လွိုင်ကော်မြို့တွင် ကြက်သွန်ဖြူသည် နေ့စဉ်စားသုံးမှုရှိသော အခြေခံစားဖိုဆောင် သီးနှံဖြစ်သဖြင့် ဝယ်လိုအားပုံမှန်ရှိသည်။ ဒေသတွင်း ထုတ်လုပ်မှုအပြင် ရှမ်းပြည်နယ် တောင်ပိုင်းရှိ တောင်ကြီး၊ အောင်ပန်း၊ ကလော စည့်ဒေသများမှ ကြက်သွန်ဖြူများ ဝင်ရောက်လာပြီး ပြည်တွင်းဈေးကွက်များသို့ ဖြန့်ဖြူးရောင်းချကြသည်။ မြန်မာနိုင်ငံ၏ ကြက်သွန်ဖြူဈေးကွက်တွင်လည်း ရှမ်းကြက်သွန်ဖြူသည် အရေးပါပြီး တောင်ကြီးနှင့် အောင်ပန်းဘက်မှ ထွက်ကုန်များသည် အဓိကအရင်းအမြစ်များအဖြစ်တွေ့ရသည်။ ကြက်သွန်ဖြူသည် မြန်မာနိုင်ငံတွင် နေ့စဉ်ချက်ပြုတ်စားသုံးရာ၌ မရှိမဖြစ်အသုံး ပြုကြသော ဟင်းခတ်အမွှေးအကြိုင် သီးနှံတစ်မျိုးဖြစ်သဖြင့် ပြည်တွင်းဈေးကွက်တွင် ဝယ်လိုအား တည်ငြိမ်စွာရှိသည်။ အိမ်ထောင်စုများသာမက စားသောက်ဆိုင်များ၊ ဟင်းခတ်အမွှေး အကြိုင်ပြုလုပ်သူများနှင့် အစားအစာပြုပြင်ထုတ်လုပ်သည့် လုပ်ငန်းများကလည်း ကြက်သွန်ဖြူကို ပုံမှန်ဝယ်ယူသုံးစွဲကြသည်။ ထို့ကြောင့် ကြက်သွန်ဖြူသည် ရာသီအလိုက် ဈေးနှုန်းအတက်အကျရှိသော်လည်း ပြည်တွင်းတွင် အမြဲတမ်းဈေးကွက်ရှိသော စိုက်ပျိုး ရေးထွက်ကုန်တစ်မျိုးဖြစ်သည်။
မြန်မာနိုင်ငံတွင် ကြက်သွန်ဖြူကို အဓိကအားဖြင့် ရှမ်းပြည်နယ်တွင် စိုက်ပျိုးကြပြီး အင်းလေး၊ ဟဲဟိုး၊ ပင်းတယ၊ ရွာငံနှင့် အခြားတောင်ပေါ်ဒေသများမှ ထွက်ရှိသော ကြက်သွန်ဖြူများကို ဒေသတွင်းဈေးများမှတစ်ဆင့် မန္တလေး၊ ရန်ကုန်၊ နေပြည်တော်နှင့် အခြားမြို့များသို့ ကုန်သည်များက သယ်ယူဖြန့်ဖြူးရောင်းချကြသည်။ ထို့အပြင် ကယား ပြည်နယ်၊ လွိုင်ကော်မြို့တွင်လည်း ရှမ်းပြည်နယ်ဘက်မှ ဝင်ရောက်လာသောကြက်သွန်ဖြူ များသည် ပြည်တွင်းစားသုံးသူများ၏ လိုအပ်ချက်ကို ဖြည့်ဆည်းပေးသည့်အရေးပါသော ကုန်သွယ်လမ်းကြောင်းတစ်ခုဖြစ်သည်။
ကြက်သွန်ဖြူ၏ ဈေးနှုန်းသည် ထွက်ရှိမှုပမာဏ၊ ရာသီဥတုအခြေအနေ၊ ဝယ်လိုအား၊ သယ်ယူပို့ဆောင်ရေးရရိတ်နှင့် သိုလှောင်ထားသောပမာဏ တို့အပေါ်မူတည်၍ ပြောင်းလဲ လေ့ရှိသည်။ ရိတ်သိမ်းချိန်တွင် ကြက်သွန်ဖြူများ ဈေးကွက်အတွင်း အများအပြားဝင်ရောက် လာပါက ရောင်းလိုအားများပြားသဖြင့် ဈေးနှုန်းကျဆင်းနိုင်ပြီး ရာသီကုန်ချိန်တွင် ကုန်စည် လက်ကျန်နည်းလာပါက ဝယ်လိုအားနှင့်ရောင်းလိုအား မမျှတသဖြင့် ဈေးနှုန်းမြင့်တက်နိုင်
သည်။ ထို့အပြင် အလုံးကြီး၍အခြောက်ကောင်းပြီး အရည်အသွေးမြင့်သော ကြက်သွန်ဖြူ များသည် အလုံးသေး သို့မဟုတ် ပျက်စီးမှုရှိသော ကြက်သွန်ဖြူများထက် ဈေးပိုမိုရရှိ တက်သည်။
ကြက်သွန်ဖြူသည် ပြည်တွင်းစားသုံးမှုမြင့်မားပြီး ဈေးကွက်ဝင်သော သီးနှံတစ်မျိုး ဖြစ်သည်။ ကယားပြည်နယ်အတွင်း ၂၀၂၅-၂၀၂၆ ခုနှစ်တွင် ၁၃၆၆ စိုက်ဧက၊ ၂၁၅၅၁၁၂ ပိဿာခန့်အထွက်နှုန်းရှိကြောင်း သက်ဆိုင်ရာစာရင်းအရသိရပါသည်။ ပြည်နယ်တွင် ကြက်သွန်ဖြူထွက်ရှိသော်လည်း စားသုံးမှု၏လိုအပ်ချက်အရ ရှမ်းတောင်မှ တင်သွင်း ရောင်းချကြောင်း သီရိမင်္ဂလာဈေးတွင် ကြက်သွန်ဖြူ ရှမ်းစ(ဒေသစ) တစ်ပိဿာ (၁၀၀၀၀) ကျပ် နှင့် ကြက်သွန်ဖြူ (ကြူကုပ်) တစ်ပိဿာ (၂၀၀၀၀) ကျပ်ဖြင့် ရောင်းချလျှက်ရှိကြောင်း ဈေးသည်တစ်ဦးထံမှသိရှိရပါသည်။ ထုတ်လုပ်သူများ အနေဖြင့် အရည်အသွေးကောင်းသော မျိုးများကိုစိုက် ပျိုးခြင်း၊ ရိတ်သိမ်းပြီးနောက် စနစ်တကျအခြောက်ခံခြင်းနှင့် သိုလှောင် ခြင်း၊ ထို့အပြင် ဈေးကွက်ဝယ်လိုအားကို လေ့လာ၍ အချိန်ကိုက်ရောင်းချခြင်းတို့ ပြုလုပ် နိုင်ပါက ဝင်ငွေနှင့်အကျိုးအမြတ် ပိုမိုရရှိနိုင်မည် ဖြစ်သည်။
DOCA(ကယား)