ဗီယက်နမ်၏ လက်လီရောင်းချမှုနှင့် ဝန်ဆောင်မှုလုပ်ငန်းများ တိုးတက်လာ

          ဗီယက်နမ်နိုင်ငံ၏ ကုန်ပစ္စည်းလက်လီရောင်းချမှုနှင့် စားသုံးသူဝန်ဆောင်မှုလုပ်ငန်းများမှ စုစုပေါင်းရငွေသည် ၂၀၂၆ ခုနှစ် ပထမ ၈ လအတွင်း ဗီယက်နမ်ဒေါင် ၅.၂၃ ကွာဒရီလီယံကျော် (အမေရိကန်ဒေါ်လာ ၂၀၄.၅ ဘီလီယံခန့်) ရရှိခဲ့ပြီး ယခင်နှစ် အလားတူကာလထက် ၁၃.၃ ရာခိုင်နှုန်း မြင့်တက်ခဲ့သည်ဟု အမျိုးသားစာရင်းအင်းရုံးကို ကိုးကား၍ ဗီယက်နမ်သတင်းအေဂျင်စီ က စက်တင်ဘာလ ၄ ရက်နေ့တွင် ဖော်ပြခဲ့သည်။

           အမျိုးသားစာရင်းအင်းရုံး၏ အချက်အလက်များအရ ကုန်ပစ္စည်းလက်လီရောင်းချမှုမှ ရငွေမှာ ဗီယက်နမ်ဒေါင် ၃.၉၅ ကွာဒရီလီယံနီးပါး ရှိခဲ့ပြီး ယခင်နှစ် အလားတူကာလထက် ၁၂.၈ ရာခိုင်နှုန်း တိုးတက်ခဲ့သည်။

        ဟိုတယ်တည်းခိုခြင်းနှင့် စားသောက်ဝန်ဆောင်မှုလုပ်ငန်းများမှ ရငွေမှာ ဗီယက်နမ်ဒေါင် ၆၇၀.၃ ထရီလီယံ ရှိခဲ့ပြီး ယခင်နှစ်ထက် ၁၆.၄ ရာခိုင်နှုန်း တိုးတက်ခဲ့သည်။ ထို့အပြင် ခရီးသွား ဝန်ဆောင်မှုလုပ်ငန်းမှ ရငွေမှာ ဗီယက်နမ်ဒေါင် ၆၈.၇ ထရီလီယံခန့် ရှိခဲ့ပြီး ယခင်နှစ် အလားတူ ကာလထက် ၁၇.၁ ရာခိုင်နှုန်း တိုးတက်ခဲ့ကြောင်း သတင်းတွင် ဖော်ပြထားသည်။ 

DOCA (ရန်ကုန်)