ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့မဈေးတွင် ဧပြီလကုန် မေလဆန်းတွင် သရက်သီးမှည့်များပေါ်ထွက်နေပြီ ဖြစ်သောကြောင့် ဈေးကွက်၌ ရောင်းချနေသော သရက်သီးအမျိုးအစားနှင့် သရက်သီးဈေးနှုန်းများကို သွားရောက်မေးမြန်းရာမှာ ယခုနှစ် ၂၀၂၆ခု မေလ ပထမပတ်တွင် စိန်တစ်လုံး သရက်သီးမှည့် တစ်လုံးလျှင် အရွယ်အစားကိုလိုက်၍ (၇၀၀မှ၈၀၀)ကျပ်ဖြင့် အရောင်းအဝယ် ဖြစ်နေကြောင်းသိရသည်။ ယခင်နှစ်က သရက်သီးမှည့် စတင်ပေါ်ထွက်ချိန်တွင် ဈေးကွက်၌ စိန်တစ်လုံးသရက်သီး တစ်လုံးလျှင် (၁၀၀၀မှ၁၂၀၀)ကျပ်ထိ ရောင်းချနိုင်ခဲ့ကြောင်း ယခုနှစ်ဈေးကွက်တွင် သရက်သီးအမှည့်များ စတင်ပေါ်ထွက်နေသော်လည်း အခြေအနေမှာ ယခင်နှစ်များက သရက်သီးမှည့် စတင်ပေါ်ထွက်ချိန်ဈေးကွက်၌ စိန်တစ်လုံး သရက်သီး တစ်လုံးလျှင် (၁၀၀၀မှ၁၂၀၀)ကျပ်နှုန်း ရရှိခဲ့ခြင်းကြောင့် ယခင်နှစ် ကထက်စာရင် ယခုနှစ်တွင် ဈေးကျဆင်းနေကြောင်း သိရှိရပါသည်။ စိန်တစ်လုံး သရက်သီးမှည့်ဈေးနှုန်း ကျသော်လည်း ရင်ကွဲသရက်သီးများမှာ ဧပြီလ စတုတ္ထပတ်တွင် လေပြင်းတိုက်ခတ်မှုကြောင့် ကြွေကျသွားပါ၍ ရင်ကွဲသရက်သီးမှည့်ချိန်တွင် အမှည့်ရရှိမှု နည်းပါးနိုင်ကြောင်း သရက်သီးမှည့် ရောင်းချသူများထံမှသိရပါသည်။
DOCA(ပဲခူး)