စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးအရာရှိပါ (၄) ဦး တို့သည် အမှတ် (၁၉၆)၊ အမှတ် (၃) လမ်းမကြီး၊ မင်္ဂလာဒုံမြို့နယ်နှင့် လှည်းကူး၊ တိုက်ကြီး၊ မှော်ဘီမြို့နယ်ရှိ မြို့မဈေးများတွင် (၁၇.၃.၂၀၂၆) ရက်နေ့ နံနက် (၁၀:၃၀) နာရီအချိန်တွင် အိမ်သုံး လျှပ်စစ်ပစ္စည်းအမျိုးမျိုးနှင့် ပတ်သက်၍ ဈေးကွက်ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် Terminal-M Ocean မှ တာဝန်ခံနှင့် မြို့မဈေးများမှ ဈေးတာဝန်ခံများပါ ပူးပေါင်းပါဝင်လျက် ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းစေရေးနှင့် ကုန်စည်များတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသား သတ်မှတ် ချက်များနှင့် ကိုက်ညီမှုရှိစေရေးတို့အတွက် ဈေးကွက်စောင့်ကြည့်စစ်ဆေးခြင်း လုပ်ငန်းများကို လစဉ်ဆောင်ရွက်လျက်ရှိရာ ယခုလတွင် စစ်ဆေးရမည့် အိမ်သုံးလျှပ်စစ် ပစ္စည်းအမျိုးမျိုးတို့တွင် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ညွှန်ကြားချက် အမှတ် (၂/၂၀၁၉)နှင့်အညီ ကိုက်ညီမှုရှိ/ မရှိကို စစ်ဆေးခဲ့ရာ ကိုက်ညီမှုရှိကြောင်း စစ်ဆေးတွေ့ရှိရပြီး ဌာနမှအရောင်းဆိုင် တာဝန်ခံ၊ ပိုင်ရှင်များအား မြန်မာနိုင်ငံ စားသုံးသူကာကွယ်ရေး ကော်မရှင်က ထုတ်ပြန်ထားသည့်(၂/၂၀၂၉)ညွှန်ကြားချက်ပါ အသေးစိတ် အချက်အလက်များ၊ စားသုံးသူကာကွယ်ရေးဥပဒေ အခန်း(၁၈)ပါ စီးပွားရေးလုပ်ငန်းရှင်၏တာဝန်များ၊ အခန်း(၁၁)ပါ ကုန်စည်နှင့်ပတ်သက်၍ အာမခံချက်ပေးခြင်းဆိုင်ရာ အချက်အလက်များကို ရှင်းလင်း ပြောကြားခဲ့ကြောင်း သိရှိရပါသည်။
DOCA (ရန်ကုန်)