စားသုံးသူရေးရာဦးစီးဌာန ၊ ပဲခူးခရိုင် ၊ ပဲခူးမြို့နယ်တာဝန်ခံနှင့် ပဲခူးတိုင်းဒေသကြီး ဦးစီးမှူးရုံး ၊ ထုတ်ကုန်လုံခြုံစိတ်ချရမှု ဌာနခွဲတာဝန်ခံ ဦးကျော်ဆန်းဝင်းတို့သည် ပဲခူးခရိုင် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် ပူးပေါင်း၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ လူထုအခြေပြု ဗဟိုဌာန၌ ၂၃.၁၂.၂၀၂၂ ရက်နေ့တွင် ထုတ်ကုန်လုံခြုံစိတ်ချရမှုအစ ကုန်အညွှန်း အမှတ်အသားခေါင်းစဉ်ဖြင့် စားသုံးသူကာကွယ်ရေးဆိုင်ရာ အသိပညာပေးဆွေးနွေးပွဲကို Talk Show အစီအစဉ်ဖြင့် ကျင်းပပြုလုပ်ခဲ့ပါသည် ။
ဆွေးနွေးပွဲတွင် ပဲခူးတိုင်းဒေသကြီးဦးစီးမှူးရုံး ထုတ်ကုန်လုံခြုံစိတ်ချရမှု ဌာနခွဲတာဝန်ခံ ဦးကျော်ဆန်းဝင်းက ထုတ်ကုန်လုံခြုံစိတ်ချရမှုနှင့် ပတ်သက်၍ ကုန်အညွှန်းအမှတ်အသား၏ အရေးပါပုံများ ၊ စီးပွားရေးလုပ်ငန်းရှင်များအနေဖြင့် ကုန်စည်များ ထုတ်လုပ်ဖြန့်ဖြူးရောင်းချရာတွင် လိုက်နာမည့် ကုန်အညွှန်းအမှတ်အသားဆိုင်ရာ ကိစ္စရပ်များနှင့် စားသုံးသူကာကွယ်ရေး ဥပဒေတွင် ပြဋ္ဌာန်းထားသော ထုတ်ကုန်လုံခြုံစိတ်ချရမှုဆိုင်ရာ ဥပဒေပုဒ်မ များကို အကျယ်တဝင့် ရှင်းလင်း ဆွေးနွေးခဲ့ပြီး စားသုံးသူနစ်နာမှုများ ဖြစ်ပေါ်လာပါက တိုင်ကြားနိုင်ရေးအတွက် စားသုံးသူ သတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ ( CICC ) များ ဖွင့်လှစ်ထားရှိ၍ တိုင်ကြားမှုများကို ညှိနှိုင်းဖြေရှင်းဆောင်ရွက်နေမှု အခြေအနေများကို ရှင်းလင်းဆွေးနွေးခဲ့ကြောင်း သိရှိရပြီး ဆွေးနွေးပွဲအပြီးတွင် ပဲခူးမြို့နယ်အတွင်းရောင်းချနေသော ကုန်စုံဆိုင်များရှိ သွားတိုက်ဆေးများတွင် ကုန်အညွှန်းအမှတ်အသား ဖော်ပြခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။
DOCA(ပဲခူး)