မွန်ပြည်နယ် ၊ မော်လမြိုင်ခရိုင် ၊ မုဒုံမြို့နယ်စားသုံးသူရေးရာဦးစီးဌာနနှင့်စိုက်ပျိုးရေးဦးစီးဌာနတို့ ပူးပေါင်း၍ ၂၀၂၃ ခုနှစ်၊ ဇန်နဝါရီလ(၂)ရက်နေ့ နံနက်(၁၀:၀၀)နာရီတွင် မုဒုံမြို့ပေါ်ရှိ ဓာတ်မြေဩဇာအရောင်းဆိုင်များ၌ ဈေးကွက်အတွင်းတွင် ဈေးနှုန်း သက်သာသော အရည်အသွေးနိမ့် မြေဩဇာများကို ထိုင်းနိုင်ငံပြည်တွင်းသုံး မြင်းပျံအိတ်ခွံများဖြင့် ပြန်လည်ထုပ်ပိုးပြီး အိုင်ပီစီ မြင်းပျံဓာတ်မြေဩဇာ အတုများပြုလုပ် ရောင်းချနေမှုရှိ ၊ မရှိ ကွင်းဆင်း စစ်ဆေးခဲ့ပါသည်။
ထိုသို့ စစ်ဆေးရာတွင် မြို့နယ်တာဝန်ခံမှ စားသုံးသူကာကွယ်ရေးဥပဒေအခန်း(၁၀)ပါ စီးပွားရေးလုပ်ငန်းရှင်များ၏တာဝန်များ၊ ဥပဒေအခန်း(၂၃)ပါတားမြစ်ချက်များ၊ ဥပဒေ အခန်း(၂၄) ပါပြစ်မှုပြစ်ဒဏ်များ ၊ စားသုံးသူကာကွယ်ရေးအခန်း(၁၈)ပါ ကုန်အညွှန်း အမှတ်အသား ဖော်ပြခြင်းများအကြောင်းအား လိုက်နာဆောင်ရွက်ကြရန် အသိပညာပေးပြောကြားခဲ့ပြီး စိုက်ပျိုးရေးဦးစီးဌာန မြို့နယ်ဦးစီးမှူးမှလည်း ဓာတ်မြေဩဇာရောင်းချခွင့် လိုင်စင်သက်တမ်း အချိန်မှီတိုးသွားရန် ပြောကြားခဲ့ပါသည်။ ကွင်းဆင်းစစ်ဆေးမှုအရ ထိုင်းနိုင်ငံထုတ် အိုင်ပီစီ မြင်းပျံဓာတ်မြေဩဇာများ တုပရောင်းချခြင်းမရှိကြောင်း သိရှိရပါသည်။
DOCA(မွန်)