၂၀၂၆ ခုနှစ်၊ ဇွန်လ ၂ ရက်နေ့တွင် စစ်ကိုင်းတိုင်းဒေသကြီး၊ အစားအသောက်နှင့် ဆေးဝါးကွပ်ကဲရေးဦးစီးဌာနမှ ဦးဆောင်၍ တိုင်းဒေသကြီးစားသုံးသူရေးရာဦးစီးဌာန၊ ခရိုင်ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ရဲ တပ်ဖွဲ့နှင့် ပူးပေါင်း၍ မုံရွာမြို့ပေါ်ရှိ နန္ဒဝန်အိမ်ရာဈေးတွင် ရောင်းချလျက်ရှိသော စားသောက်ကုန်ပစ္စည်းများအား ဈေးကွက်ထောက်လှမ်း၍ နမူနာကောက်ယူပြီး Mobile Lab Van ဖြင့် ဓာတ်ခွဲ စစ်ဆေးဆောင်ရွက်ခဲ့ကြောင်း သိရှိရပါသည်။
ထိုသို့ စစ်ဆေးရာတွင် နန္ဒဝန်အိမ်ရာဈေးတွင် ရောင်းချလျက်ရှိသော စားသောက်ကုန်ပစ္စည်းများအနက်မှ ပဲပြား (၁) မျိုးတွင် ခွင့်မပြုဓာတုတာရှည်ခံပစ္စည်း (Formalin) ပါဝင်နေကြောင်း စစ်ဆေးတွေ့ရှိရပါသဖြင့် အစားအသောက်နှင့် ဆေးဝါးကွပ်ကဲရေးကော်မတီမှ ဆိုင်ရှင်အား နောက်နောင်မရောင်းချရန် ဆိုင်ရှင်အား ဝန်ခံကတိလက်မှတ်ရေးထိုးခဲ့ကြောင်း သိရှိရပါသည်။
DOCA(စစ်ကိုင်း)