ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးရုံးအနေဖြင့် အွန်လိုင်းစနစ်ဖြင့် ရောင်းချခြင်းလုပ်ငန်းများကို မှတ်ပုံတင်လက်မှတ် စိစစ်ထုတ်ပေးခြင်း၊ မြေပြင်လုပ်ငန်းနှင့် မှတ်ပုံတင်ထားရှိမှု ကိုက်ညီမှု ရှိ/မရှိတို့ကို ကြိုးစားပမ်းစား ဆောင်ရွက်လျက်ရှိရာ ၁၃.၃.၂၀၂၆ ရက်နေ့၌ ရွှေကျင်မြို့နယ်ရှိ အွန်လိုင်းလုပ်ငန်းတစ်ခုအား သွားရောက်စစ်ဆေး ခဲ့ကြောင်း သိရှိရပါသည်။
ညောင်လေးပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးရဲမင်းထွဋ်နှင့် အငယ်တန်းစာရေး ဦးနေမျိုးဝင်းတို့သည် ရွှေကျင်မြို့နယ်၊ မန်ကျည်းတန်းရပ်ကွက်၊ အမှတ် (၉၉)၊ ရွှေဝတ်မှုံလမ်းရှိ “ Augusta’s Fancy ” အွန်လိုင်း အမည်ဖြင့် ဖန်စီပစ္စည်းများ၊ အထည်အလိပ်၊ အဝတ်အထည်နှင့် ဆက်စပ်ပစ္စည်း များ၊ ဖက်ရှင်အသုံးအဆောင်ပစ္စည်းများ ဖြန့်ချိရေးကို မှတ်ပုံတင်ထားရှိမှုအား ကွင်းဆင်းစစ်ဆေး ခဲ့ပါသည်။ စစ်ဆေးရာတွင် ခရိုင်ဦးစီးမှူးက လျှောက်လွှာပုံစံတွင် ဖြည့်သွင်းထားသည့် လိပ်စာ အတိုင်း လုပ်ငန်းအမှန်တကယ် တည်ရှိရမည်ဖြစ်ကြောင်း၊ ရောင်းချရန်တင်ပြထားသော ကုန်ပစ္စည်း (သို့) ဝန်ဆောင်မှုအမျိုးအစား စာရင်းအတိုင်း မြေပြင်တွင် အမှန်တကယ်ရောင်းချရန်၊ လျှောက်လွှာ တွင် ဖြည့်သွင်းထားသည်များနှင့် မကိုက်ညီလျှင် စားသုံးသူ ကာကွယ်ရေးဥပဒေအရ အရေးယူခံရ မည်ဖြစ်ကြောင်းတို့ကို ဟောပြောရှင်းပြခဲ့ပါသည်။ “ Augusta’s Fancy ” ဖန်စီပစ္စည်းများ၊ အထည် အလိပ်၊ အဝတ်အထည်နှင့် ဆက်စပ်ပစ္စည်းများ၊ ဖက်ရှင်အသုံးအဆောင်ပစ္စည်းများ ဖြန့်ချိရေးသည် ဖန်စီပစ္စည်းများ၊ အထည်အလိပ်၊ အဝတ်အထည်နှင့် ဆက်စပ်ပစ္စည်းများ၊ ဖက်ရှင်အသုံးအဆောင် ပစ္စည်းများကို အွန်လိုင်းမှတစ်ဆင့် ဖြန့်ချိရောင်းချမည်ဖြစ်ကြောင်း သတင်းရရှိပါသည်။
DOCA(ပဲခူး)