အရှေ့အလယ်ပိုင်းပဋိပက္ခကြောင့် စွမ်းအင်ဈေးနှုန်းများ ရုတ်တရက် ထိုးတက်သွားခြင်းက ဇီဝလောင်စာ (Biofuel) ထုတ်လုပ်ရာတွင် အသုံးပြုသည့် သီးနှံများအပေါ် လိုအပ်ချက်ကို မြင့်တက်စေခဲ့ရာ၊ ချီကာဂိုနိုင်ငံ၏ ပဲပုပ်ဆီ ကြိုတင်ရောင်းဝယ်မှု ဈေးနှုန်းများသည် ဈေးကွက် ဖွင့်ချိန်တွင် ၄ ရာခိုင်နှုန်းကျော်အထိ မြင့်တက်လာခဲ့ကြောင်း သိရပါသည်။
အဓိကကျသော အရှေ့အလယ်ပိုင်း ရေနံထုတ်လုပ်သည့် နိုင်ငံအများအပြားမှ ရေနံ ထုတ်လုပ်မှုနှုန်းကို လျှော့ချလိုက်ခြင်းနှင့် ဟော်မုဇ်ရေလက်ကြား (Strait of Hormuz) ပိတ်လုနီးပါး ဖြစ်နေခြင်းတို့ကြောင့် မတ်လ ၉ ရက်နေ့တွင် ရေနံစိမ်းဈေးနှုန်းမှာ တစ်စည်လျှင် အမေရိကန်ဒေါ်လာ ၁၀၀ အထက်သို့ ကျော်လွန်သွားခဲ့ကြောင်း သိရပါသည်။ အဆိုပါအခြေအနေသည် သီးနှံအခြေပြုလောင်စာများ ထုတ်လုပ်ရာတွင် အသုံးပြုသည့် ဟင်းသီးဟင်းရွက်ဆီနှင့် ကောက်ပဲသီးနှံများ၏ ဈေးနှုန်းကို မြင့်တက်စေခြင်းဖြစ်ကြောင်း သိရပါသည်။
ဂျုံကြိုတင်ရောင်းဝယ်မှု ဈေးနှုန်းများသည်လည်း အမြင့်ဆုံးနှုန်းဖြင့် ဆက်တိုက်ခုန်တက်လျက်ရှိကြောင်း သိရပါသည်။ အီရန်စစ်ပွဲကြောင့် မြေသြဇာစီးဆင်းမှုများ ပြတ်တောက်ခြင်းနှင့် ကုန်စည်ပို့ဆောင်ခများ မြင့်တက်လာခြင်းတို့သည် ကောက်ပဲသီးနှံ ဈေးကွက်တစ်ခုလုံးဈေးနှုန်း များ မြင့်တက်စေခြင်း၏ အဓိကအကြောင်းအရင်းများဖြစ်ကြောင်း သိရှိရပါသည်။
Source: The Edge Malaysia
DOCA (ရန်ကုန်)