စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပုဂ္ဂလိကကဏ္ဍဖွံ့ဖြိုးရေးလုပ်ငန်းများ၊ ပြည်တွင်း ကုန်သွယ်ရေးဖွံ့ဖြိုးမှုနှင့် သုတေသနလုပ်ငန်းများ ဆောင်ရွက်လျက်ရှိရာ ဒီဇင်ဘာလ တတိယပတ်အတွင်း ရွှေဘိုခရိုင်စားသုံးသူရေးရာဦးစီးဌာနမှ ဒု-ခရိုင်ဦးစီးမှူး၊ ရွှေဘိုမြို့နယ်တာဝန်ခံနှင့် ထုတ်ကုန်လုံခြုံ စိတ်ချရမှုဌာနခွဲတာဝန်ခံတို့သည် ရွှေဘိုမြို၊ အမှတ်(၄)ရပ်ကွက်၊ အောင်ဇေယျရပ်ရှိ တီစူးအာလူးကြော် လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။
ထိုသို့တွေ့ဆုံဆွေးနွေးရာတွင် စီးပွားရေးလုပ်ငန်းရှင်မှ တီစူးအာလူးကြော်လုပ်ငန်းအနေဖြင့် ရွှေဘိုမြို့ရှိ ဈေးကွက်အတွင်းဖြန့်ဖြူးရောင်းချသည်မှာ (၅)လခန့်သာရှိသေးကြောင်း၊ အာလူးကြော်ရာတွင် တရုတ်အာလူးများအသုံးပြု၍မရဘဲ ရှမ်းပြည်ထွက်အာလူးများကို အသုံးပြုကြောင်း၊ အာလူးကြော်ရန်အတွက် ပထမဦးစွာအာလူးကို အခွံနွာပြီးခြစ်နှင့်ခြစ်၍ ရေဖြင့်စင်ကြယ်စွာဆေးကြောပြီး ရေကြည်ပါက ဆားရေဖြင့် ၁၅မိနစ်၊ မိနစ်၂၀ကြာစိမ်ရကြောင်း၊ ဆားရေဖြင့်စိမ်ပြီးသောအာလူးများကို သန့်စင်သော သံဇကာဖြင့်ရေစစ်ထားပြီး အချိုမှုန့်အနည်းငယ်ဖြင့်ရောနယ်၍ မြေပဲဆီသန့်ကို အသုံးပြုပြီးကြော်ကြောင်း၊ မြေပဲဆီသန့်ကိုအသုံးပြုသဖြင့် တစ်လခန့်အထားခံကြောင်း၊ အာလူးကြော်များကို အထုပ်တွဲများပြုလုပ်၍ ရောင်းချခြင်းမဟုတ်ဘဲ ပလပ်စတစ်ဘူးများဖြင့် ထည့်သွင်းရောင်းချကြောင်း၊ လက်လီ(၁၂၀ဝိ/-)တန်နှင့် လက်ကား(၁၁၀ဝိ/-)တန်ဘူး၊ လက်လီ(၄၅၀ဝိ/-)တန်နှင့် လက်ကား(၄၂၅ဝိ/-)ဘူးနှစ်မျိုးသာ ပြုလုပ် ရောင်းချကြောင်း၊ ယခုလတ်တလောအချိန်တွင် ရွှေဘိုမြို့ရှိ လက်လီ/လက်ကားရောင်းချသည့် ဆိုင်(၁၀)ဆိုင်ခန့်သာ ဖြန့်ဖြူးရောင်းချလျက်ရှိကြောင်း သိရှိရသဖြင့် စီးပွားရေးလုပ်ငန်းတစ်ခုအနေဖြင့် ပိုမိုကျယ်ပြန့်စွာဆောင်ရွက်နိုင်ရန်အတွက် ကုန်အညွှန်းအမှတ်အသားများ ပြည့်စုံစွာဖော်ပြရန် လိုအပ်ကြောင်းနှင့် သက်ဆိုင်ရာဌာနများ၏ လုပ်ငန်းလိုင်စင်များရယူဆောင်ရွက်လိုပါက သက်ဆိုင်သည့်ဌာနများနှင့် ချိတ်ဆက်ဆောင်ရွက်ပေးမည်ဖြစ်ကြောင်း ဆွေးနွေးခဲ့ရာ စီးပွားရေးလုပ်ငန်းရှင်မှလည်း ယခုအချိန်တွင် မိသားစုတစ်နိုင်တစ်ပိုင်ဆောင်ရွက်သည့် လုပ်ငန်းအဆင့်သာဖြစ်ပြီး မကြာမီအချိန်တွင် လုပ်ငန်းတိုးချဲ့ပြီး လိုအပ်သောလုပ်ငန်းလိုင်စင်များပြုလုပ် ဆောင်ရွက်မည့်အစီအစဉ်ရှိကြောင်း သတင်းရရှိပါသည်။
DOCA(စစ်ကိုင်း)