တနင်္သာရီတိုင်း၊ မြိတ်ခရိုင်တွင် စိုက်ပျိုးရေး၊ မွေးမြူရေးအပြင် တည်ဆောက်ရေးလုပ်ငန်း များပါတည်ရှိပြီး ဒေသတွင်းသုံးစွဲလျက်ရှိသော ဘိလပ်မြေများကို ရန်ကုန်နှင့် ဘိလပ်မြေထုတ်လုပ် သည့် စက်ရုံများမှ မှာယူရောင်းချလျက်ရှိပါသည်။ ဘိလပ်မြေသည် ဆောက်လုပ်ရေးလုပ်ငန်းတွင်မပါ မဖြစ်ဖြစ်ပြီး ဒေသတွင်းသင့်တင့်မျှတသောစျေးနှုန်းဖြင့်ရောင်းချနိုင်ရေးတို့အတွက် မြိတ်ခရိုင်စားသုံး သူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းများအပါအဝင် သက်ဆိုင်ရာဌာနဆိုင်ရာများပါဝင်သော အဖွဲ့များသည် ၂၀၂၆ခုနှစ်၊ မတ်လ(၂၀)ရက်နေ့တွင် ရှမ်းချောင်းလမ်းမကြီး၊ ရှမ်းချောင်းရပ်ရှိ အိမ်ဆောက်ပစ္စည်းအရောင်းဆိုင်များသို့ ကွင်းဆင်းစစ်ဆေး ခဲ့ကြကြောင်း သိရှိရပါသည်။
မြိတ်မြို့၌ Alpha၊ ဆင်၊ ကြံ့ ဘိလပ်မြေများရောင်းချလျက်ရှိပြီး ကွင်းဆင်းစစ်ဆေးချက်အရ Alpha တစ်အိတ်စျေးနှုန်း ၃၅၀၀၀ကျပ်၊ ကြံ့တစ်အိတ်စျေးနှုန်း ၃၅၀၀၀ကျပ်၊ ဆင်တစ်အိတ်စျေးနှုန်း ၃၈၀၀၀ကျပ်ဖြင့် ရောင်းချလျက်ရှိကြောင်းသိရှိရပြီး ဒေသတွင်းဖြစ်သင့်ဖြစ်ထိုက်သောစျေးနှုန်းများ ဖြင့် ရောင်းချမှုရှိစေရေးနှင့် ပစ္စည်းလက်ကျန်အခြေအနေများအား မေးမြန်းစုံစမ်းခဲ့ကြောင်းသိရှိရပါ သည်။
DOCA(တနင်္သာရီ)