စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဉီးစီးဌာန၊ ကလေးခရိုင်၊ ဟုမ္မလင်းမြို့နယ်၌ ၂၀၂၃ခုနှစ်၊ မတ်လ (၁၃) ရက်နေ့၊ နံနက်(၁၀:၃၀)နာရီအချိန်တွင် မြို့နယ်တာဝန်ခံ၊ ဒေါ်ခင်စန်းဝင်း (လက်ထောက်ကြီးကြပ်ရေးမှူး)က ကတ်သာကျေးရွာသို့ သွားရောက်၍ ပြည်သူ ( ၂၀ ) ဦးအား အသိပညာပေးဟောပြောပွဲ ကျင်းပပြုလုပ်ခဲ့ကြောင်း သိရှိရပါသည်။
အဆိုပါဟောပြောပွဲတွင် ဟုမ္မလင်းမြို့နယ်တာဝန်ခံက အစားအသောက်များကို ဝယ်ယူရောင်းချရာတွင် သက်ဆိုင်ရာဌာနများ၏ သတ်မှတ်ချက်များနှင့်အညီ ထုတ်လုပ်ဖြန့်ဖြူးသည့် ကုန်စည်များကိုသာ ဝယ်ယူအသုံးပြုကြရမည်ဖြစ်ပါကြောင်း၊ စားသုံးသူရေးရာဦးစီးဌာနမှ ပြည်သူများအတွက် အစားအသောက်များ ဘေးအန္တရာယ်ကင်းရှင်းရေးကို အစဉ်အမြဲဆောင်ရွက်ပေးလျက်ရှိ၍ မိမိတို့ဘက်မှလည်း တတ်အားသမျှ ကိုယ်စွမ်းဉာဏ်စွမ်းရှိသလောက် ဝိုင်းဝန်းကူညီဆောင်ရွက်ပေးမှသာ ဈေးကွက်အတွင်း ဘေးအန္တရာယ်ရှိသည့် ကုန်ပစ္စည်းများ ပပျောက်သွားမည်ဖြစ်ပါကြောင်းနှင့် အစိုးရဝန်ထမ်းများနှင့် ပြည်သူများ ပူးပေါင်းပါဝင်မှသာ လုပ်ငန်းများလုပ်ဆောင်ရာတွင် လျှင်မြန်ချောမွေ့လွယ်ကူစွာ ဆောင်ရွက်နိုင်မည်ဖြစ်သည့်အတွက် မိမိအနေဖြင့်လည်း ဌာနနှင့်ပတ်သက်သည့် စားသုံးသူကာကွယ်ရေးလုပ်ငန်းများကို တတ်စွမ်းသမျှ ကူညီဆောင်ရွက်ပေးသွားမည်ဖြစ်ပါကြောင်း ဆွေးနွေးပြောကြားခဲ့ပါသည်။
ဇင်မိုးဝါ( ကလေး )