မကွေးတိုင်းဒေသကြီး၊ စားသုံးသူရေးရာဦးစီးဌာန၊ မင်းဘူးခရိုင်၊ ပွင့်ဖြူမြို့နယ်တာဝန်ခံ ဒေါ်ကြူကြူလှိုင်သည် (၁၁.၃.၂၀၂၆)ရက်နေ့၊ နံနက်(၀၈:၃၀)နာရီအချိန်တွင် ပြန်ကြားရေးနှင့် ပြည်သူ့ ဆက်ဆံရေးဦးစီးဌာနတို့နှင့် ပူးပေါင်းကာ စားသုံးသူပြည်သူများအား ပြန်ကြားရေးနှင့် ပြည်သူ့ ဆက်ဆံ ရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမ၌ ကမ္ဘာ့စားသုံးသူအခွင့်အရေး များနေ့အကြောင်း အသိပညာပေး Talk Show ပြုလုပ်ခဲ့ပါသည်။
အဆိုပါဆွေးနွေးပွဲတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးက စားသုံးသူအသိပညာပေး Talk Show ပြုလုပ်ရခြင်း၏ ရည်ရွယ်ချက်အား ရှင်းလင်းပြောကြားပြီး၊ စားသုံးသူရေးရာဦးစီးဌာန မြို့နယ်တာဝန်ခံက ကမ္ဘာ့စားသုံးသူအခွင့်အရေးများနေ့ကို အကြိုဂုဏ်ပြု အစီအစဉ်အဖြစ် ဌာန၏မျှော်မှန်းချက်၊ ရည်မှန်းချက်အားရှင်းလင်းပြောကြားပြီး၊ ဈေးကွက်စောင့်ကြည့် စစ်ဆေးခြင်း၏ ရည်ရွယ်ချက် (၃)ရပ်ဖြစ်သည့် စားသုံးသူများကိုကာကွယ်ပေးခြင်း၊ စီးပွားရေးလုပ်ငန်း များအတွက် မျှတသော ယှဉ်ပြိုင်မှုဖြစ်ပေါ်စေခြင်း၊ ယုံကြည်စိတ်ချရသော စီးပွားရေးအကျင့်ကောင်းကို ဖန်တီးပေးခြင်းများ၊ ဈေးကွက်စောင့်ကြည့်စစ်ဆေးခြင်း (၃)မျိုးဖြစ်သည့် စားသုံးသူများ အသုံးပြု လျက်ရှိသည့် ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းစေရေး စောင့်ကြည့်စစ်ဆေးခြင်း၊ တိုင်ကြားလာမှုများအား စောင့်ကြည့်စစ်ဆေးခြင်းနှင့် ကုန်စည်များအား ကုန်အညွှန်းအမှတ်အသား ဖော်ပြချက်များနှင့် ကိုက်ညီမှုရှိ/မရှိ စောင့်ကြည့်စစ်ဆေးခြင်းတို့အား အသိပညာပေးခဲ့ပြီး၊ ကုန်စည် စစ်ဆေးခြင်းအမျိုးအစား (၂)မျိုးဖြစ်သည့် မျက်မြင်စစ်ဆေးခြင်းနှင့် ဓါတ်ခွဲစမ်းသပ် စစ်ဆေးခြင်းတို့ကို လည်း အသိပညာပေးဆွေးနွေးပြောကြားခဲ့ကြောင်း သိရှိရပါသည်။
DOCA(မကွေး)