ကရင်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးရုံး အစည်းအဝေးခန်းမ၌ (၂၇-၁၂-၂၀၂၂) ရက်နေ့ နံနက်(၁၁:၀၀)အချိန်ခန့်တွင် ကရင်ပြည်နယ် အစိုးရအဖွဲ့စီးပွားရေးရာဝန်ကြီး ဦးစောခင်မောင်မြင့်၊ ပြည်နယ်ဦးစီးမှူးဦးသန်းဦး၊ ပြည်နယ်စားသုံးဆီလုပ်ငန်းရှင်များအသင်းမှ ဥက္ကဋ္ဌ ဦးဖြိုးဇော်ထွန်း၊ ဒု-ဥက္ကဋ္ဌဦးဝဏ္ဏ၊ အတွင်းရေးမှူးဦးဝေလင်းအောင်တို့သည် ပြည်နယ်အတွင်း ဒေသခံ စားသုံးသူ ပြည်သူများကို သက်သာသော ဈေးနှုန်းဖြင့် ဖြန့်ဖြူးရောင်းချရန်အတွက် နိုင်ငံတော်မှ ရည်ညွှန်းဈေးဖြင့် ရောင်းချပေးသည့် စားသုံးဆီများအား လျင်မြန်စွာ ဖြန့်ဖြူးရောင်းချရန်အတွက် သတင်းပို့တင်ပြခဲ့ရာ စီးပွားရေးရာဝန်ကြီးက ဝယ်ယူရရှိသော စားသုံးဆီများအား ဘားအံမြို့နယ်နှင့် လှိုင်ဘွဲ့မြို့နယ်များရှိ ပြည်သူများကို ဈေးကားဖြင့် ဖြန့်ဖြူးရောင်းချပေးရန်နှင့် ရည်ညွှန်ဈေးနှုန်း ပါအတိုင်း ဈေးနှုန်း သတ်မှတ်၍ ရောင်းချသွားရန် စားသုံးဆီများကိုလည်း စဉ်ဆက်မပြတ် ဝယ်ယူ ဖြန့်ဖြူးရောင်းချသွားရန် လိုအပ်ကြောင်းနှင့် အမှန်တကယ်စားသုံးသူ ပြည်သူလက်ဝယ်သို့ ရောင်းချ ပေးရန်နှင့် အလေးချိန်၊ အရည်အသွေးများမှန်ကန်စွာ ဆောင်ရွက်နိုင်ရေး အလေးထားဆောင်ရွက် ရန်လမ်းညွှန်မှာကြားခဲ့ကြောင်း သတင်းရရှိသည်။
DOCA(ကရင်)