မွန်ပြည်နယ်၊ ဘီးလင်းမြို့နယ်ဒေသထွက် ဗမာဒူးရင်းသီးများသည် ဇွန်လမှ စတင်၍ ဈေးကွက်အတွင်း ဝင်ရောက်ထွက်ပေါ်လာခဲ့ပြီး ဇူလိုင်လနှင့် ဩဂုတ်လတို့တွင် အများဆုံး လှိုင်လှိုင်ထွက်ရှိလျက်ရှိကြောင်း သိရသည်။
ဘီးလင်းမြို့နယ်ရှိ အလူးလေးကျေးရွာ၊ အလူးကြီးကျေးရွာ၊ ပိုင်ဒယ်ကျေးရွာ၊ နတ်ကြီးကျေးရွာနှင့် မဲပိုင်ကျေးရွာတို့မှ ဒူးရင်းသီးခြံပိုင်ရှင်များသည် ၎င်းတို့ စိုက်ပျိုးထွက်ရှိ သည့် ဒူးရင်းသီးများကို ဘီးလင်းမြို့ပေါ်သို့ တိုက်ရိုက်လာရောက်ရောင်းချလျက်ရှိကြောင်း သိရသည်။ ထို့ပြင် ဘီးလင်းမြို့ရှိ ဒူးရင်းသီးရောင်းချသူများကလည်း အဆိုပါကျေးရွာများသို့ သွားရောက်ဝယ်ယူပြီး မြို့ပေါ်ဈေးကွက်တွင် ပြန်လည်ဖြန့်ဖြူးရောင်းချလျက်ရှိကြောင်း သိရသည်။
လက်ရှိတွင် ဒူးရင်းသီးများမှာ အရွယ်အစားအလိုက် အသေးတစ်လုံးလျှင် ကျပ် ၇၀၀၀ ဝန်းကျင်မှ အကြီးတစ်လုံးလျှင် ကျပ် ၂၀၀၀၀ ဝန်းကျင်အထိ ဈေးကောင်းရရှိလျက် ရှိပြီး အရောင်းအဝယ်သွက်လျက်ရှိကြောင်း သိရသည်။ ဒူးရင်းသီးများ ဈေးကောင်းရရှိကာ အရောင်းအဝယ်ဖြစ်ထွန်းလျက်ရှိသည့်အတွက် ဘီးလင်းမြို့နယ်ရှိ ဒူးရင်းသီးစိုက်ပျိုးသူများ နှင့် ခြံပိုင်ရှင်များအတွက် ဝင်ငွေအဆင်ပြေလျက်ရှိကြောင်း ဒေသခံစိုက်ပျိုးရောင်းချသူများ ထံမှ သိရသည်။
ဘီးလင်းမြို့ပေါ်တွင် လာရောက်ရောင်းချသည်များရှိသကဲ့သို့ ဘီးလင်းမြို့မှ ဒူးရင်းသီး ရောင်းချသူများမှလည်း ထိုကျေးရွာများသို့ သွားရောက်ဝယ်ယူ၍ ဘီးလင်းမြို့တွင် ပြန်လည်ရောင်းချသူများလည်းရှိကြောင်း၊ ဒူးရင်းသီးတစ်လုံးလျှင် အရွယ်အစားအလိုက် အသေး တစ်လုံးလျှင် (၇၀၀၀) ကျပ်၊ အကြီးတစ်လုံးလျှင် ပျမ်းမျှအားဖြင့် (၂၀၀၀၀) ကျပ် ဝန်းကျင်ဖြင့် အရောင်းအဝယ်ဖြစ်ထွန်းနေပြီး ဈေးကောင်းရရှိ၍ အရောင်းသွက်သော ကြောင့် ဘီးလင်းမြို့နယ်မှ ဒူးရင်းခြံပိုင်ရှင်များ အဆင်ပြေလျက်ရှိကြောင်း သိရသည်။
DOCA (မွန်)