မအူပင်ခရိုင်၊ ညောင်တုန်းမြို့နယ် စားသုံးရေးရာဦးစီးဌာနနှင့် မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနတို့ ပူးပေါင်း၍ အွန်လိုင်းရောင်းဝယ်မှုဆိုင်ရာ စားသုံးသူကာကွယ်ရေး အသိပညာပေး (Talk-Show)ကို ၂၁-၂-၂၀၂၆ ရက်နေ့ နေ့လယ် (၁၃း၀၀)နာရီအချိန်က ညောင်တုန်းမြို့နယ် လူထုအခြေပြု ဗဟိုဌာန Community Centre ခန်းမ၌ ကျင်းပခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန က ယခုအချိန်တွင် Online Shopping များ ရောင်းဝယ်ခြင်း ဆိုင်ရာလုပ်ငန်းများတွင် ဖြစ်ပေါ်နေသည့်အကြောင်းအရာများနှင့် ပတ်သက်၍ ပြည်သူများ ကျယ်ကျယ်ပြန့်ပြန့် သိရှိစေရန်ရည်ရွယ်၍ ပြုလုပ်ရခြင်း ဖြစ်ကြောင်းဆွေးနွေးပြောကြားပြီး ညောင်တုန်းမြို့နယ် စားသုံးသူရေးရာဦးစီးဌာနမှ ဒေါ်ချိုမီဇင်က အွန်လိုင်းရောင်းဝယ်မှုဆိုင်ရာ ကိစ္စရပ်များ အတွက် စားသုံးသူကာကွယ်ရေး အခွင့်အရေးများနှင့် ပတ်သက်၍ စားသုံးသူများ ကုန်စည်နှင့် ဝန်ဆောင်မှုများနှင့် ပတ်သက်၍ စားသုံးသူပြည်သူများ ရင်ဆိုင်ကြုံတွေ့နေရခြင်းများ၊ စားသုံးသူပြည်သူများ ၀ယ်ယူခြင်းမပြုမီ သတိပြုရမည့်အချက်များ၊ ဆုံးရှုံးနစ်နာမှုဖြစ်ခဲ့လျှင် တိုင်ကြားရန် နည်းလမ်းများ၊ Online Shopping Page တွင် ဖော်ပြထားသည့် ဆက်သွယ်ရန် ဖုန်းနံပတ်လိပ်စာများအား မြေပြင်တွင်အမှန်တကယ်ရှိ/မရှိစစ်ဆေးရန်လိုအပ်ခြင်း၊ ကုန်ပစ္စည်းပို့ဆောင်ရေးလုပ်ငန်းများ၏ ပစ္စည်းလက်ခံပြေစာများကို အတုပြုလုပ်ခြင်းများရှိသဖြင့် သေချာစွာစစ်ဆေးရန်အကြောင်းများ၊ စစ်ဆေးရေးအရာရှိမှ မြေပြင်စစ်ဆေးခြင်းကိစ္စအကြောင်းကို ဆွေးနွေးခဲ့ပြီး အရေးကြီးကုန်စည် ဝန်ဆောင်မှု ဥပဒေများအကြောင်းကို ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)