အရှေ့အလယ်ပိုင်းပဋိပက္ခများဖြစ်ပွားခြင်းမှတစ်ဆင့် ကမ္ဘာ့လောင်စာဆီဈေးနှုန်းမြင့်တက် ပြီး ဇီဝလောင်စာဆီလိုအပ်ချက်များ မြင့်တက်လာခြင်းကြောင့် စားအုန်းဆီကြမ်း တင်ပို့မှုနှင့် ဘူးသွင်းဆီ ဈေးနှုန်းတို့ကို ဧပြီလ ၇ ရက်နေ့မှစတင်၍ ထိန်းချုပ်သွားမည်ဖြစ်ကြောင်း ထိုင်းနိုင်ငံ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ဧပြီလ ၆ ရက်နေ့ (တနင်္လာနေ့)တွင် ပြောကြားခဲ့သည်။
အဆိုပါ ဆောင်ရွက်ချက်များသည် အရန်စွမ်းအင်လက်ကျန်ရှိစေရေး ထိန်းသိမ်းခြင်းများ ပါဝင်ပြီး တောင်သူလယ်သမားများအပေါ် ထိခိုက်မှုရှိစေခြင်းမဟုတ်ဘဲ ၎င်းတို့အား အစိုးရက ဆက်လက် အကာအကွယ်ပေးသွားမည်ဖြစ်ကြောင်း အဆိုပါဝန်ကြီးဌာနက ပြောကြားခဲ့သည်။ စိုက်ပျိုးရေး စီးပွားရေးရုံး (Office of Agricultural Economics) ၏ ဖော်ပြချက်အရ ကမ္ဘာ့တတိယ အကြီးဆုံး စားအုန်းဆီ ထုတ်လုပ်သည့် ထိုင်းနိုင်ငံသည် ၂၀၂၆ ခုနှစ်တွင် စားအုန်းဆီအသီးခိုင် တန်ချိန် ၂၁.၈၇ သန်းနှင့် စားအုန်းဆီကြမ်း တန်ချိန် ၃.၉၄ သန်း ထုတ်လုပ်နိုင်မည်ဟု သိရသည်။
တော်ဝင်အစိုးရပြန်တမ်း (Royal Gazette) က တနင်္ဂနွေနေ့မှာ ထုတ်ပြန်ခဲ့သည့် အမိန့် ကြော်ငြာစာတွင် ထိုင်းနိုင်ငံသည် စားအုန်းဆီကြမ်းတင်ပို့မှုအပေါ်ထိန်းချုပ်မှုများ တင်းကြပ်သွား မည်ဖြစ်ပြီး တင်ပို့သူများအနေဖြင့် ပြည်ပသို့ မတင်ပို့မီ အစိုးရ၏ ခွင့်ပြုချက်ရယူရန် လိုအပ်ကြောင်း ဖော်ပြထားသည်။ အဆိုပါသတ်မှတ်ချက်သည် အင်္ဂါနေ့မှစတင်၍ သက်ရောက်မည်ဖြစ်ပြီး တစ်နှစ် ကြာသက်တမ်းတည်ရှိမည် ဖြစ်ကြောင်းသိရသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်တွင်းကုန်သွယ်ရေးဦးစီးဌာန ညွှန်ကြားရေးမှူးချုပ်က ဧပြီလ ၃ ရက်နေ့ရက်စွဲဖြင့် လက်မှတ်ရေးထိုးထားသော ဤအမိန့်အရ တင်ပို့သူများသည် တင်ပို့မည့်နိုင်ငံ၊ တင်ပို့မည့်ပမာဏနှင့် ရောင်းချမည့်ဈေးနှုန်းစသည့် အသေးစိတ် အချက်အလက်များကို တင်ပြသွားရမည်ဖြစ်ကြောင်း သိရှိရသည်။
Source: The Business Times, 6 April 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)