၁၈.၉.၂၀၂၆ ရက်နေ့ နေ့လယ် (၀၂:၀၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံး၌ မုန့်လုပ်ငန်းရှင် (၃၀) ဦးအား ကုန်အညွှန်းအမှတ်အသား ဖော်ပြခြင်းနှင့် အွန်လိုင်းလုပ်ငန်းလျှောက်ထားခြင်းဆိုင်ရာ အသိပညာပေးဟောပြောပွဲ ကျင်းပပြုလုပ်ခဲ့ပါသည်။
ဟောပြောပွဲတွင် ခရိုင်ဦးစီးမှူး ဒေါ်ဝါဝါမြိုင်က ထုတ်လုပ်သူနှင့် လုပ်ငန်းရှင်များ လိုက်နာဆောင်ရွက်ရမည့် တာဝန်များ၊ ကုန်အညွှန်းအမှတ်အသားများကို ဥပဒေနှင့်အညီ ပြည့်စုံမှန်ကန်စွာ ဖော်ပြရမည့်အချက်များအား ရှင်းလင်းဟောပြောခဲ့ပါသည်။ ထို့ပြင် ထုတ်လုပ်ရက်စွဲနှင့် ကုန်ဆုံးရက်စွဲများကို စတေကာဖြင့် ထပ်မံရိုက်နှိပ်ကပ်၍ ဖော်ပြခြင်း မပြုရကြောင်းနှင့် မူလထုတ်လုပ်မှုအချက်အလက်များကို မှန်ကန်တိကျစွာ ဖော်ပြရန် လိုအပ်ကြောင်း အသိပညာပေး ဆွေးနွေးခဲ့ပါသည်။
ဆက်လက်၍ ဒုတိယပြည်နယ်ဦးစီးမှူး ဒေါ်မိရင်စနိုင်းမွန်က အွန်လိုင်းစနစ်ဖြင့် လုပ်ငန်းမှတ်ပုံတင်လျှောက်ထားခြင်း၊ လျှောက်ထားရာတွင် လိုအပ်သော အချက်အလက်များနှင့် လုပ်ငန်းစဉ်အဆင့်ဆင့်ကို ရှင်းလင်းအသိပညာပေးခဲ့ပြီး တက်ရောက်လာသော လုပ်ငန်းရှင်များ၏ မေးမြန်းချက်များကိုလည်း ပြန်လည်ဖြေကြားဆွေးနွေးခဲ့ကြောင်း သိရှိ ရပါသည်။
DOCA (မွန်)