ကျောက်ဆည်ခရိုင်၊စားသုံးသူရေးရာဦးစီးဌာနမှ စစ်ဆေးရေးအရာရှိများသည် စက်တင်ဘာလ (၁၈)ရက်နေ့ ၊ နံနက်(၈း၃၀)အချိန်တွင် စဉ့်ကိုင်မြို့နယ်အတွင်းရှိ စားသုံးဆီ အရောင်းဆိုင်များ သို့သွားရောက်ပြီး စစ်ဆေးခဲ့ရာ စဉ့်ကိုင်မြို့နယ်အတွင်းရှိ အိမ်ထောင်စုအလိုက် အိမ်ထောင်စု တစ်စုလျှင် စားအုန်းဆီ(၂.၅)ပိဿာနှုန်းဖြင့် ရောင်းချနေမှု နှင့် စားအုန်းဆီများအား စာအုပ်များဖြင့် ထုတ်ပေးလျက်ရှိရာ ရပ်ကွက်/ကျေးရွာအုပ်စုများအား အိမ်ထောင်စုအလိုက် ထုတ်ပေးထားသည့် စာအုပ်အဟောင်းများစိစစ်ခြင်း နှင့် စာအုပ်အသစ်များ ထုတ်ပေးခြင်းတို့အား ကွင်းဆင်းစစ်ဆေး ခဲ့ပါသည်။ ထိုသို့စစ်ဆေးရာတွင် ပြည်သူများအား စားအုန်းဆီရောင်းချသည့် စားအုန်းဆီအရောင်း ကိုယ်စားလှယ်များအနေဖြင့် စားအုန်းဆီရောင်းချရာတွင် ဈေးနှုန်းမှန်၊ အချိန်အတွယ်မှန်၊ အချိန်မှန်၊ နေရာမှန်၊ အလေးချိန်မှန်၊ အရည်အသွေးမှန် စသည့် (မှန်) ၆ (မှန်) ဖြင့် ရောင်းချပေးရေး၊ စာအုပ်များ၊ သန်းခေါင်စာရင်း၊ အိမ်ထောင်စုစာရင်း စသည်တို့ဖြင့် တိကျမှန်ကန်စွာ ရောင်းချပေးရေး စသည်တို့ကို စားအုန်းဆီရောင်းချသည့် ကိုယ်စားလှယ်များအား ပြောကြားခဲ့ကြောင်း သတင်းရရှိ ပါသည်။
DOCA(မန္တလေး)