အိန္ဒိယနိုင်ငံ၏ သကြားထုတ်လုပ်မှုကို ၂၀၂၅-၂၀၂၆ ဈေးကွက်ရာသီအတွင်း တန်ချိန် ၂၇. ၅၂ သန်း၊ ၇.၃၂ ရာခိုင်နှုန်းအထိ တိုးမြှင့်ထုတ်လုပ်သွားမည်ဖြစ်ကြောင်း ပြီးခဲ့သော အင်္ဂါနေ့တွင် ISMA ပြောကြားထားပါသည်။
ဧပြီ ၃၀ ရက်နေ့အထိ သကြားတန်ချိန် ၂၅.၆၄ သန်းထုတ်လုပ်ခဲ့ကြောင်း၊ အောက်တိုဘာ လမှ နိုဝင်ဘာလအထိသည် သကြားဈေးကွက်ရာသီဖြစ်ကြောင်း၊ အိန္ဒိယ သကြားနှင့် ဇီဝလာင်စာ ထုတ်လုပ်သူများအသင်း (ISMA) က သကြားထုတ်လုပ်မှုအကြီးဆုံးပြည်နယ်ဖြစ်သည့် Maharashtra တွင် သကြားတန်ချိန် ၈.၀၉ သန်းမှ တန်ချိန် ၉.၉၂ သန်းသို့ တိုးမြှင့်ထုတ်လုပ်လျက်ရှိရာ တစ်ချိန် တည်းမှာပင် Karnataka ပြည်နယ်၏ သကြားထုတ်လုပ်မှုသည်လည်း တန်ချန် ၄.၀၄ သန်းမှ တန်ချိန် ၄.၈၀ သန်းအထိမြင့်တက်နေသည်ကိုတွေ့ရှိရေကြောင်း သိရှိရသည်။
သို့သော် ဘဏ္ဍာနှစ်အစောပိုင်းက Uttar Pradesh ပြည်နယ်တွင် သကြားထုတ်လုပ်မှု တန် ချိန် ၉.၂၄ သန်းမှ တန်ချိန် ၈.၉၆ သန်းသို့ကျဆင်းခဲ့ကြောင်း၊ ၂၀၂၄-၂၀၂၅ ဘဏ္ဍာနှစ် အတွင်း စံချိန်တင်ခဲ့သည့် တန်ချိန် ၂၆.၁၂ သန်းကို ကျော်လွန်၍ ၂၀၂၅- ၂၀၂၆ ဘဏ္ဍာနှစ်တွင် တန်ချိန် ၂၉.၃ သန်း ထုတ်လုပ်ရန်ရည်မှန်းထားကြောင်း ISMA ကပြောကြားထားပါသည်။
သကြားစက်ရုံလည်ပတ်မှု သိသိသာသာကျဆင်းလျက်ရှိရာ ပြီးခဲ့သည့်နှစ်ကာလတူက စက်ရုံ ၁၉ ခု နှင့်နှိုင်းယှဉ်ပါက ယခုအခါ စက်ရုံ ၅ ရုံသာလည်ပတ်လျက်ရှိကြောင်း၊ Tamil Nadu ပြည်နယ်ရှိ လည်ပတ်လျက်ရှိသော သကြားစက်ရုံတွင် သကြားတန်ချိန် ၅၀၀,၀၀၀ နီးပါး ထုတ် လုပ်သွားမည်ဖြစ်ေကြာင်းသိရသည်။
ကြံစိုက်ရာသီချိန် နီးကပ်လာသည်နှင့်အမျှ ထုတ်လုပ်မှုကုန်ကျစရိတ်မြင့်မားမှု၊ စွမ်းဆောင် ရည်ကျဆင်းလာသည့် သကြားစက်ရုံအေဟာင်းများ၏ ပကတိအခြေအနေနှင့် ကြံများအား ပုတ်ပြတ်ကြိုတင်ဝယ်ယူမှု စသည်တို့အပေါ် အခြေပြု၍ အနိမ့်ဆုံးဈေးနှုန်းဖြင့် သတ်မှတ်ဝယ်ယူမှု ကို သကြားစက်ရုံက အစောပိုင်းက ဖော်ပြပေးထားပြီး ဖြစ်ကြောင်းသိရှိရသည်။
Maharashtra ပြည်နယ်တစ်ခုတည်မှာပင် ကြံပုတ်ပြတ်ကြိုတင်အဝယ်ဈေးနှုန်းသည် ဧပြီလအလယ်အထိ ရူပီး ၂၁၃၀ သန်းအထိ ရှိရာ ယခင်နှစ်စံချိန်တင်ထားသည့် ရူပီး ၇၅၂ သန်း ၏ သုံးဆနီးပါးဖြစ်ကြောင်းသိရသည်။ သကြားစက်ရုံအနေဖြင့် အစိုးရအား လက်ရှိဆောင်ရွက် နေသော E20 အစီအစဉ်ထက် ပိုမိုကောင်းမွန်သော အီသနောရောနှောမှု ပိုမိုလုပ်ဆောင်နိုင်သည့် E25 နှင့် E85/E100 ကဲ့သို့ လောင်ကျွမ်းမှုမြန်ဆန်သည့် စက်ရုံများအဆင့်မြှင့်တင်ပေးရန်နှင့် ကုန်စည်နှင့် ဝန်ဆောင်မှု အခွန်နှုန်းကို သင့်လျော်အောင် စီစဉ်ပေးရန် တိုက်တွန်းထားကြောင်း သိရသည်။
အီသေနာ အဝယ်ဈးနှုန်းပြင်ဆင်ထုတ်ပြန်မှုနောက်ကျခြင်းကြောင့် စက်ရုံများ အချိန်မီ မလည်ပတ်နိုင်သည့်အတွက် မြန်ဆန်သည့် ဈေးနှုန်းပြင်ဆင်ထုတ်ပြန်ခြင်းက စက်ရုံလည်ပတ်မှု ကို တိုးမြှင့်နိုင်ပြီး ရင်းနှီးမြှုပ်နှံသူများအား ခိုင်မာသည့် မူဝါဒကို ချပြပေးနိုင်မည်ဖြစ်ကြောင်း ISMA က အလေးအနက်တိုက်တွန်းထားပါသည်။
Source : Business Standard, 24 April 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)