ကမ္ဘာလုံးဆိုင်ရာ စိန်ခေါ်မှုများ ရှိနေသော်လည်း ဗီယက်နမ်နိုင်ငံသည် ၂၀၂၆ ခုနှစ်အတွက် စီးပွားရေးတိုးတက်မှု ရည်မှန်းချက် ၁၀ ရာခိုင်နှုန်းရရှိရန် ဆက်လက်သန္နိဋ္ဌာန်ချထားကြောင်း Vietnam News Agency က ဇွန်လ ၁၇ ရက်နေ့တွင် ဖော်ပြခဲ့သည်။
အရှေ့အလယ်ပိုင်းဒေသ၏ ပထဝီနိုင်ငံရေး တင်းမာမှုများ၊ ရေနံစျေးနှုန်း မတည်ငြိမ်မှုများနှင့် ကမ္ဘာ့ငွေကြေးဖောင်းပွမှု ဖိအားများကြားမှ ယခုနှစ် ပထမ ၅ လအတွင်း စီးပွားရေးတိုးတက်မှုသည် ၁.၈၃ ရာခိုင်နှုန်းခန့်အထိ ရှိခဲ့ပြီး ယင်းမှာ အပြုသဘောဆောင်သည့် ရလဒ်တစ်ခုဖြစ် သော်လည်း လျာထားသည့် လမ်းကြောင်းအောက်တွင်မူ ရှိနေသေးကြောင်း ဘဏ္ဍာရေးဝန်ကြီးဌာနက ထိုနေ့တွင်ပြုလုပ်သည့် ပုံမှန်သတင်းစာရှင်းလင်းပွဲ၌ ပြောကြားခဲ့သည်။
သတ်မှတ်ထားသော တိုးတက်မှုရည်မှန်းချက် ပြည့်မီစေရန် ဒေသန္တရအဖွဲ့အစည်းများနှင့် စီးပွားရေးလုပ်ငန်းများကို ပံ့ပိုးကူညီနိုင်မည့် သင့်လျော်သော မူဝါဒရေးရာ အစီအမံများကိုချမှတ်နိုင်ရန် ဝန်ကြီးဌာနအနေဖြင့် သက်ဆိုင်ရာအေဂျင်စီများနှင့် ပူးပေါင်း၍ တိုးတက်မှုအခြေ အနေများကို ပြန်လည်သုံးသပ်လျက်ရှိသည်။
ဘဏ္ဍာရေးဝန်ကြီးဌာန၏ ကိန်းဂဏန်းအချက်အလက်များအရ ဇန်နဝါရီမှ မေလအထိ ကာလအတွင်း ဗီယက်နမ်နိုင်ငံ၏ စုစုပေါင်း ကုန်သွယ်မှုပမာဏသည် ယခင်နှစ် အလားတူကာလ ထက် ၂၅ ရာခိုင်နှုန်း မြင့်တက်ခဲ့ပြီး အမေရိကန်ဒေါ်လာ ၄၄၅.၁ ဘီလီယံအထိ ရှိခဲ့ကြောင်း၊ ထိုကာလအတွင်း ကုန်သွယ်မှုလိုငွေပြမှုမှာ အမေရိကန်ဒေါ်လာ ၁၃.၈ ဘီလီယံ ရှိခဲ့ပြီး ဇွန်လ ၇ ရက်နေ့အထိတွင်မူ ၁၅.၃၆ ဘီလီယံအထိ ပိုမိုကျယ်ပြန့်လာခဲ့ကြောင်း သိရှိရပါသည်။
Source : Xinhua
DOCA (ရန်ကုန်)