စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ တိုင်းဒေသကြီးဦးစီးမှူးရုံး၏ လမ်းညွှန်ချက်ဖြင့် ခရိုင်ဦးစီးမှူးနှင့် စစ်ဆေးရေးအရာရှိများ၊ မြို့နယ်စိုက်ပျိုးရေးဦးစီးဌာနမှဒု-လက်ထောက်ဦးစီးမှူးနှင့် ဝန်ထမ်းများ သည် (၂၃.၁၂.၂၀၂၂) ရက်နေ့နံနက် (၁၀:၃၀) အချိန်တွင် ပခုက္ကူမြို့မဈေးအတွင်းရှိ ပိုးသတ်ဆေးနှင့် ဓာတ်မြေဩဇာဆိုင်များအား ကုမ္ပဏီထုတ် မှတ်ပုံတင်ထားသော မြင်းပျံတံဆိပ်ဓာတ်မြေဩဇာအိတ်များထဲတွင် အခြားဓာတ်မြေဩဇာများထည့်သွင်း ရောင်းချခြင်းရှိ/မရှိကွင်းဆင်း စစ်ဆေးဆောင်ရွက်ခဲ့ပါသည်။
အဆိုပါ ပိုးသတ်ဆေးနှင့် ဓာတ်မြေဩဇာအရောင်းဆိုင်များအားကွင်းဆင်းစစ်ဆေးရာတွင် မြင်းပျံတံဆိပ်ဓာတ်မြေဩဇာမှာ မြန်မာပြည်မှ ထုတ်လုပ်ခြင်းမဟုတ်ဘဲ ထိုင်းနိုင်ငံမှ ဝင်ရောက်ခြင်း ဖြစ်ပြီးကုန်အမှတ်တံဆိပ်မှာထိုင်းဘာသာစာများဖြင်ဖော်ပြထားကြောင်း ၊အာဟာရဓာတ်အာမခံချက်၊ အသားတင်အလေးချိန်၊ တားမြစ်ချက်၊ သတိပြုရန် နှင့် သိုလှောင်ရန်များမှာ မြန်မာဘာသာဖြင့် ဖော်ပြထားသည်ကိုတွေ့ရှိရပြီး၊ ကုမ္ပဏီထုတ် မှတ်ပုံတင်ထားသောမြင်းပျံတံဆိပ်ဓာတ်မြေဩဇာအိတ်များထဲတွင် အခြားဓာတ်မြေဩဇာထည့်သွင်းရောင်းချခြင်းမရှိကြောင်း ပိုးသတ်ဆေးနှင့် ဓာတ်မြေဩဇာ အရောင်းဆိုင်များမှ သိရှိရပြီး ပခုက္ကူမြို့ပေါ်တွင် ကုမ္ပဏီထုတ် မှတ်ပုံတင်ပြီးသားမြင်းပျံ တံဆိပ် ဓာတ်မြေဩဇာများသာ ရောင်းချမှုရှိကြောင်း စစ်ဆေးသိရှိရပါသည်။
DOCA(မကွေး)