အမျိုးသားစာရင်းအင်းကော်မတီ၏ ထုတ်ပြန်ချက်အရ ဥဇဘက်ကစ္စတန်နိုင်ငံသည် ၂၀၂၅ ခုနှစ်အတွင်း ပြည်ပနိုင်ငံ ၁၂ နိုင်ငံသို့ ခရမ်းချဉ်သီး တန်ချိန် ၄၅,၂၀၀ တန်ခန့်တင်ပို့ခဲ့ပြီး စုစုပေါင်း ဝင်ငွေအမေရိကန်ဒေါ်လာ ၃၆ သန်း ရရှိခဲ့ကြောင်း သိရပါသည်။
အစီရင်ခံစာအရ ၂၀၂၄ ခုနှစ်နှင့် နှိုင်းယှဉ်ပါက တင်ပို့မှုပမာဏသည် ၃,၃၀၀ တန် လျော့ကျသွားသဖြင့် အနည်းငယ်ကျဆင်းလာခဲ့ကြောင်း သိရပါသည်။ (CIS) အဖွဲ့ဝင်နိုင်ငံများသည် ဥဇဘက်ကစ္စတန်နိုင်ငံမှ ထွက်ရှိသောခရမ်းချဉ်သီးများအတွက် အဓိကစျေးကွက်အဖြစ် ဆက်လက်တည်ရှိနေကြောင်း သိရပါသည်။ ရုရှားနိုင်ငံသည် တန်ချိန် ၃၂,၇၈၆ တန်ဖြင့် အဓိကအများဆုံး တင်သွင်းသည့်နိုင်ငံဖြစ်ပြီး၊ ၎င်းနောက်တွင် ကာဇက်စတန်နိုင်ငံမှ ၆,၈၅၀ တန်နှင့် ကာဂျစ္စ တန်သမ္မတနိုင်ငံမှ ၅,၁၁၅ တန်တို့ဖြင့် အသီးသီး ရပ်တည်နေကြောင်း သိရပါသည်။
CIS အဖွဲ့ဝင်မဟုတ်သော နိုင်ငံများထဲတွင် ဥဇဘက်ကစ္စတန်နိုင်ငံသည် အာရပ်စော်ဘွားများပြည်ထောင်စု (UAE)နိုင်ငံ သို့တန်ချိန် ၃၂၅.၈ တန်နှင့် တာဂျစ်ကစ္စတန်နိုင်ငံသို့ တန်ချိန် ၄၈.၂ တန်ခန့်တင်ပို့ခဲ့ကာ၊ ကျန်ရှိသော တန်ချိန် ၈၁.၆ တန်ကို အခြားနိုင်ငံတကာစျေးကွက်များသို့ တင်ပို့လျက်ရှိကြောင်း သိရှိရပါသည်။
Source: UZDaily
DOCA (ရန်ကုန်)