စားသုံးသူရေးရာဦးစီးဌာန၊ မကွေးတိုင်းဒေသကြီး၊ တောင်တွင်းကြီးမြို့နယ်၊ မြို့နယ်ဦးစီးမှူး ဒေါ်ဌေးဌေးသည် (၁၄.၃.၂၀၂၃)ရက်နေ့၊ နံနက်(၀၉:၃၀)နာရီအချိန်တွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ပြည်သူ့စာကြည့်တိုက်၊ ကွန်မြူနတီခန်းမ၌ ကျင်းပပြုလုပ်သော အင်္ဂလိပ်စာ 4 Skills သင်တန်းနှင့် ပန်းချီသင်တန်းသား/ သင်တန်းသူများအား စားသောက်ကုန်များ ဝယ်ယူသုံးစွဲရာတွင် ဘေးကင်းလုံခြုံစိတ်ချရမှုရှိစေရေးအတွက် စားသုံးသူကာကွယ်ရေးအသိပညာပေးဆွေးနွေးပွဲကို ကျင်းပခဲ့ပါသည်။
အဆိုပါဆွေးနွေးပွဲတွင် မြို့နယ်ဦးစီးမှူးက စားသုံးသူကာကွယ်ရေးဥပဒေ(၂၀၁၉)၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် (၂/၂၀၁၉)ညွှန်ကြားချက်အရ ကုန်စည်များတွင် ပါဝင်ရမည့်အချက်များကို အသိပညာပေး ရှင်းလင်းဆွေးနွေးခဲ့ပါသည်။
တောင်တွင်းကြီးမြို့နယ်၊ မြို့နယ်ဦးစီးမှူးအနေဖြင့် စားသုံးသူများအား အသိပညာဗဟုသုတ တိုးပွားစေရေးအတွက် စားသုံးသူကာကွယ်ရေး အသိပညာပေးဆွေးနွေးဟောပြောပွဲများကို စဉ်ဆက်မပြတ် ဆောင်ရွက်လျက်ရှိကြောင်း သတင်းရရှိပါသည်။
ဌေးဌေး (တောင်တွင်း)