ပဲခူးတိုင်းဒေသကြီး၊ ပြည်မြို့နယ်တွင် စိုက်ပျိုးရေး၊ မွေးမြူရေးနှင့် ကုန်ထုတ်လုပ်မှုမြင့်မားတိုးတက်ရေး အလုပ်ရုံဆွေးနွေးပွဲများကို တစ်လလျှင် ကျေးရွာ(၁၀)ရွာရွေးချယ်ပြီး ထွေ/အုပ်၊ စိုက်ပျိုးရေး၊ တိမွေးကု၊ ဆည်မြောင်း၊ မြေစာရင်း၊ ကျေးလက်ဖွံ့ဖြိုးရေးဦးစီးဌာန၊ ကျေးလက်လမ်း ဦးစီးဌာန၊ ပညာရေး၊ ဥပဒေနှင့် စားသုံးသူရေးရာဦးစီးဌာနတို့ ပူးပေါင်း၍ လစဉ်ဆွေးနွေးပွဲများ ဆောင်ရွက်လျှက်ရှိရာ ၉.၁.၂၀၂၃ ရက်နေ့ နေ့လည် (၁၂:၀၀)နာရီအချိန် ၊ ပြည်မြို့နယ် သဲကုန်း အုပ်စု၊ ကုန်းသာကျေးရွာ ဘုန်းကြီးကျောင်း ဓမ္မရုံတွင် စိုက်ပျိုးရေး၊ မွေးမြူရေးနှင့် ကုန်ထုတ်လုပ်မှု မြင့်မားတိုးတက်ရေး အလုပ်ရုံဆွေးနွေးပွဲ ကျင်းပခဲ့ကြောင်း သိရှိရပါသည်။
ဆွေးနွေးပွဲတွင် တက်ရောက်လာသော ဌာနဆိုင်ရာများမှ တာဝန်ရှိသူများက သက်ဆိုင်ရာ ကဏ္ဍအလိုက် ဟောပြောခဲ့ကြသလို စားသုံးသူရေးရာဦးစီးဌာနမှ ပြည်မြို့နယ်ဦးစီးမှူး ဦးထွန်းနိုင် လင်းမှဌာန၏ စားသုံးသူကာကွယ်ရေးဥပဒေပါ ပြဌာန်းချက်များ စားသုံးသူအခွင့်အရေး နှင့် တာဝန်များ၊ ကုန်စည်/ဝန်ဆောင်မှုပေါ်တွင် စားသုံးသူကတောင်းဆိုနိုင်သည့် အခွင့်အရေးများ စားသုံးသူနစ်နာဆုံးရှုံးမှုအပေါ် အရေးဆိုတိုင်တန်းနိုင်သည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC) ရုံးခန်းဖွင့်လှစ်ဆောင်ရွက်နေမှု အခြေအနေများအား အသိပညာပေးဆွေးနွေးခဲ့ကြောင်း သိရှိရပါသည်။
DOCA(ပဲခူး)