါတယ်။

          ယခုနှစ်တွင် COVID-19 ကပ်ရောဂါပျံ့ပွားမှုမရှိစေရေးအစီအမံများကြောင့် ယာဉ်အသွားအလာ ကန့်သတ်မှုများရှိနေတဲ့အတွက် ကုန်စည်စီးဆင်းမှုအားနည်းခြင်းနှင့် နိုင်ငံခြားမျိုးထောပတ်(Hass)ကို ပိုမိုဝယ်ယူစားသုံးနေကြသဖြင့် ဒေသမျိုးရင်းထောပတ်သီးများ ဈေးကောင်းမရဘဲ အရောင်းအေး နေတယ်လို့သိရပါတယ်။

          ပြည်ပဈေးကွက်သို့တင်ပို့သော ထောပတ်သီးများမှာတစ်လုံးကို ၆၀ဝိ/- ကျပ်မှ ၁၀၀ဝိ/- ကျပ်အထိ ဈေး ပေါက်ကြောင်း သိရပါတယ်။ ယခုအချိန်တွင် နိုင်ငံခြားမျိုးများမှာ ဒေသမျိုးရင်းများထက် ဝယ်လို အားကောင်းပြီး  ယခင်နှစ်တွေထက် ဈေးကောင်းရလို့ နိုင်ငံခြားမျိုး(Hass)များ တိုးချဲ့စိုက်ပျိုးနေကြကြောင်း၊ ဟိုပုံးမြို့နှင့် ဆီဆိုင်မြို့များတွင် ဧက(၂၀၀၀၀)ခန့် ထပ်မံစိုက်ပျိုးကြကြောင်း သိရှိရပါတယ်။ ဒေသမျိုးအပင်များကို အောက်ခံအပင်အဖြစ်ထားရှိ၍ နိုင်ငံခြားမျိုးများကို ကိုင်းကူးကိုင်းဆက်နည်းနဲ့ စိုက်ပျိုးကြပြီး စားသုံးသူ များအနေဖြင့် အရည်အသွေးကောင်းမွန်တဲ့ နိုင်ငံခြားမျိုး(Hass) မျိုးတွေကို ဝယ်ယူမှုများပြားလာတဲ့ အတွက် စိုက်ဧကများ ထပ်မံတိုးချဲ့စိုက်ပျိုးကြကြောင်း သိရှိရပါတယ်။

ရှမ်းပြည်နယ်(တောင်ပိုင်း)