ရခိုင်ပြည်နယ်၊ စားသုံးသူရေးရာဦးစီးဌာန၊ တောင်ကုတ်ခရိုင်ဦးစီးမှူး ဦးမောင်ကျော်မြင့် (ဦးစီးအရာရှိ)သည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပူးပေါင်း၍ (၂၄-၁၂-၂၀၂၂) ရက်နေ့ နေ့လည် (၁:၀၀) နာရီအချိန်တွင် စားသုံးသူအကာအကွယ်ပေးရေး Talk Show အစီအစဉ်အား ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာန (Community Center) ခန်းမတွင် ကျင်းပပြုလုပ်ခဲ့ကြောင်း သိရှိရပါသည်။
အဆိုပါဆွေးနွေးပွဲတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးမြင့်ရွှေ (ဦးစီးအရာရှိ)မှ အဖွင့်အမှာစကားပြောကြားပြီး တောင်ကုတ်ခရိုင်ဦးစီးမှူး ဦးမောင်ကျော်မြင့် က စားသုံးသူရေးရာဦးစီးဌာန၏ ဆောင်ပုဒ်၊ ရည်မှန်းချက်၊ မျှော်မှန်းချက်နှင့် လုပ်ငန်းတာဝန်များ၊ စားသုံးသူကာကွယ်ရေးဥပဒေ၊ နည်းဥပဒေများ ပြဌာန်းထားရှိမှုအကြောင်း၊ စားသုံးသူကာကွယ်ရေး ဥပဒေပါ အကြောင်းအရာများ၊ စားသုံးသူအခွင့်အရေး (၈) ချက်နှင့် တာဝန် (၄) ချက်တို့အား ချပြ ဆွေးနွေးခြင်း၊ စီးပွားရေးလုပ်ငန်းရှင်များ၏တာဝန်များ၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ ဖော်ပြရမည့်အချက်များ၊ မိမိတို့ဌာနအနေဖြင့် “စားသုံးသူအခွင့်အရေးဦးစားပေး” ဆိုသည့် ဆောင်ပုဒ်နှင့်အညီ စားသုံးသူ ပြည်သူများ လုံခြုံစိတ်ချရမှုရှိစေရေး အကောင်အထည်ဖော် ဆောင်ရွက်နေမှုများ၊ စားသုံးသူအသိ ပညာပေးရေးလုပ်ငန်းဆောင်ရွက်နေမှုများအား အသိပေးရှင်းလင်းဆွေးနွေးခဲ့ကြောင်း သတင်း ရရှိပါသည်။
DOCA(ရခိုင်)