အိန္ဒိယနိုင်ငံ၏ ၂၀၂၆ ခုနှစ် မိုးသီးနှံစိုက်ပျိုးဧရိယာသည် ၂၀၂၆ ခုနှစ်၊ ဩဂုတ်လ ၇ ရက်နေ့ အထိ ၉၆၇.၉၂ ဟက်တာသိန်းရှိခဲ့ပြီး၊ ယခင်နှစ် အလားတူကာလ ၉၈၅.၈၉ ဟက်တာသိန်းနှင့် နှိုင်းယှဉ်ပါက ၁၇.၉၆ ဟက်တာသိန်း၊ ၁.၈၂ ရာခိုင်နှုန်း လျော့နည်းခဲ့သည်။ ဆန်၊ ပဲစင်းငုံ၊ ပဲတီစိမ်း၊ ပြောင်း၊ နှံစားသီးနှံများနှင့် ဝါစိုက်ဧရိယာ လျော့နည်းလာခြင်းကြောင့် ထုတ်လုပ်မှုအပေါ် စိုးရိမ်မှု များ မြင့်တက်နိုင်ပြီး အဆိုပါအခြေအနေက သီးနှံဈေးနှုန်းမြင့်တက်မှုကို အထောက်အပံ့ပေးနိုင် ကြောင်း သိရသည်။
ဆီထွက်သီးနှံများဖြစ်သည့် မြေပဲ၊ နှမ်းနှင့် နေကြာစိုက်ဧရိယာမှာ ၅.၁၉ ဟက်တာသိန်း တိုး တက်လာခဲ့သည်။ ပဲပုပ်စိုက်ဧရိယာမှာလည်း ၁၁၉.၉၂ ဟက်တာသိန်းအထိ အနည်းငယ်တိုးတက် လာခဲ့သည်။ မတ်ပဲ၊ နေကြာနှင့် အခြားဆီထွက်သီးနှံများတွင် ရာခိုင်နှုန်းအရ တိုးတက်မှုများ ရှိခဲ့သော်လည်း ကြက်ဆူနှင့် နိုင်ဂျာစေ့တို့မှာ လျော့နည်းနေဆဲဖြစ်ရာ အဓိကမိုးသီးနှံများ၏ စိုက်ပျိုးမှုအခြေအနေမှာ သီးနှံအမျိုးအစားအလိုက် ကွဲပြားလျက်ရှိကြောင်း သိရသည်။
အိန္ဒိယနိုင်ငံစိုက်ပျိုးရေးနှင့် လယ်သမားသက်သာချောင်ချိရေးဝန်ကြီးဌာန၏ အချက်အလက် များအရ ၂၀၂၆ ခုနှစ်၊ ဩဂုတ်လ ၇ ရက်နေ့အထိ မိုးသီးနှံစုစုပေါင်း စိုက်ပျိုးဧရိယာမှာ ၉၆၇.၉၂ ဟက်တာသိန်းရှိခဲ့ပြီး၊ ယခင်နှစ်အလားတူကာလ ၉၈၅.၈၉ ဟက်တာသိန်းနှင့် နှိုင်းယှဉ်ပါက ၁၇.၉၆ ဟက်တာသိန်း၊ ၁.၈၂ ရာခိုင်နှုန်း လျော့နည်းခဲ့သည်။ စပါးစိုက်ဧရိယာမှာ ၃၄၄.၇၈ ဟက်တာသိန်းရှိပြီး ယခင်နှစ်အောက် ၁၅.၉၀ ဟက်တာသိန်း၊ ၄.၄၁ ရာခိုင်နှုန်း လျော့နည်းခဲ့သည်။ ပဲမျိုးစုံစိုက်ဧရိယာ စုစုပေါင်းမှာ ၁၀၃.၇၈ ဟက်တာသိန်း ရှိပြီး ယခင်နှစ်အောက် ၁.၉၅ ဟက်တာ သိန်း၊ ၁.၈၄ ရာခိုင်နှုန်း လျော့နည်းခဲ့သည်။
'Shri Anna’ နှံစားသီးနှံနှင့် အခြားနှံစားသီးနှံများ၏ စိုက်ပျိုးဧရိယာသည်လည်း ယခင်နှစ် ထက် လျော့နည်းနေပြီး စုစုပေါင်း စိုက်ဧရိယာမှာ ၁၆၈.၅၀ ဟက်တာသိန်းရှိကာ ၄.၇၁ ဟက်တာ သိန်း၊ ၂.၇၂ ရာခိုင်နှုန်းလျော့နည်းခဲ့သည်။ ပြောင်းစိုက်ပျိုးဧရိယာမှာ ၃.၈၄ ရာခိုင်နှုန်း လျော့နည်း ခဲ့ပြီး ပုလဲနှံစားပြောင်းနှင့် ရာဂီနှံစား ပြောင်းတို့၏ စိုက်ပျိုးဧရိယာများလည်း လျော့နည်းခဲ့သည်။
ဆီထွက်သီးနှံများ၏ စိုက်ပျိုးမှုမှာ တိုးတက်မှုကောင်းများ ပြသခဲ့ပြီး ဆီထွက်သီးနှံစုစုပေါင်း စိုက်ဧရိယာမှာ ၁၈၀.၂၀ ဟက်တာသိန်းရှိပြီး ယခင်နှစ်ထက် ၅.၁၉ ဟက်တာသိန်း၊ ၂.၉၇ ရာခိုင်နှုန်း တိုးတက်လာခဲ့သည်။ မြေပဲစိုက်ဧရိယာမှာ ၈.၆၁ ရာခိုင်နှုန်း၊ နှမ်းမှာ ၁၆.၉၄ ရာခိုင်နှုန်းနှင့် နေကြာ သီးနှံမှာလည်း ၇၂.၉၁ ရာခိုင်နှုန်းအထိ အသီးသီးမြင့်တက်လာခဲ့သည်။ ပဲပုပ်စိုက်ဧရိယာမှာလည်း ၁၁၉.၉၂ ဟက်တာသိန်း ရှိပြီး ယခင်နှစ်ထက် ၀.၂၂ ရာခိုင်နှုန်း တိုးလာခဲ့ကြောင်း သိရသည်။
မိုးသီးနှံကာလအတွင်း အဓိကစားနပ်ရိက္ခာသီးနှံများ၏ စိုက်ပျိုးဧရိယာလျော့နည်းနေခြင်း သည် သီးနှံဈေးနှုန်းမြင့်တက်မှုကို ဆက်လက်အထောက်အပံ့ပေးနေပြီး ဆီထွက်သီးနှံ စိုက်ပျိုးမှု တိုးတက်လာခြင်းက စားသုံးဆီဈေးကွက်များအတွင်း ပစ္စည်းပြတ်လပ်မှုဖြစ်ပေါ်စေနိုင်သည့် စိုးရိမ်မှုများကို တစ်စိတ်တစ်ဒေသ လျော့ပါးစေနိုင်ကြောင်း သိရသည်။
Source: Investing.Com, 10 August 2026 (လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)