လက်ရှိ ၂၀၂၆-၂၀၂၇ ဘဏ္ဍာနှစ်၊ ဧပြီလအတွင်း အမေရိကန်ဒေါ်လာ ၁.၁၆ သန်းကျော် တန်ဖိုးရှိသော ပုစွန် မက်ထရစ်တန် ၃၅၀ ကျော်ကို မြန်မာနိုင်ငံမှ နိုင်ငံတကာ ကုန်သွယ်ဖက်နိုင်ငံများသို့ တင်ပို့နိုင်ခဲ့ကြောင်း ငါးလုပ်ငန်းဦးစီးဌာနက ထုတ်ပြန်ခဲ့ကြောင်း သိရသည်။
ပြီးခဲ့သည့်လအတွင်း မြန်မာနိုင်ငံသည် ပင်လယ်ရေကြောင်းမှတစ်ဆင့် အမေရိကန်ဒေါ်လာ ၁.၀၉ သန်း တန်ဖိုးရှိသော ပုစွန် ၃၃၉.၂၈ မက်ထရစ်တန် တင်ပို့ခဲ့ပြီး၊ နယ်စပ်ကုန်သွယ်ရေးမှတစ်ဆင့် အိမ်နီးချင်းနိုင်ငံများသို့ အမေရိကန်ဒေါ်လာ ၀.၀၇ သန်း တန်ဖိုးရှိသော ပုစွန် ၁၂.၇၆ မက်ထရစ်တန် တင်ပို့ခဲ့ရာ စုစုပေါင်းတင်ပို့မှု တန်ချိန် ၃၅၂.၀၄ မက်ထရစ်တန်ခန့် ရှိလာခဲ့ကြောင်း သိရပါသည်။
ပြီးခဲ့သည့် ၂၀၂၄-၂၀၂၅ ဘဏ္ဍာနှစ်တွင် မြန်မာနိုင်ငံသည် ပုစွန်တန်ချိန် ၉,၀၀၀ ကျော် တင်ပို့ခဲ့ပြီး အမေရိကန်ဒေါ်လာ သန်း ၃၀ ရရှိခဲ့ကြောင်း ငါးလုပ်ငန်းဦးစီးဌာနမှ ထုတ်ပြန်သော ထုတ်ပြန်ချက်များအရ သိရပါသည်။
မြန်မာနိုင်ငံသည် ပင်လယ်ရေကြောင်းနှင့် နယ်စပ်ကုန်သွယ်ရေး လမ်းကြောင်းများမှ တစ်ဆင့် တရုတ်၊ ထိုင်း၊ ဘင်္ဂလားဒေ့ရှ်နှင့် ဂျပန်နိုင်ငံ အပါအဝင် နိုင်ငံပေါင်း ၄၀ သို့ ရေထွက် ပစ္စည်းများကို ပုံမှန်တင်ပို့လျက်ရှိကြောင်း သိရှိရပါသည်။
Source: The Global New Light of Myanmar
DOCA (ရန်ကုန်)