နိုင်ငံတစ်နိုင်ငံတွင် အစိုးရဌာနဆိုင်ရာများအနေဖြင့် နိုင်ငံတော်အစိုးရကို တာဝန်ခံပြီး ပြည်သူများကို ဝန်ဆောင်မှုပေးကြရသည်။ စားသုံးသူရေးရာဦးစီးဌာနအနေဖြင့် “ပြည်တွင်း ကုန်သွယ်မှုဖွံဖြိုးတိုးတက်စေရန်နှင့် စားသုံးသူကာကွယ်ရေးလုပ်ငန်းများဖြင့် နိုင်ငံစီးပွားရေးဖွံဖြိုး တိုးတက်စေရန်” ဟူသော မျော်မှန်းချက်ထားရှိပြီး စားသုံးသူအခွင့်အရေးနှင့် အကျိုးစီးပွားများကို ကာကွယ်ပေးလျက်ရှိရာ ဌာနအနေဖြင့် ပညာပေးရန်၊ ကာကွယ်ပေးရန်နှင့် ဝန်ဆောင်မှုပေးရန်ဆိုသည့် အချက်(၃)ချက်ကိုဆောင်ရွက်ကြရသည်။
အထက်ပါ အချက် ( ၃ ) ချက်မှ ပညာပေးရန်ကဏ္ဍတွင် အပိုင်း (၂ ) ပိုင်း ရှိသည်။ စားသုံးသ ပြည်သူများကို အသိပညာပေးခြင်းနှင့် စီးပွားရေးလုပ်ငန်းရှင်များကို အသိပညာပေးခြင်းဟူ၍ ဖြစ်သည်။ စားသုံးသူအသိပညာပေးခြင်းလုပ်ငန်းများ ဆောင်ရွက်ကြရာတွင် ပထမဦးစားပေးအဖြစ် တက္ကသိုလ်၊ ကောလိပ်၊ သင်တန်းကျောင်းများ၊ ဒုတိယဦးစားပေးအဖြစ် အခြေခံပညာကျောင်းများ၊ တတိယဦးစားပေးအဖြစ် ဌာနဆိုင်ရာများ၊ ရပ်ကွက် ကျေးရွာများသို့ အသိပညာပေးရန် စစ်ကိုင်းတိုင်းဒေသကြီးစားသုံးရေးရာကော်မတီက လျာထားခဲ့ရာ၂၀၂၂ခုနှစ် ဇန်နဝါရီလမှ ၂၀၂၂ခုနှစ် ဒီဇင်ဘာလအထိ စားသုံးသူ အသိပညာပေး ဟောပြောပွဲများကို တက္ကသိုလ်များတွင် (၁၄) ကြိမ်၊ အခြေခံပညာကျောင်းများတွင် (၃၇) ကြိမ်၊ ဌာနဆိုင်ရာများတွင် (၄၆)ကြိမ်၊ ရပ်ကွက်ကျေးရွာများတွင် ( ၆ )ကြိမ် ဆောင်ရွက်နိုင်ခဲ့ပါသည်။ ၎င်းအပြင် ဌာန၏ Website မှ လည်း အသိပညာပေးခြင်းလုပ်ငန်းများ ဆောင်ရွက်လျှက်ရှိရာ ဌာန၏ Website တွင် စားသုံးသူရေးရာ သတင်းဆောင်းပါး ( ၇၉၉ ) ပုဒ်ဖော်ပြနိုင်ခဲ့သည်။ ပြန်ကြားရေးနှင့် ပြည်သူဆက်ဆံရေးဦးစီးဌာနနှင့် ညှိနှိုင်းဆောင်ရွက်ခဲ့ရာ Talk Show ( ၉ )ကြိမ် ဆောင်ရွက်နိုင်ခဲ့ပါသည်။ စားသုံးသူရေးရာဦးစီးဌာနအနေဖြင့် စားသုံးသူများအား အသိပညာပေးခြင်း လုပ်ငန်းများကို ဆောင်ရွက်ခြင်းဖြင့် စားသုံးသူပြည်သူများအနေဖြင့် ၎င်းတို့တွင် စားသုံးသူအခွင့် အရေးများရှိကြောင်းကိုလည်းကောင်း၊ စားသုံးသူနစ်နာမှုများကို တိုင်ကြားနိုင်သည့်နည်းလမ်းများကို သိရှိလာပြီး ဌာန အပေါ် ယုံကြည်အားထားမှု မြင့်တက်လာခဲ့သည်။ ထို့အပြင် ကုန်စည်ထုတ်ကုန် ပစ္စည်းများ ဖြန့်ဖြူးရောင်းချသော စီးပွားရေးလုပ်ငန်းရှင်များကိုလည်း အသိပညာပေးခြင်းများ စဉ်ဆက်မပြတ် ဆောင်ရွက်လျက်ရှိရာ ၂၀၂၂ခုနှစ် ဇန်နဝါရီလမှ ဒီဇင်ဘာလအထိ (၃၃၇)ကြိမ် ဆောင်ရွက်နိုင်ခဲ့ပါသည်။ ထုတ်လုပ်သည့်စက်ရုံ၊ အလုပ်ရုံ၊ အရောင်းဆိုင်နှင့် ဈေးဆိုင်များထိ သွားရောက်ဆွေးနွေးအသိပညာပေးကြရသည်။ ထို့သို့ အသိပညာပေးရာတွင် စားသုံးသူကာကွယ်ရေး ဥပဒေပါ လုပ်ငန်းရှင်များ လိုက်နာရမည့် အာမခံပေးရမည့် အချက်များကိုလည်းကောင်း၊ တာဝန်နှင့် တားမြစ်ချက်များကိုလည်းကောင်း အသိပညာပေးဆွေးနွေးရသည်။
ဌာနအနေဖြင့် စားသုံးသူအခွင့်အရေးနှင့် အကျိုးစီးပွားများကို ကာကွယ်ပေးရန်နှင့် အန္တရာယ်ရှိ ကုန်စည်များကို ဈေးကွက်တွင် ရောင်းချမှုမရှိစေရန်အတွက် ဈေးကွက်စောင့်ကြည့် စစ်ဆေးခြင်းလုပ်ငန်းများကိုလည်း စည်ပင်သာယာဈေးများ၊ အရောင်းဆိုင်များသို့ ကွင်းဆင်း ဆောင်ရွက်လျှက်ရှိရာ အကြိမ် ( ၂၈၀ ) ဆောင်ရွက်နိုင်ခဲ့သည်။ စစ်ကိုင်းတိုင်းဒေသကြီး စားသုံးသူရေးရာ ကော်မတီကလည်း ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက် ရာတွင် ဦးစားပေး ဆောင်ရွက်ရမည့် ကုန်စည်(၇) မျိုးကိုလည်း ချမှတ်ပေးထားပါသည်။ ထို့အပြင် အထက်ဌာနများက အခါအားလျော်စွာ တာဝန်ပေးလာသော ကုန်စည်များကိုလည်း ဈေးကွက်စောင့်ကြည့် စစ်ဆေးပေးရပါသည်။ ထို့သို့စစ်ဆေးရာတွင် ဌာနက တာဝန်ပေးထားသော စစ်ဆေးအရာရှိမှ သော်လည်းကောင်း၊ မိတ်ဖက်ဌာနဆိုင်ရာများနှင့်ပူးပေါင်း၍သော်လည်းကောင်း စစ်ဆေးကြရပါသည်။
စားသုံးသူနစ်နာမှုများကို ကုစားခွင့်ရရှိစေရေးအတွက် ဌာနမှ ဖြေရှင်းဆောင်ရွက်ပေးလျှက် ရှိပါသည်။ ၂၀၂၂ ခုနှစ်တွင် စစ်ကိုင်းတိုင်းဒေသကြီး၌ စားသုံးသူနစ်နာမှုများအတွက် တိုင်ကြားမှု ( ၃ )မှု ရှိခဲ့ပြီး တိုင်ကြားမှုအားလုံးကိုလည်း ဖြေရှင်းပေးနိုင်ပြီးဖြစ်သည်။ စားသုံးသူနစ်နာမှုများကို တိုင်ကြားတတ်လာသော အလေ့အထအားနည်းနေသေးသောကြောင့် နစ်နာမှုများကို တိုင်ကြားနိုင်ကြစေရေး အလေးထားအသိပညာပေး ဆောင်ရွက်လျက်ရှိပါသည်။
စစ်ကိုင်းတိုင်းဒေသကြီးစားသုံးသူရေးရာကော်မတီကို တိုင်းဒေသကြီး စီးပွားရေးရာဝန်ကြီးက ဥက္ကဋ္ဌအဖြစ် တာဝန်ယူဆောင်ရွက်လျက်ရှိပြီး စုစုပေါင်းအဖွဲ့ဝင် (၉)ဦးဖြင့် ဖွဲ့စည်းထားပါသည်။ လက်ရှိ ၂၀၂၂ ခုနှစ်ကုန်အထိ ကော်မတီအစည်းအဝေးကို (၇)ကြိမ် ကျင်းပနိုင်ခဲ့ပြီးဖြစ်ပါသည်။ အဆိုပါအစည်းအဝေးများတွင် ယခင်ဆောင်ရွက်ခဲ့သော စားသုံးသူကာကွယ်ရေးလုပ်ငန်းများအပေါ် သုံးသပ်ခြင်း၊ ရှေ့ဆက်လက်ဆောင်ရွက်ရမည့် လုပ်ငန်းချမှတ်ခြင်းများကို ဆောင်ရွက်လျှက်ရှိပါ သည်။ စစ်ကိုင်းတိုင်းဒေသကြီး စားသုံးသူရေးရာကော်မတီအနေဖြင့် ၂၀၂၂-၂၀၂၃ ဘဏ္ဍာနှစ်အတွက် ဈေးကွက်စောင့်ကြည့်စစ်ဆေးရာတွင် ဦးစားပေးစစ်ဆေးဆောင်ရွက်ရမည့် ကုန်စည်(၇)မျိုးကို သတ်မှတ်ပေးထားခဲ့ပြီး တိုင်းဒေသကြီးအစိုးရအဖွဲ့ ၏ ရံပုံငွေမှကျခံသုံးစွဲ၍ စားသုံးသူအသိပညာပေး ဆိုင်းဘုတ်၊ ပိုစတာကြီးများကို တိုင်းနှင့် ခရိုင်မြို့ကြီးများ၏ လူစည်းကားရာ လမ်းဆုံလမ်းခွများတွင် ချိတ်ဆွဲနိုင်ရေးဆောင်ရွက်ခဲ့ပါသည်။
စစ်ကိုင်းတိုင်းဒေသကြီး စားသုံးသူရေးရာဦးစီးဌာနအနေဖြင့် ဌာန၏ရည်မှန်းချက်များကို လိုက်ပါအကောင်အထည်ဖော် ဆောင်ရွက်လျက်ရှိပြီး စားသုံးသူကာကွယ်ရေးလုပ်ငန်းများကို လျာထားချက် ကျော်လွန်အောင် ဆောင်ရွက်လျက်ရှိပါကြောင်း တင်ပြလိုက်ရပါသည်။
DOCA(စစ်ကိုင်း)