၂၀၂၆ ခုနှစ်၊မေလ ၉ ရက်နေ့တွင် ပြည်ခရိုင်ဦးစီးမှူးနှင့်အဖွဲ့သည် ပြည်မြို့ပေါ်ရှိ ဆန်ဆိုင် (၃) ဆိုင်နှင့် ဆန်စက်(၂)စက်တို့အား ဈေးကွက်အတွင်း စပါး/ဆန်ဈေးနှုန်းမြှင့်တင်ရောင်းချခြင်းများ သိုလှောင်ဈေးကစားမှု မဖြစ်ပေါ်စေရေးနှင့် ဈေးနှုန်းတည်ငြိမ်မှန်ကန်စေရေးအတွက် မြေပြင်ကွင်း ဆင်း စစ်ဆေးခြင်းများဆောင်ရွက်ခဲ့ပါသည်။
ထိုသို့မြေပြင်ကွင်းဆင်းစစ်ဆေးရာတွင် ဆန်ဆိုင်များအနေဖြင့် ကရင်မဆန် ၂၄ ပြည်(၁)အိတ် လျှင် ၅၃၀၀၀ ကျပ်၊ ငွေတိုး(၁)အိတ်လျှင် ၅၆၀၀၀ ကျပ်၊ မှော်ဘီ(၁)အိတ်လျှင် ၅၅၀၀၀ ကျပ်၊ ကျောက်ရွေး(၁)အိတ်လျှင် ၅၆၀၀၀ကျပ်ဈေးဖြင့်ရောင်းချလျက်ရှိပြီး ရွှေဘိုအစားထိုး ပုသိမ်ပေါ်ဆန်း စိုက်ပျိုးရာဒေသကိုလိုက်၍ ဆန်အရည်အသွေးပေါ်မူတည်ပြီး ဆန် ၂၄ ပြည်(၁)အိတ်လျှင် ၉၀၀၀၀ ကျပ်၊ ၉၆၀၀၀ ကျပ်၊ ၁၂၅၀၀၀ ကျပ်၊ ၁၃၀၀၀၀ ကျပ်၊၁၅၅၀၀၀ ကျပ်ဈေးများဖြင့် ဈေးကွက်အတွင်း ရောင်းချလျက် ရှိပါသည်။
ဆန်စက်များအနေဖြင့် ဒေသမှထွက်ရှိသော ဧည့်မထစပါးများသာ ကြိတ်ခွဲလျက်ရှိပြီး ကြိတ်ခွဲ ရရှိသော ဆန်နှင့်ဆန်ကွဲများကို ရန်ကုန်၊ တောင်ကြီးမြို့များနှင့် အခြားဒေသများသို့ တင်ပို့ရောင်းချ လျက်ရှိပါကြောင်း၊ ဧည့်မထ ၂၅ % ဆန် ၂၄ ပြည်တစ်အိတ်လျှင် ၅၅၀၀၀ ကျပ်၊ ဆန်ကွဲ ၄၇၀၀၀ - ၄၈၀၀၀ ကျပ်၊ ဖွဲနုတစ်ပေါင်လျှင် ၄၄၀ ကျပ်ဖြင့်တင်ပို့ရောင်းချလျက်ရှိပါသည်။
ပြည်ခရိုင်အတွင်း ဆန်ဆိုင်နှင့်ဆန်စက်များတွင် မြန်မာနိုင်ငံဆန်စပါးအသင်းချုပ်၊ မြန်မာနိုင်ငံ ဆန်ကုန်သည်အသင်း၊ မြန်မာနိုင်ငံဆန်စက်လုပ်ငန်းရှင်များအသင်း၊ မြန်မာနိုင်ငံစပါးစိုက်ပျိုး ထုတ်လုပ်သူများအသင်းတို့၏ ပူးပေါင်းဆောင်ရွက်မှုဖြင့် စားသုံးသူများအတွက် သက်သာသော ဈေးနှုန်းဖြင့် ဧည့်မထ ၂၅ % ဆန် တစ်ပြည်လျှင် ၂၃၀၀ ကျပ်နှုန်းဖြင့် Vinyl ကပ်၍ နေ့စဉ်ရောင်းချ ပေးလျက်ရှိပါကြောင်းသိရှိရပါသည်။
DOCA(ပဲခူး)