စစ်ကိုင်းမြို့ထွက် တရုတ်ဇီးသီးများသည် ဇန်နဝါရီ၊ ဖေဖေါ်ဝါရီလတွင် အဖူးအပွင့်များ စတင်ဖူးကြပြီး မတ်လတွင် အသီးကင်းလေးများ ဖြစ်ပေါ်လာပြီး ဧပြီလနှင့် မေလတွင် တဖြည်းဖြည်းကြီးထွားလာပြီး ဇွန်၊ ဇူလိုင်နှင့် သြဂုတ်လများတွင် လှိုင်လှိုင်ထွက်ရှိပြီး ခူးဆွတ်ရောင်းချလျှက်ရှိကြောင်းသိရပါတယ်။ တရုတ်ဇီးသီးစိုက်ပျိုးရန် အကောင်းဆုံးမြေမှာ သဲနုံးဆန်သော မြေအမျိုးအစားဖြစ်ပြီး ပိုမိုအောင်မြင် ဖြစ်ထွန်းကြောင်း သိရပါတယ်။ အပင်စိုက်ပျိုးချိန်မှာ သုံးနှစ်မှ ငါးနှစ်အကြား အသီးများကို ခူးဆွတ် ရောင်းချနိုင်တယ်လို့ သိရပါတယ်။ ယခုအချိန်မှာ စစ်ကိုင်းဒေသထွက် တရုတ်ဇီးသီးများမှာ ရာသီဥတုကြောင့် အသီးထွက်ရှိနည်းသော်လည်း ဈေးကွက်များတွင် စတင်ခူးဆွတ်ရောင်းချကြောင်း သိရပါ တယ်။ စစ်ကိုင်းမြို့တွင် တရုတ်ဇီးသီးများကို လိုက်လံရောင်းချသူကတော့ အရင်နှစ်က ထက်စာရင် တရုတ်ဇီးသီးများမှာ ရာသီဥတုပြင်းသောကြောင့် ယခုနှစ်အသီးထွက်ရှိမှု နည်းပါတယ်။
စစ်ကိုင်းမြို့အဝင် မုံရွာလမ်းမကြီးဘေးဝဲယာတလျှောက်တွင် စစ်ကိုင်းမြို့မှ ထွက်ရှိ သည့် တရုတ်ဇီးသီး များကို ထီးမိုး၍ စားပွဲခုံများနှင့်တင်၍ ရောင်းချနေကြပါတယ်။ စစ်ကိုင်းမြို့ရှိ ခြံများ၊ အိမ်များတွင် တစ်ပိဿာ ၂၀ဝ၀ ၊ ၂၅၀ဝ ၊ ၃၀ဝ၀ ထိ ဝယ်ယူ ရပါတယ်။ ပြန်ရောင်းလျှင် ၂၅ ကျပ်သားတစ်စီးကို ၁၀ဝ၀ နှုန်းဖြင့် တစ်ပိဿာ ၄၀ဝ၀ နှုန်းဖြင့် ပြန်လည်ရောင်းချကြောင်း သိရပါတယ်။ တရုတ်ဇီးသီးများ သည် စစ်ကိုင်းမြို့မှာပင် ထွက်ရှိပါတယ်။ စစ်ကိုင်းမှ ထွက်တဲ့ တရုတ်ဇီးသီးများည် အလုံးကြီးပြီး အသားထူ၍ အရသာမှာ ချိုနစ်နေပါတယ်။
ယခုဈေးဆိုင်များမှာ ရောင်းတဲ့တရုတ်ဇီးသီးများမှာ စစ်ကိုင်းတရုတ်ဇီးသီးများအပြင် မေမြို့ အထက်အုန်းချောက ထွက်တဲ့ ဟုန်းပန်းတရုတ်ဇီးသီးနဲ့ ယိုးဒယားတရုတ်ဇီးသီးများကိုလည်း ရော၍ ရောင်းချ ကြပါတယ်။ ဟုန်းပန်းတရုတ်ဇီးသီးများပ စစ်ကိုင်း တရုတ်ဇီးသီးနဲ့ ထွက်တဲ့ အချိန်ကာလတူညီတယ် လို့ သိရပါတယ်။ ယိုးဒယားတရုတ်ဇီးသီးကတော့ မော်လမြိုင်မှ ဝယ်ယူရရှိကြောင်း သိရပါတယ်။ ယိုးဒယား တရုတ်ဇီးသီးကတော့ တနှစ်ပတ်လုံး ထွက်ရှိ ကြောင်းသိရပါတယ်။ ယိုးဒယား တရုတ်ဇီးသီးကို တခြင်း ၁၂၀ဝ၀ ဝယ်ယူရရှိပါတယ်။ တခြင်းကို ၆ ပိဿာ ပါရှိပါတယ်။ တစ်ပိဿာ ၂၀ဝ၀ နှုန်းနဲ့ ဝယ်ယူရပါတယ်။ ပြန်ရောင်းလျှင် တစ်ပိဿာ ၄၀ဝ၀ နှုန်းနဲ့ ပြန်ရောင်းကြောင်း သိရပါတယ်။ ယိုးဒယား တရုတ်ဇီးသီးများမှာ ဆေးချွတ်ထား၍ စစ်ကိုင်း တရုတ်ဇီးသီးနဲ့ တူနေပါတယ်။ အလုံးကတော့ စစ်ကိုင်း တရုတ်ဇီးသီးထက်အလုံးကြီးကြောင်း၊ စားလျှင် စစ်ကိုင်းတရုတ် ဇီးသီးက စားလို့အလွန် ကောင်းကြောင်း သိရပါတယ်။
စစ်ကိုင်းတရုတ်ဇီးသီးများကို မန္တလေးမြို့မှ တရုတ်များက အလွန်ကြိုက်၍ စစ်ကိုင်း မြို့ကို ဆင်းဝယ်ကြပါတယ်။ သွေးအားကောင်းကြောင်း စစ်ကိုင်းမြို့ရှိ ဈေးသည် တစ်ဦးထံမှ သိရှိရပါတယ်။ စစ်ကိုင်းမြို့ ပေါ်ရှိ ရပ်ကွက်များတွင် တရုတ်ဇီးသီး များကို စိုက်ပျိုးထားပြီး နှစ်ရှည် သီးပင်ဖြစ်သောကြောင့် မိသားစု တစ်ပိုင်တစ်နိုင် အပိုဝင်ငွေရရှိသော သီးနှံဖြစ်ပြီး စစ်ကိုင်းမြို့ရဲ့ တရုတ်ဇီးသီးဟာ မြန်မာပြည် တဝှမ်းလုံး စစ်ကိုင်းမြို့မှာဘဲသီး၍ လူကြိုက် များသော အလွန်နာမည်ကြီးကြောင်း သတင်းကောင်းပါးလိုက်ရပါတယ်။
စစ်ကိုင်းတိုင်းဒေသကြီး
စားသုံးသူရေးရာဦးစီးဌာန